ខេត្តបន្ទាយមានជ័យ៖ បច្ចុប្បន្ននេះ គេសង្កេត ឃើញថានៅក្រុងប៉ោយប៉ែត កំពុងតែ ពេញនិយម ពីបុគ្គលមួយចំនួន ដែលមានមហិច្ឆតាលោភលន់ ក្នុងការសាងសង់ លំនៅដ្ឋាន ក៏ដូចជាការសាងសង់តូបជួល ដោយរំលោភយកដីចំណីផ្លូវ ដើម្បីផលប្រយោជន៍ផ្ទាល់ខ្លួន ខណៈអាជ្ញាធរមិនទាន់ឃើញមានចំណាត់ការទប់ស្កាត់នៅឡើយទេ.? ក្នុងនោះក៏មានបុគ្គលខ្លះ សាងសង់រួចរាល់ហើយ និង អ្នកខ្លះទៀតកំពុងផ្តើមសាងសង់ជាបន្តបន្ទាប់។ តាមភាពជាក់ស្តែង ម្ចាស់ផ្ទះមួយកន្លែង នៅជាប់និងផ្លូវជាតិលេខ៥ និង ចូលទៅតាមបណ្តោយផ្លូវទៅ(វិទ្យាល័យអូរជ្រៅ) ស្ថិតក្នុងភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត គឺ កំពុងសាងសង់ រំលោភយកដីផ្លូវ ក្នុងនោះក៏មានពលរដ្ឋមួយចំនួន ដែលរស់នៅតាមបណ្តោយផ្លូវចូលទៅវិទ្យាល័យ អូរជ្រៅ ក៏បានសាងសង់ ជាយូរឆ្នាំមកហើយ បែរជាអាជ្ញាធរ ភូមិ ឃុំ សង្កាត់ និង ក្រុង មិនទាន់មានចំណាត់ការទប់ស្កាត់សោះ។ ប្រជាពលរដ្ឋក្នុងក្រុងប៉ោយប៉ែត មួយចំនួនធំ កំពុង រិះគន់ ចំពោះអាជ្ញាធរ ក្រុងប៉ោយប៉ែត និង ស្ថាប័នពាក់ព័ន្ធផងដែរ ហាក់បីដូចជា អសមត្ថភាព ក្នុងការបង្រ្កាប និង ទប់ស្កាត់ ក្នុងករណី បុគ្គលមួយចំនួន សាងសាងផ្ទះ ឬ តូបជួល រំលោភយកដីចំណីផ្លូវ។ មហាជន មួយចំនួន ក៏បានលើកជាមតិថា សព្វថ្ងៃនេះ ផ្លូវមួយចំនួន ស្ទើតែរកផ្លូវដើរគ្មាន ព្រោះផ្លូវដីចំណីផ្លូវមួយចំនួន ត្រូវបានពលរដ្ឋមួយចំនួនតូច រំលោភយកអស់ហើយ ចឹងមានតែដើ តាមផ្លូវ ឡាន ផ្លូវ ម៉ូតូ តែប៉ុណ្ណោះ.? ។ នៅព្រឹកថ្ងៃទី២៦ ខែសីហា ឆ្នាំ២០២០នេះ លោក ភោគ លន ចៅសង្កាត់ប៉ោយប៉ែត បានប្រាប់សារព័ត៌មានយើងតាមទូរស័ព្ទ អោយដឹងថា លោក បានហៅម្ចាស់ផ្ទះ មកណែនាំ និង ធ្វើកិច្ចសន្យាហើយ។ ដោយឡែក លោក គាត ហ៊ុល អភិបាលក្រុងប៉ោយប៉ែត និង ឯកឧត្តម អ៊ុំ រាត្រី អភិបាលខេត្ត បន្ទាយមានជ័យ មិនអាចសុំការបំភ្លឺបានទេ ដោយខលទូរស័ព្ទ ចូលហើយ លោកបាននិយាយថា កំពុងជាប់រវល់ប្រជុំដូចគ្នា។ ទោះបីជាយ៉ាងណា ក៏ដោយ មហាជន សង្ឃឹម ថា អាជ្ញាធ រភូមិឃុំ សង្កាត់ ក្រុង និង ខេត្ត និង ចាត់កម្លាំង ចុះទប់ស្កាត់ និង រុះរើ ទាំង សំណង់ចាស់ និង សំណង់ថ្មី ដែលកំពុងសាងសង់រំលោភយកចំណីផ្លូវ ដែលនៅក្បែរស្លាក(វិទ្យាល័យ អូរជ្រៅ) ឆាប់ៗនេះ៕ ដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ឯកអគ្គរាជទូតអូស្រ្តាលី ជឿជាក់ថាក្រោមការដឹកនាំរបស់ឯកឧត្តមអភិសន្តិបណ្ឌិត ស សុខា ក្រសួងមហាផ្ទៃ នឹងបន្តសម្រេចបានសមិទ្ធផលធំធេងបន្ថែមទៀត! (គេហទំព័រ ប៉ោយប៉ែត ប៉ុស្តិ៍)
ជាង៥០០០គ្រួសារ ក្នុងករណីរឿងរ៉ាវវិវាទដីធ្លីត្រូវបានឯកឧត្តមបណ្ឌិត ប៉ាន់ខែម ប៊ុនថន រកដំណោះស្រាយជូនបងប្អូនប្រជាពលរដ្ឋ្ក្ក្កតាមបែបឈ្នះឈ្នះ ហើយបច្ចុប្បន្នសិល្បៈនៃការដោះស្រាយបែបនេះនៅតែជាតម្រូវការចាំបាច់សម្រាប់ប្រជាពលរដ្ឋ.!!! (គេហទំព័រ ប៉ោយប៉ែត ប៉ុស្តិ៍)
កិច្ចប្រជុំការងារក្រុងប៉ោយប៉ែត នៃក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ក្រោមអធិបតីភាពឯកឧត្តម ឌិត ទីណា ប្រធានក្រុមការងារ រាជរដ្ឋាភិបាលចុះមូលដ្ឋាន ខេត្តបន្ទាយមានជ័យ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា ៖ ប្រតិបត្តិការប្រឆាំងឧក្រិដ្ឋកម្មតាមប្រព័ន្ធអ៊ីនធឺណេតរបស់កម្ពុជា មានតម្លៃជាសាកល (គេហទំព័រ ប៉ោយប៉ែត ប៉ុស្តិ៍)
លោកវរៈសេនីយ៍ ឈឿន ប៊ុនថា អធិការរងនគរបាលផ្នែកចរាចរណ៍ក្រុងប៉ោយប៉ែត បានដឹកនាំកម្លាំងចុះអន្តរាគមន៍ និងសម្រួលចរាចរណ៍ បន្ទាប់ពីមានករណីគ្រោះថ្នាក់ចរាចរណ៍បុកបន្តកន្ទុយគ្នានៅម្តុំដើមពោធិ៍លោកយាយម៉ៅ លើផ្លូវជាតិលេខ៥.!!! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា