ខេត្តតាកែវ៖ តាមការមើលឃើញជាក់ស្ដែងនៅថ្ងៃទី២៧ ខែសីហា ឆ្នាំ២០២០ ក្រុមអ្នកសារព័ត៌មានជាច្រើនស្ថាប័ន រួមនឹងស្ថាប័ន(គេហទំព័រ ប៉ោយប៉ែតប៉ុស្តិ៍) បានចុះផ្ដិតយករូបភាព និងពីសកម្មភាព ក្រុមអ្នកដែលញៀនលេងល្បែងភ្នាល់ជល់មាន់ បាននាំគ្នាសម្រុកចូលទៅលេងមានទាំងពលរដ្ឋខ្មែរនិងជនជាតិវៀតណាម ហើយសារព័ត៌មានយើងមិនដឹងថាកន្លែងជល់មាន់នៅក្បែរកាស៊ីណូភ្នំដិននេះ មានច្បាប់អនុញ្ញាតិ.ស.ជ.ណ ឬអត់ច្បាប់នោះទេ.? ជាក់ស្តែង ឃើញមានតែពលរដ្ឋខ្មែរភាគច្រើនប្រមូលផ្ដុំគ្នាលាយឡំនិងជនជាតិវៀតណាមចូលទៅលេងយ៉ាងគគ្រឹកគគ្រេង និងនាំគ្នាស្រែកហ៊ោកញ្ជ្រៀវ សប្បាយអឺងកង ទ្រហឹងពេញសៃវៀន ដោយមិនខ្លាចឆ្លងជំងឺកូវីដ-១៩ តាមការណែនាំរបស់រាជរដ្ឋាភិបាលនិងក្រសួងសុខាភិបាលផ្អាក់ការជួបជុុំឡើយ គឺលេងបានយ៉ាងសុខសាន្ត។ ហើយទីតាំងជល់មាន់ខាងលើនេះដែរ ពុំឃើញមានសមត្ថកិច្ចស្រុកគិរីវង់ ឬអាជ្ញាធរមូលដ្ឋាន និងសមត្ថកិច្ចពាក់ព័ន្ធប្រចាំការនៅភូមិផ្សារ ឃុំភ្នំដិន ស្រុកគិរីវង់ ខេត្តតាកែវ ចុះត្រួតពិនិត្យ និងធ្វើការបង្ក្រាបឡើយ ខណៈមានពលរដ្ឋខ្មែរផ្តុំក្បាលគ្នាសម្រុកចូលលេងជារៀងរាល់ថ្ងៃ និងសំបូរទៅដោយរថយន្តសេរីទំនើបៗ ថែមទាំងឃើញមានរថយន្តសមត្ថកិច្ចជាច្រើនគ្រឿងផងដែរ។ ហើយអ្វីដែលក្រុមអ្នកសារព័ត៌មានយើងហួសចិត្តនោះគឺ ពួកមើលការខុសត្រូវនៅទីតាំងជល់មាន់ក្បែរកាស៊ីណូភ្នដិននោះ ចង់បានល្បីខ្លាំងហើយមើលទៅណ៎.! បែរជាមកថតក្រុមអ្នកសារព័ត៌មានទៅវិញ.? ដែលក្រុមសារព័ត៌មានយើងកំពុងតែបំពេញភារកុច្ចនិងថតផ្តិតយករូបភាពជាក់ស្ដែងពិតៗ ដើម្បីធ្វើការផ្សព្វផ្សាយជូនដល់រាជរដ្ឋាភិបាល និងជូនដល់សម្ដេចតេជោហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ទាំងទ្វេ បានដឹង បានជ្រាបជាព័ត៌មាន និងមានចំណាត់ការចំពោះទីតាំងខាងលើនោះតែប៉ុណ្ណោះ។ ហេតុដូចនេះ ក្រុមសារព័ត៌មានយើងខ្ញុំ សូមសំណូមពរទៅដល់ នាយឧត្តមសេនីយ៍ នេត សាវឿន អគ្គស្នងការនគរបាលជាតិ សូមពិនិត្យឡើងវិញចំពោះម្ចាស់ទីតាំងជល់មាន់ដ៏ធំ១កន្លែងនៅក្បែរកាស៊ីណូភ្នំដិន អោយមានប្រសិទ្ធភាពផងបាទ។ នៅរសៀលថ្ងៃខែឆ្នាំដដែល ក្រុមព័ត៌មានជាច្រើនស្ថាប័ន រួមនឹងស្ថាប័នសារព័ត៌មាន(គេហទំព័រ ប៉ោយប៉ែតប៉ុស្តិ៍) បានធ្វើការខលទំនាក់ទំនងទៅលោកឧត្តមសេនីយ៍ទោ សុខ សំណាង ស្នងការខេត្តតាកែវ ដើម្បីសុំការបកស្រាយបំភ្លឺពីលោកជាច្រើនដង តែមិនអាចធ្វើការទំនាក់ទំនងទៅលោបានទេ ព្រោះទូរស័ព្ទលោកកំពុងជាប់រវល់រហូត។ សូមរំលឹកផងដែរថា៖ តើប្រសាសន៍សម្ដេចតេជោ ហ៊ុន សែន និងប្រសាសន៍ របស់សម្ដេចក្រឡាហោម ស ខេង ពីការលុបបំបាត់បនល្បែងសុីសងគ្រប់ប្រភេទនោះ តើមន្ត្រីថ្នាក់ក្រោមឱវាទ បានធ្វើការអនុវត្តន៍តាមប្រសាសន៍ និងបទបញ្ជារបស់សម្ដេចទាំងទ្វេដែរឬទេ? បើរក្នុងភូមិផ្សារ ឃុំភ្នំដិន ស្រុកគិរីវង់ ខេត្តតាកែវ កើតមានបនល្បែងយ៉ាងពេញបន្ទុកដូច្នេះ.? ជុំវិញករណីខាងលើភ្នាក់ងារយើងនឹងរងចាំការបកស្រាយពីលោកស្នងការខេត្តតាកែវ ឡើងវិញរៀងរាល់ម៉ោងធ្វើការ៕ ដោយៈ លោក ឡាយ សុជាតិ គេហទំព័រ ប៉ោយប៉ែតប៉ុស្តិ៍ www.poipetpostnews.com