ខ្នងធំមេន លោក លឹម ហ៊ានបើកបនល្បែងមាន់ជល់ដ៏ធំអត់ច្បាប់ ក្បែរការស៊ីណូ 69 នៅច្រកទ្វារព្រំដែនទ្វេរភាគីដា កម្ពុជា-វៀតណាម បែជាអាជ្ញាធរសមត្ថកិច្ចមូលដ្ឋានមិនហ៊ានចូលត្រួតពិនិត្យ និងបង្ក្រាប.!!!
ខេត្តត្បូងឃ្មុំ៖ តាមការមើលឃើញជាក់ស្ដែង នៅថ្ងៃទី០៧ ខែសីហា ឆ្នាំ២០២០ ក្រុម សារព័ត៌មាន៤ស្ថាប័ន រួមនិងសារព័ត៌មាន (គេហទំព័រ ប៉ោយប៉ែតប៉ុស្តិ៍) បានចុះទៅដល់ទីតាំងផ្ទាល់ និងបានសង្កេតឃើញថា ទីតាំងសង្វៀនមាន់ជល់ដ៏ធំមួយកន្លែងដែលក្រុមអ្នកញៀនលេងល្បែងនាំគ្នាទៅចូលលេងភ្លូកទឹកភ្លូកដី និងបានបង្ហើបប្រាប់ថា ជារបស់ លោក លឹម ជាអ្នកបើកបនល្បែងដ៏ធំនេះ និងប្រហែលបានរត់ការបង់ថ្លៃសេវាការពារជូនដល់អាជ្ញាធរមានសមត្ថកិច្ចមូលដ្ឋាន ចាប់ពីថ្នាក់ក្រោមស្រុក ដល់ថ្នាក់ខេត្តត្បូងឃ្មុំ អស់ហើយមើលទៅ ទើបអាចបើកលេងបានដោយរលូន ដោយពុំខ្លាចសមត្ថកិច្ចបង្ក្រាបនោះទេ។
សូមបញ្ជាក់ផងដែរថា៖ ទីតាំងសង្វៀនមាន់ជល់ដ៏ធំមួយកន្លែងរបស់ លោក លឹម នៅក្បែរ ការស៊ីណូ69 មានចម្ងាយពីស្នាក់ការគយ និង រដ្ឋាការច្រកព្រំដែនទ្វេភាគីដា ប្រហែល៥០-១០០ ម៉ែត្រ ស្ថិតចំនុចច្រកទ្វារព្រំដែនទ្វេរភាគីដា ស្រុកមេមត់ ខេត្តត្បូងឃ្មុំ។
ប្រភពពីក្រុមអ្នកញៀនលេងល្បែង បានអោយដឹងទៀតថា៖ ទីតាំងសង្វៀនមាន់ជល់របស់លោក លឹម ដ៏ធំ មិនដឹងថា មានច្បាប់ឬអត់ច្បាប់នោះទេ.? ប៉ុន្តែ បើកលេងបានតែ៣ថ្ងៃក្នុងមួយសប្ដាហ៍ តែប៉ុណ្ណោះ.!។ ប្រភពបន្ថែមថា៖ ទីតាំងសង្វៀនមាន់ជល់របស់លោក លឹម គឺគ្មានជនបរទេសចូលលេងល្បែងមាន់ជល់នោះទេ ឃើញមានសុទ្ធតែខ្មែរចូលលេងភ្នាល់ដាក់ប្រាក់ក្នុង១គូរៗរាប់ពាន់រាប់ម៉ឺនដុល្លារ ចំណែកឯ.! អ្នកឈ្នះ មុខខ្លាញ់ចំណែកឯ.! អ្នកចាញ់មុខសេះ។
បើយោងប្រភពពីប្រជាពលរដ្ឋ និងមហាជនទូទៅនៅក្នុងស្រុកមេមត់ ខេត្តត្បូងឃ្មុំ បានលើកឡើងថា៖ ទីតាំងបនល្បែងមាន់ជល់ដ៏ធំរបស់លោក លឹម គឺ(ជល់ពាក់ខ្នាយដែក ជល់ភ្លាម ងាប់ភ្លេត) ស៊ីសងប្រាក់ ចាញ់ ឈ្នះ ក្នុង១គូរ រាប់ពាន់រាប់ម៉ឺនដុល្លារ នេះហើយ ទើបពួកគាត់មានការព្រួយបារម្ភខ្លាចកើតមានអំពើចារកម្ម លួចឆក់ប្លន់ និងអំពើហិង្សាក្នុងគ្រួសារ។ល។ មិនតែប៉ុណ្ណោះប្រភពពីមហាជនគ្រប់មជ្ឈដ្ឋានក្នុងស្រុកមេមត់ មានការភ័យខ្លាចបំផុតនោះគឺ គ្រែងកើតមានជំងឺវីរុសកូវិដ-១៩ ចូលក្នុងសហគមន៍ មូលហេតុដោយសារ មិនឃើញលោក បែន រត្ន័ ស្នងការខេត្តត្បូងឃ្មុំ មានចំណាត់ការបញ្ជា អោយអាជ្ញាធរមានសមត្ថកិច្ច នៅក្នុងស្រុកមេមត់ ចុះទៅបង្ការ ឬបង្ក្រាបម្តងនូវឡើយទេ.?។
ពាក់ព័ន្ធជុំវិញបើកបនល្បែងមានជល់ខាងលើ,,,..នៅរសៀលថ្ងៃទី០៧ ខែសីហា ឆ្នាំ២០២០ លោកឧត្តមសេនីយ៍ទោ បែន រ័ត្ន ស្នងការនគរបាលខេត្តត្បូងឃ្មុំ បានប្រាប់ក្រុមសារព័ត៌មាន៤ស្ថាប័នយើងអោយដឹងតាមទូរស័ព្ទថា៖ ទីតាំងជល់មាន់នៅក្បែច្រកទ្វារព្រំដែនទ្វេភាគីដា ជាប់និងប្រទេសវៀតណាម គឺទីតាំងកាសុីណូ មានច្បាប់ត្រឹមត្រូវ ហើយមនុស្សដែលប្រមូលផ្តុំគ្នាភ្នាល់ចាក់មាន់ជល់ក្នុងទីតាំងនោះ លោកមិនមានសិទ្ធិចូលទៅបំបែកនោះទេ គឺអ្នកគ្រប់គ្រងក្នុងទីតាំងមាន់ជល់នោះជាអ្នកទទួលខុសត្រូវ ហើយការសុីណូទូទាំងប្រទេសកម្ពុជា គឺឋិតក្រោមការគ្រប់របស់អគ្គនាយកដ្ឋានប្រឆាំងបទល្មើសល្បែងពាណិជ្ជកម្មរបស់អគ្គស្នងការនគរបាលជាតិ បើចង់បានព័ត៌មានច្បាស់បន្ថែម សូមទាក់ទងទៅខាងអគ្គនាយកដ្ឋានប្រឆាំងបទល្មើសទៅ៕
ដោយៈ គេហទំព័រ ប៉ោយប៉ែតប៉ុស្តិ៍
www.poipetpostnews.com
