ខេត្តសៀមរាប៖ តាមសេចក្ដីរាយការណ៍ពីពលរដ្ឋស្រុកស្វាយលើបានអោយដឹងថានៅយប់ម៉ោង១២រំលង អធ្រាត្រ ឈានចូលថ្ងៃទី០៦ ខែសីហា ឆ្នាំ២០២ មេឈ្មួញឈ្មោះ ដំ និង ឈ្មោះ ពៅ ត្រូវបានគេដឹងថា ជាមន្រ្តីប៉េអឹម បានធ្វើសកម្មភាពដឹកជព្ជួានឈើចេញពី ស្រុកស្វាយលើ សម្រុកចូលខេត្តសៀមរាប យ៉ាងរលូន និង សុវត្ថិភាពមិនរំខានដល់មន្រ្តីអាជ្ញាធក្នុងមូលដ្ឋាន ស្រុក ខេត្តឡើយ។  បើយោងតាមប្រភពច្បាស់ការមួយបានបព្ជាក់បន្ថែមថាមេឈ្មួញឈ្មោះ ដំ និង មេឈ្មួញឈ្មោះ ពៅ ដែលជាមន្រ្តីប៉េអឹម បានធ្វើការត្រូវរ៉ូវជាមួយមន្រ្តីអាជ្ញាធរមូលដ្ឋាន មន្រ្តីជំនាញស្ថាប័នពាក់ពន្ធ័ស្រុកខេត្តអស់ទៅហើយ ទើបក្រុមឈ្មួញទាំងនេះអាចធ្វើចរាចរណ៍ រកស៊ីមុខជំនួញឈើខុសច្បាប់ទៅបានយ៉ាងរលូន និង គ្មានសមត្ថកិច្ច ឬ ក៏ស្ថាប័នពាក់ពន្ធ័មួយណា.! ធ្វើការបង្រ្កាប និង ទប់ស្កាត់បទល្មើសឈើខុសច្បាប់ឡើយ។ មហាជនកំពុងតែនាំគ្នារិះគន់ថា៖ ក្រសួងកសិកម្មរុក្ខាប្រម៉ាញ់ម និង នេសាទ ខំចេញលិខិត និង ដាក់បទបព្ជាាអោយមន្រ្តីរបស់ខ្លួនយកចិត្តទុកដាក់ក្នុងការបង្ការ ទប់ស្កាត់ បង្រ្កាប បទល្មើសឈើខុសច្បាប់ ដែលកំពុងកើតឡើង នៅតាមបណ្ដារខេត្តមួយចំនួន ត្រូវទប់ស្កាត់អោយខានតែបាន។ ផ្ទុយមកវិញ បើយើងក្រឡេកមកមើលបទល្មើសក្នុងខេត្តសៀមរាប វិញឃើញថា បទល្មើសឈើខុសច្បាប់ ចេញយ៉ាងគគ្រឹក គគ្រេង និង អនាធិបតេយ្យ សម្រុកចូលខេត្ត សៀមរាបដោយ មិនញញើតច្បាប់ឡើយ ព្រោះតែមានមន្រ្តីមួយចំនួនក្នុងខេត្តជាអ្នកបើកភ្លើងខៀវ និងមើលផ្លូវអោយក្រុមឈ្មួញដឹកជព្ជួានឈើខុសច្បាប់ទៅវិញ។ រីឯលោក ម៉ុង ប៊ុនលីម នាយខណ្ឌរដ្ឋបាលព្រៃឈើ និង លោក ទា គឹមសុទ្ធ ប្រធានមន្ទីកសិកម្ម បែរជាសម្ងំនៅស្ងៀម បណ្ដែតបណ្ដោយអោយក្រុមមួយឈ្មោះ ដំ ឈ្មោះ ពៅ ជាមន្រ្តីប៉េអឹម ធ្វើព្យុះធ្វើភ្លៀងតាមអំពើរចិត្ត ។ ទោះបីជាមានការរិះគន់និងការចោទប្រកាន់ពីមហាជន ទៅលើមន្រ្តីជំនាញ និង ស្ថាប័នពាក់ដូចខាងលើយ៉ាងណាក៏ដោយ រហូតមកដល់ពេលនេះសារព័ត៌មានយើង នៅមិនបានទទួលការបំភ្លឺនៅឡើយនោះទេ ដោយគ្មានលេខទូរស័ព្ទមន្រ្តីជំនាញនិងស្ថាប័នពាក់ព័ន្ធដើម្បីសុំការបំភ្លឺ។ ដូច្នេះអង្គសារព័ត៌មានយើង រង់ចាំការបំភ្លឺគ្រប់ពេលរៀងរាល់ម៉ោងធ្វើការ៕ ដោយៈ លោក វ័ន ប៊ុនរើន អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com