មហាជនគ្រប់មជ្ឈដ្ឋានដែលរស់នៅក្នុងក្រុងប៉ោយប៉ែត បាននាំគ្នារិះគន់ទៅលើលោក ភោគ លន ចៅសង្កាត់ប៉ោយប៉ែត និង លោក សន នី មេភូមិមិត្តភាព យ៉ាងចាស់ដៃថា ទុកអោយពលរដ្ឋប្តឹងផ្តល់គ្នាទៅវិញទៅមក តែពុំមានដំណោះស្រាយជូនពួកគាត់.!!!
ក្រុងប៉ោយប៉ែត៖ ពលរដ្ឋឈ្មោះ មិច ស៊ីម ភេទស្រី អាយុ៣៩ឆ្នាំ រស់នៅភូមិមិត្តភាព សង្កាត់និងក្រុងប៉ោយប៉ែត ខេត្តបន្ទាយមានជ័យ ស្នើរសុំអោយអាជ្ញាធរ ភូមិ ឃុំ លោក ភោគ លន ចៅសង្កាត់ប៉ោយប៉ែត និងចៅហ្វាយក្រុង ជួយរកដំណោះស្រាយជូនពួកគាត់ផង ពាក់ព័ន្ធនិងភាគីម្ចាស់ដីល្វែងឈ្មោះ ទូច សោភា សង់របងថ្ម បិតផ្លូវចេញចូល, ដោយហេតុផលខុសប្រក្រតី ពលរដ្ឋសូមសំណូមពរដល់អាជ្ញាធរសូមមេត្តាជួយអន្តរាគមន៍បើកផ្លូវអោយពួកគាត់បានធ្វើដំណើរជាមធ្យោបាយ ដូចសព្វមួយដងឡើងវិញផង។
រីឯអ្នកស្រីឈ្មោះ ទូច សោភា ដែលជាម្ចាស់ដីល្វែងនោះ បានប្រាប់សារព័ត៌មានជាច្រើនស្ថាប័នរួមនិងសារព័ត៌មាន (គេហទំព័រ ប៉ោយប៉ែតប៉ុស្តិ៍) អោយដឹងនៅព្រឹកថ្ងៃខែឆ្នាំដដែលថា៖ ចំពោះដីល្វែងអ្នកស្រីវិញ គឺគ្មានផ្លូវបុកទំលុះមកពីដី ឈុន ទូច នោះទេ ហើយអ្នកស្រីបានបញ្ជាក់ថា៖ គាត់ បានទៅដាក់ពាក្យបណ្ដឹង ចូលទៅភូមិ ឃុំ សង្កាត់ ហើយ កាលពីថ្ងៃទី១៧ ខែសីហា ឆ្នាំ២០២០ កន្លងទៅថ្មីៗនេះ ពីរឿងចោតប្រកាន់ទៅលើលោក ឈុន ទូច រួមនិងបក្សពួក ហ៊ានមកធ្វើការ (រុះរើរបងគាត់) ដែលមានព័ន្ធបន្លាលួស ដាំបង្គោលឈើគ្រាក់ រំលោភលើកម្មសិទ្ធិគាត់។ ហេតុដូច្នេះ អ្នកស្រី ទូច សោភា កើតទុក្ខមិនសុខចិត្ត សូមសំណូមពរអោយលោក ភោគ លន ចៅសង្កាត់ប៉ោយប៉ែត ជួយរកយុត្តិធម៌ជូនអ្នកស្រីវិញផង.!។
ដោយឡែក ប្រភពពីមហាជនគ្រប់មជ្ឈដ្ឋានដែលរស់នៅក្នុងក្រុងប៉ោយប៉ែត កំពុងមានការងឿងឆ្ងល់ និងបាននាំគ្នារិះគន់ទៅលើលោក ភោគ លន ចៅសង្កាត់ប៉ោយប៉ែត និង លោក សន នី មេភូមិមិត្តភាព យ៉ាងចាស់ដៃថា៖ មិនគួរណាលោកទាំងពីរដែលជា ម៉ែ ជា ឪ មិនគួរ ធ្វើព្រងើយបណ្តែតបណ្តោយ ទុកអោយប្រជាពលរដ្ឋប្តឹងផ្តល់គ្នាទៅវិញទៅមក មិនចេះចប់ មិនចេះហើយ នោះទេ.? ពីបញ្ហារឿងធ្វើរបងបិតផ្លូវ ដែលពលរដ្ឋគូរទ្វេរភាគីទាំងសងខាង មានការលើកឡើងជាមតិ រៀងៗខ្លួន! តែនៅពុំឃើញមានដំណោះស្រាយជូនពួកគាត់ នៅឡើយទេ.? មកដល់ថ្ងៃទី១១ ខែកញ្ញា ឆ្នាំ២០២០ នេះ។
ប្រភព: ពីមហាជនគ្រប់មជ្ឈដ្ឋានដែលរស់នៅក្នុងក្រុងប៉ោយប៉ែត ក៏ដូចជាសមត្ថកិច្ចមួយចំនួនតូច ដែលរស់នៅក្បែរដីល្វែងដែលកំពុងមានជម្លោះ កំពុងរងចាំមើលថាតើ.! លោក ភោគ លន ចៅសង្កាត់ប៉ោយប៉ែត និងលោក គាត ហ៊ុល អភិបាលក្រុងប៉ោយប៉ែត មានចំណាត់ការដោះស្រាយជូនគូរទ្វេរភាគីទាំងសងខាង ដែលរឺទេ.???៕