ក្រុងប៉ោយប៉ែត៖ នៅព្រឹកថ្ងៃទី០១ ខែកញ្ញា ឆ្នាំ២០២០នេះ លោក គាត ហ៊ុល អភិបាលក្រុងប៉ោយប៉ែត អញ្ជើញជាអធិបតីភាព ក្នុងពិធីចែកអំណោយ ដែលបាន ទទួលអំណោយមកពីមនុស្សធម៌សង្គហៈរបស់លោក ផេង អ៉ិនដូគ្រុប (Mr. Peng Indo Group) ជនជាតិ ឥណ្ឌូនេស៊ី ចែកជូនដល់បងប្អូនប្រជាពលរដ្ឋ ដែលកំពុងជួបការខ្វះខាត ក្នុងជីវភាពគ្រួសារដែលមានចំនួន ១០០គ្រួសារ ដែលរងផលប៉ះពាល់នាដូវកាលជំងឺវីរុសកូវីដ-១៩ ក្នុងឆ្នាំ២០២០នេះ។ សូមបញ្ជាក់ផងដែរថា៖ ពិធីចែកអំណោយនាព្រឹកនេះផងដែរ ក្រោមការរៀបចំដោយព្រះសុវណ្ណបញ្ញោ យឺន សុវណ្ណា ជំនួយការសាលាអនុគណក្រុងប៉ោយប៉ែត និងជាព្រះចៅអធិការវត្តទួលលក្ខរស្មីមានជ័យ (ទួលពង្រ) សហការជាមួយរដ្ឋបាលក្រុង អាជ្ញាធរសង្កាត់ និងអង្គភាពភូមិ ដែលស្ថិក្នុងវត្តទួលល ភូមិទួលពង្រ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ ព្រះវត្តមាននិមន្តព្រះសង្ឃចូលរួមនាឱកាសចែកអំណោយរួមមាន៖ ព្រះសមណភិរ័ត ប៉ោ សុឃឿន ព្រះរាជាគណៈថ្នាក់កិត្តិយស និងជាព្រះវិន័យធរអនុគណក្រុងប៉ោយប៉ែត, ព្រះសុវណ្ណបញ្ញោ យឺន សុវណ្ណា ជំនួយការសាលាអនុគណក្រុងប៉ោយប៉ែត និងជាព្រះចៅអធិការវត្ត ទួលលក្ខរស្មីមានជ័យ (ទួលពង្រ), ព្រះមន្រ្តីសង្ឃសាលាអនុគណក្រុងប៉ោយប៉ែត គ្រប់ឋានានុក្រម និងព្រះចៅអធិការគ្រប់វត្ត និងព្រះថេរានុថេរៈគ្រប់ព្រះអង្គផងដែរ។ ជាមួយគ្នានេះ វត្តមានអមដំណើរគណៈអធិបតីរួមមាន៖ លោក ញឹម ផឿង នាយករដ្ឋបាលក្រុង, លោក មាស សំណាង ប្រធានការិយាល័យច្រកចេញចូលតែមួយក្រុង, លោក ប៉ុក សិរីបុត្រ ប្រធានការិយាល័យផែនការ និងគាំទ្រសង្កាត់នៃរដ្ឋបាលក្រុង, លោក ស្រិល អុិន ចៅសង្កាត់សង្កាត់ផ្សារកណ្តាល, លោក វ៉ា ជឹមណារ៉េត ចៅសង្កាត់រងទី១ សង្កាត់ប៉ោយប៉ែត, លោកនាយប៉ុស្តិ៍នគរបាលរដ្ឋបាលផ្សារកណ្ដាល, លោក ផេង អ៉ិនដូគ្រុប (Mr. Peng Indo Group) ជាម្ចាស់អំណោយមនុស្សធម៌ ជនជាតិឥណ្ឌូនេស៊ី, លោក ស៊ូ បាន មន្ត្រីការិយាល័យគ្រប់គ្រងធនធានមនុស្សក្រុង, ឧបាសិកា ជៀវ ងួនហ៊ួយ (មនោរម្យ) ជាកិច្ចបញ្ចប់ ប្រគេនចង្ហាន់ថ្ងៃត្រង់ដល់ព្រះសង្ឃ ព្រមទាំងមន្ត្រីទទួលបន្ទុកកិច្ចការសាសនា, ក្រុមការងារក្រុង សង្កាត់, មេភូមិ, អនុភូមិ, កម្លាំងនគរបាល, កម្លាំងប្រជាការពារភូមិ, សប្បុរសជន រួមនឹងបងប្អូនប្រជាពលរដ្ឋដែងការខ្វះខាតចំនួន ១០០គ្រួសារ។ អំណោយមនុស្សធម៌សង្គហៈដែលបានចែកជូនដល់បងប្អូនប្រជាពលរដ្ឋរងការខ្វះខាតចំនួន១០០គ្រួសារនាព្រឹកនេះ គឺក្នុងមួយគ្រួសារទទួលបាន៖ អង្ករខ្សាយចំនួន២៥គីឡូក្រាម, មីម៉ាម៉ា ១កេស, ទឹកត្រី ១ដប, ទឹកស៉ីអ៊ីវ ១ដប, ខ្លាញ់ ១ដប, ត្រីខ ២កំប៉ុង, ប៊ីចេង ១ថង់, អំបិល ១ថង់, ប្រេងខ្យង ១ដប, ស្ករ-ស ១គីឡូក្រាម, ប្រេងកូឡា ១ប្រអប់, សាប៊ូ ១ថង់ និងថវិកាចំនួន ២០០ បាត៕ ដោយៈលោក ឡាយ សុជាតិ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com