រាជធានីភ្នំពេញ៖ ប្រភពនៃព័ត៌មានបានរាយការណ៍មកអោយដឹងថា៖ កម្លាំងស្នងការដ្ឋាននគរបាលរាជធានីភ្នំពេញ បានដឹកនាំកម្លាំងចុះបង្ក្រាបទីតាំងភ្នាក់ងារទិញលក់ដីឡូតិ៍ អចលនទ្រព្យមួយកន្លែង ហ៊ានបន្លំឈ្មោះក្រុមហ៊ុនគេ ដែលស្ថិតនៅផ្ទះលេខ ១៧១ ផ្លូវរថភ្លើង សង្កាត់កាកប២ ខណ្ឌពោធិ៍សែនជ័យ រាជធានីភ្នំពេញ កាលពីរសៀល ថ្ងៃទី៣១ ខែសីហា ឆ្នាំ២០២០។ ប្រភពនៃព័ត៌មានបន្តអោយដឹងថា៖ សមត្ថកិច្ចបានចាត់ការតាមពាក្យបណ្ដឹងដែលចោទប្រកាន់ថា រំលោភកម្មសិទ្ធិបញ្ញា និងគ្មានច្បាប់អនុញ្ញាត ក្រោយរកឃើញថា ទីតាំងនេះ បានក្លែងបន្លំឈ្មោះរបស់ក្រុមហ៊ុនដទៃ យកមកប្រើប្រាស់ដោយខុសច្បាប់ និងមិនមានការចុះបញ្ជីត្រឹមត្រូវ គឺក្លែងបន្លំក្រុមហ៊ុន ភ្នំពេញ លែន ឌីវេឡុបមិន ឯ.ក (Phnom Penh Land Development Co.,Ltd) ដែលជាក្រុមហ៊ុនស្របច្បាប់ មានការចុះបញ្ជីត្រឹមត្រូវនៅក្រសួងពាណិជ្ជកម្ម និហជាអ្នកបានប្ដឹងទៅលើក្រុមហ៊ុន ភ្នំពេញ លែន ឯ.ក (Phnom Penh Land Co., LTD) ដែលជាក្រុមហ៊ុនក្លែងបន្លំឈ្មោះ ។ ប្រភពបន្ថែមថា៖ ក្នុងការបង្ក្រាបក្រុមហ៊ុនក្លែងបន្លំឈ្មោះរបស់គេនេះ សមត្ថកិច្ចឃាត់ខ្លួនមនុស្សពីរនាក់៖ ទី១-ឈ្មោះ សាយ បូរ៉ា មានតួនាទី General manager និងម្នាក់ទៀត ឈ្មោះ ហេងសុភ័ក្រ មាននាទីជាទីប្រឹក្សាពិគ្រោះយោបល់ នាំយកទៅការិយាល័យដើម្បីសាកសួរ។ ទោះយ៉ាងណារការរកស៊ីបន្លំឈ្មោះគេនេះ វាមិនបានយូរនោះឡើយ ស្រាប់តែរយ:ពេលចុងក្រោយនេះ ក៏បែកធ្លាយតាមរយៈការបង្ហោះផ្សាយពាណិជ្ជកម្មនៅលើ ផេក facebook ៕ ដោយៈ លោក សុខ បូរី និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា