ក្រុងប៉ោយប៉ែត ៖ នៅព្រឹកថ្ងៃពុធ ១៥កើត ខែភទ្របទ ឆ្នាំជូតទោស័ក ពុទ្ធសករាជ ២៥៦៤ ត្រូវនឹងថ្ងៃទី២ ខែកញ្ញា ឆ្នាំ២០២០ នេះ មានការបើកពិធីសំណេះសំណាល សួរសុខទុក្ខ ពុកម៉ែបងប្អូនប្រជាពលរដ្ឋរស់នៅ ក្នុងភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ក្រោមអធិបតីភាព ឯកឧត្ដម នាយឧត្ដមសេនីយ៍ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយមូលដ្ឋានខេត្តបន្ទាយមានជ័យ ដោយមានព្រះវត្តមានពីព្រះគុណម្ចាស់ ឯកឧត្ដម លោកជំទាវ លោក លោកស្រី សមាជិកព្រឹទ្ធសភា រដ្ឋសភា ថ្នាក់ដឹកនាំខេត្ត មន្ត្រីរាជការ កម្លាំងប្រដាប់អាវុធ ប្រធាន អនុប្រធានការិយាល័យ អង្គភាព ពាក់ព័ន្ធ ជំវិញក្រុងខេត្ត ។ ឆ្លៀតក្នុងឱកាសនោះ លោក គាត ហ៊ុល អភិបាលនៃគណៈ អភិបាលក្រុងប៉ោយប៉ែតឡើងថ្លែងមតិស្វាគមន៍ និង រាយការណ៍ សង្ខេបការងារអភិវឌ្ឍន៍ ហេដ្ឋារចនាសម្ព័ន្ធ សមិទ្ធផលថ្មីៗ និង ការស្ថាបនាផ្លូវក្រាលថ្មម៉ិច ក្នុងសង្កាត់ប៉ោយប៉ែត និងសង្កាត់ផ្សារកណ្ដាល សង្កាត់និមិត្ត ក្រុងប៉ោយប៉ែត ដែលទើបស្ថាបនារួចរាល់ចំនួន១៩ខ្សែ មានប្រវែងសរុប ២០,៨១៨ម៉ែត្រ ជូនប្រជាពលរដ្ឋ ងាយស្រួលក្នុងការធ្វើដំណើរ ។ ជាមួយគ្នានេះដែរ ឯកឧត្ដម នាយឧត្ដមសេនីយ៍ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយមូលដ្ឋានខេត្តបន្ទាយមានជ័យ បានមានមតិជួបសំណេះសំណាល ព្រមទាំងបានពាំនាំការផ្ដាំផ្ញើរ សួរសុខទុក្ខ ពីសម្ដេច ទាំងពី ថ្នាក់ដឹកនាំរាជរដ្ឋភិបាលកម្ពុជាផងដែរ ។ នាក្នុងឱកាសជួបសំណេះសំណាល សួរសុខទុក្ខ ប្រជាពលរដ្ឋ ក្នុងភូមិព្រៃគប់ ស៊ក្រុងប៉ោយប៉ែត ឯកឧត្ដម នាយឧត្ដមសេនីយ៍ ឧបនាយករដ្ឋមន្ត្រី កែ គឹមយ៉ាន ក៏នាំយក សម្ភារៈបរិក្ខា ទេយ្យវត្ថុ និង បច្ច័យ ប្រគេន ព្រះសង្ឃ ចំនួន៧វត្ត ព្រមទាំងនាំយក ស្បៀងអាហារ គ្រឿឧបភោគ និងបរិភោគចែករំលែកនូវទឹកចិត្ត ដល់ប្រជាពលរដ្ឋ ចំនួន៤០០គ្រួសារ រួមមានដូចខាងក្រោម៖ ទី១-សម្ភារៈ បរិក្ខា ទេយ្យវត្ថុ ប្រគេនព្រះសង្ឃ រួមមាន ៖ ១ • អង្ករ ចំនួន២០០គីឡូក្រាម ២ • ទឹកសុទ្ធវីតាល់ចំនួន១០កេស ៣• ទឹកក្រូច៥កេស ៤ • ទឹកផ្លឈើចំនួន៥កេស ៥ មីចំនួន៩កេស ៦ • ទឹកស៊ីអីវចំនួន១០យួរ ៧ • ទឹកត្រីចំនួន១០យួរ ៨ • ថវិកាចំនួន១,០០០,០០០រៀល ។ ទី២-ស្បៀងអាហារ គ្រឿឧបភោគ និងបរិភោគ ដែលប្រគល់ជូនប្រជាពលរដ្ឋ ចំនួន៤០០គ្រួសារនាព្រឹកនេះរួមមាន ៖ ១ • អង្ករ ចំនួន២០គីឡូក្រាម ២ • ១មី ចំនួន៩កេស ៣ • ទឹកស៊ីអីវចំនួន១យួរ (៦ដប) ៤ • ប៊ីចេងចំនួន១កញ្ចប់ ៥ • ស្ករស ១គីឡូក្រាម ៦ • អំបិល ១គីឡូក្រាម ៧ • ព្រេពឆា១ដប ៨ • សាប៊ូ ១គីឡូក្រាម ៩ • សារុង១ ១០ • ថវិកា១,០០០០រៀល ៕ ដោយៈលោក ឡាយ សុជាតិ អ្នកយកព័ត៌មាន គេហទំព័រ ប៉ោយប៉ែតប៉ុស្តិ៍ www.poipetpostnews.com