ខេត្តបន្ទាយមានជ័យ៖ ទីតាំងជួសជុលរថយន្តធុនធំរបស់លោក ឆាយ ឈាន ដែលមានរឿងអាស្រូវខ្លាំងមិនចេះចប់ ខណៈសមត្ថកិច្ចចម្រុះចុះបញ្ឈប់ចំនួន៤លើកមកហើយ។ សូមបញ្ជាក់ថា៖ មានតាំងពីកិច្ចសន្យារបស់ រដ្ឋបាលខេត្តបន្ទាយមានជ័យទៀតផង ប៉ុន្តែ.?មិនស្តាប់តាមការណែនាំឡើយ នៅតែបន្តបើកដំណើរអាជីវកម្មជាលើកទី៥ តែត្រូវបានសមត្ថកិច្ចចម្រុះចុះត្រួតពិនិត្យទីតាំងលោក ឆាយ ឈាន ស្ថិតផ្លូវចូលទឹកស្អាត ភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ និងធ្វើការរឹបអូស ឥវ៉ាន់មួយចំនួន និងបញ្ជូនម្ចាស់ទៅតុលាការកាលពីរសៀលថ្ងៃទី២ ខែកញ្ញា ឆ្នាំ២០២០។ សមត្ថកិច្ចបានអោយសារព័ត៌មានដឹងថា៖ ក្នុងកិច្ចចុះប្រតិបត្តិការនោះដែរ ក៏មានកិច្ចសហការចូលរួម និងបញ្ឃប់យានដ្ឋានលោក ឆាយ ឈាន នោះ ក្រោមវត្តមានលោក លី សារី អភិបាលរងខេត្តបន្ទាយមានជ័យ មន្ត្រីនគរបាលចរាចរណ៍ មន្ត្រីកងរាជអាវុធហត្ថ មន្ត្រីរមន្ទីរសាធារណការ និងដឹកជញ្ជូន មន្ត្រីអន្តរវិស័យខេត្ត រដ្ឋបាលក្រុងសេរីសោភ័ណ រដ្ឋបាលឃុំអំបិល និងមេភូមិគោរដ្ឋានចូលរួមផងដែរ។ សមត្ថកិច្ចចម្រុះបានធ្វើការអះអាងថា៖ ទីតាំងជួសជុលរថយន្តធុនធំរបស់ឈ្មោះ ឆាយ ឈាន ត្រូវបិទជាស្ថាពរជាលើកទី៤ហើយ។ តែម្ចាស់ការរ៉ាស់ជួសជុលបែក្រឡៃថាជួលអោយអ្នកផ្សេងទៅវិញ ដោយម្ចាស់យានដ្ឋានមិនស្មោះត្រង់និងមន្ត្រីចម្រុះ ទើបបានចុះមកបិទអាជីវកម្មទាំងស្រុងនៅថ្ងៃទី២ ខែកញ្ញា ឆ្នាំ ២០២០ នេះតែម្តង។ លោក លី សារី តំណាងអោយរដ្ឋបាលខេត្តមានប្រសាន៍ប្រាប់អ្នកយកព័ត៌មានឲ្យដឹងថា៖លោកបានដឹកនាំសមត្ថកិច្ចម្រុះ ចុះបិទទីតាំងអាជីវកម្ម យានដ្ឋានកែច្នៃ និងតំឡើងរថយន្តរបស់ឈ្មោះ ឆាយ ឈាន តាមលិខិតអញ្ជើញលេខ ៤១០ ស ជ ណ ចុះថ្ងៃទី១៦ ខែមេសា ឆ្នាំ២០២០ របស់រដ្ឋបាលខេត្តបន្ទាយមានជ័យ ផ្អែកតាមខ្លឹមសារលិខិតលេខ២៥១ ស.ជ.ណចុះថ្ងៃទី១៦ ខែមេសា ឆ្នាំ២០២០ របស់រដ្ឋបាលខេត្តបន្ទាយមានជ័យ និងរបាយការណ៍លេខ ១៩៣៧ ចុះថ្ងៃទី៣១ ខែកក្កដា ឆ្នាំ២០២០ របស់ប្រធានមន្ទីរសាធារណការនិងដឹកជញ្ជូនខេត្ត និងប្រធានលេខាធិការរដ្ឋានគណៈកម្មាធិការ សុវត្ថិភាពចរាចរណ៍ផ្លូវគោកខេត្ត។ លោក លីសារី បានបញ្ជាក់អោុដឹងទៀតថា៖ ក្រោយពីការចុះពិនិត្យលើទីតាំងជាក់ស្ដែងរួច មកក្រុមការងារបានសង្កេតឃើញថា នៅមានសកម្មភាពកែច្នៃនិងតម្លើងរថយន្តថ្មីចំនួន ៤គ្រឿងបន្តទៀត ដែលផ្ទុយពីខ្លឹមសារនៃច្បាប់ស្ដីពីចរាចរណ៍ផ្លូវគោកទម្រង់និងមាត្រាទី ៥២ បានចែងថា គ្រប់យានដ្ឋានជួសជុលយានយន្ដ និងយានដ្ឋានកែច្នៃ ដំឡើងយានយន្តត្រូវមានលិខិតអនុញ្ញាតអោយធ្វើអាជីវកម្ម ចេញដោយក្រសួងសាធារណការ និងដឹកជញ្ជូន ក្រសួងឧស្សាហកម្ម និ ងសិប្បកម្ម និង ក្នុងករណីចាំបាច់ ត្រូវមានការត្រួតពិនិត្យពីក្រសួងមហាផ្ទៃផងដែរ។ លោក លី សារី បានបញ្ជាក់ថែមទៀតថា៖ ការគ្រប់គ្រងយានយន្តជួសជុលនិងយានដ្ឋានកែច្នៃ ដំឡើងយានយន្ត ត្រូវបានកំណត់ដោយអនុក្រឹត្យ ក្រោយពីពិនិត្យសប់គ្រប់រួចរាល់ហើយ ក្រុមការងារបានសម្រេចបិទនិងបញ្ឈប់សកម្មភាពទាំងអស់ចាប់ពីថ្ងៃនេះតទៅក្នុង ករណី នៅតែមានបន្តសកម្មភាពជួសជុលនិងដំឡើងកែច្នៃរថយន្ត នឹងបន្តទៅទៀតនិងចាត់វិ ធានការតាមផ្លូវច្បាប់ជាធរមាន។ លោក លី សារី បានបញ្ជាក់ថា៖ រដ្ឋបាលខេត្តបានសម្រេចបញ្ឈប់ការជួសជុលរបស់យានដ្ឋាន លោក ឆាយ ឈាន នោះគឺបន្ទាប់ ពីមានឧបទ្ទហេតុជាច្រើនលើកដែលបង្កពីរថយន្តមកជួសជុល ដែលលួចកែច្នៃនៅយាន ដ្ឋាននេះ និង ពីយានដ្ឋាននេះ ។ ក្នុងនោះឧបទ្ទហេតុចុងក្រោយមួយទៀតកាលពីល្ងាចថ្ងៃទី២១ ខែមិនា ឆ្នាំ២០២០ គឺរថយន្ដធំ១គ្រឿង ដែលទើបជួសជុល​​ និងកែច្នៃរូច​របស់យានដ្ឋានរបស់ឈ្មោះ ឆាយ ឈាន នេះ បានភ្លេចភ្ជាប់ឬដាច់ហ្វ្រាំងបានថយទៅបុកចំទ្វារចូល​នៃបណ្ណាគារ បន្ទាយស្រី បង្ករការខូចខាតផ្នែកខាងមុខទ្វារ កញ្ចក់និងសម្ភារះជាច្រើន និងក៏បានធ្វើអោយម្ចាស់បណ្ណាគារ និងបុគ្គលិកភ័យតក់ស្លុត ផងដែរ៕ ដោយៈ លោក ស៊ុយ វុទ្ធី គេហទំព័រ ប៉ោយប៉ែតប៉ុស្តិ៍ www.poipetpostnews.com