ខេត្តបាត់ដំបង៖ កាលពីថ្ងៃពុធ​ ៧កេីត​ ខែអស្សុជ ឆ្នាំឆ្លូវ ត្រីស័កព.ស.២៥៦៥​ ត្រូវនឹងថ្ងៃទី​១៣ ខែតុលា ឆ្នាំ២០២១ វេលាម៉ោង​១៤និង០០នាទី នៅចំណុចក្រុម០៩ ភូមិស្រះទឹកថ្មី ឃុំតាក្រី ស្រុកកំរៀង ខេត្តបាត់ដំបង​ ដោយអនុវត្តតាម​យោបល់ដឹកនាំរបស់លោក​ឧត្តមសេនីយ៍ទោ​ សាត​ គឹមសាន​ ស្នងការនៃស្នងការដ្ឋាននគរ​បាលខេត្តបាត់ដំបង​ រួមនឹងយោបល់លោកឧត្តមសេនីយ៍ត្រី​ កុយ​ ហៀង​ ស្នងការរងផែន​ការងារប្រឆាំងគ្រឿង​ញៀន​ និងដោយបានការសម្របសម្រួលនីតិវិធីពីឯកឧត្តម កែវ​ សុ​ជាតិ​ ព្រះរា​ជអាជ្ញានៃអយ្យការអមសា​លាដំបូងខេត្តបាត់ដំបង ផងនោះ លោកវរសេនីយ៍ទោ វេ​ គឹមចត់​ អធិ​ការនគរបាលស្រុកកំរៀង​​ បានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកកំរៀង បង្ក្រាបករណីរក្សាទុកដោយខុសច្បាប់​នូវសារធាតុញៀន ០១ ករណី ក្នុងបទ ល្មើសជាក់ស្តែង និងបានឃាត់ខ្លួនជនសង្ស័យ ០២នាក់។ ទី១-ឈ្មោះ សល់ ភារ៉ាន់ ភេទប្រុស អាយុ២១ឆ្នាំ មានទីលំនៅ ភូមិស្រះទឹកថ្មី ឃុំតាក្រី ស្រុកកំរៀង ខេត្តបាត់ដំបង​។ ទី២-ឈ្មោះ សល់ ចិន ភេទប្រុស អាយុ ២៤ឆ្មាំ រស់នៅភូមិ ស្រះទឹកថ្មី ឃុំតាក្រី ស្រុកកំរៀង ខេត្តបាត់ដំបង​។ ក្នុងករណីនេះ សមត្ថកិច្ចជំនាញដកហូត បានវត្ថុតាងរួមមាន៖ -ម្សៅក្រាមពណ៌សថ្លាច្រកក្នុងថង់ប្លាស្ទិកសថ្លាចំ នួន០១ថង់ និង ច្រកក្នុងកំណាត់បំពង់ទុយោជ័រចំនួន០៤កំណាត់ បំពង់ទុយោសង្ស័យមានសារធាតុ​ញៀនប្រភេទមេតំហ្វេតាមីន​ ម៉ាទឹកកក​ ICE មិនទាន់ថ្លឹងទម្ងន់។ -ម្សៅក្រាមពណ៌សថ្លាច្រកក្នុងថង់ប្លាស្ទិកសថ្លាចំ នួន០៣ថង់សង្ស័យមានសាធាតុញៀនប្រភេទមេតំហ្វេតាមីន​ម៉ាទឹកកក​ ICE មិនទាន់ថ្លឹងទម្ងន់។ -ជញ្ចឹងសំរាប់ថ្លឹងថ្នាំញៀនចំនួន០១។ -ទូរសព្ទ័ដៃចំនួន០២គ្រឿង(ចាស់)។ -ឧបករណ៍សំរាប់ប្រើប្រាស់ថ្នាំញៀននិងថង់សម្រាប់វេចខ្ចប់ថ្នាំញៀនមួយចំនួន។ បច្ចុប្បន្ន: ជនសង្ស័យរួមនិងវត្ថុតាង ត្រូវបាននគរបាលស្រុកកំរៀង រៀបចំបញ្ជូនមកការិយាល័យជំនាញនៅស្នងការដ្ឋាននគរបាលខេត្តបាត់ដំបង ដេីម្បីចាត់ការបន្តតាមនិតិវិធី៕ ដោយ: លោក សុខ បូរី និពន្ធនាយករង គេហទំព័រ ប៉ោយប៉ែត ប៉ុស្តិ៍ www.poipetpostnews.com