លោក គាត ហ៊ុល អភិបាលក្រុងប៉ោយប៉ែត ដឹកនាំកងកម្លាំងចម្រុះ យកគ្រឿងចក្រកាយ បើកមុខទឹកជំនន់ ដែលកំពុងជន់លិចក្នុងភូមិសុខសាន្ត {ហៅអូរខៃដន}.!!!
ក្រុងប៉ោយប៉ែត៖ ខណៈភ្លៀងធ្លាក់៣-៤ថ្ងៃជាប់គ្នានៅក្នុងភូមិសាស្ត្រក្រុងប៉ោយប៉ែត បង្កអោយជំនន់ទឹកភ្លៀងហក់ឡើងខ្លាំង លិចលំនៅដ្ឋានប្រជាពលរដ្ឋអស់ជាច្រើនខ្នង នៅព្រឹកថ្ងៃចន្ទ ១២ កើត ខែអស្សុជ ឆ្នាំឆ្លូវត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៨ ខែតុលា ឆ្នាំ២០២១ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត ដឹកនាំក្រុមការងារ ក្រុង សង្កាត់ និងកងកម្លាំងចម្រុះ បានចុះពិនិត្យស្ថានភាពទឹកជំនន់ និងបានយកគ្រឿងចក្ររកាយបើកមុខទឹក ដើម្បីបញ្ជៀសការរជន់លិចជាច្រើនទីតាំងមានដូចជា៖ វត្តអារាម សាលារៀន និង លំនៅដ្ឋានរបស់បងប្អូនប្រជាពលរដ្ឋក្នុងមូលដ្ឋាន ដែល ស្ថិតក្នុងភូមិសុខសាន្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
ជាមួយគ្នានោះដែរ លោក គាត ហ៊ុល អភិបាលក្រុងប៉ោយប៉ែត សូមអំពាវនាវដល់បងប្អូនប្រជាពលរដ្ឋ ដែលមានលំនៅដ្ឋានតាមតំបន់ទំនាបសូមមានការប្រុងប្រយ័ត្នខ្ពស់ ត្រូវតាមដានស្ថានភាពទឹកអោយបានជាប់ជាប្រចាំ ជាពិសេសត្រូវយកចិត្តទុកដាក់ចំពោះក្មេងៗ ត្រូវពិនិត្យតាមជុំវិញផ្ទះ និងប្រយ័ត្នចំពោះសត្វអសិរពិសផ្សេងៗជៀសវាងគ្រោះថ្នាក់ណាមួយជាយថាហេតុ៕
ដោយ: គេហទំព័រ ប៉ោយប៉ែត ប៉ុស្តិ៍
www.poipetpostnews.com
