ខេត្តបន្ទាយមានជ័យ៖ លោក សិទ្ធិ ឡោះ សមាជិកអចិន្រ្តៃយ៍គណៈកម្មាធិការគណបក្សខេត្តបន្ទាយមានជ័យ.លោក លឿង សុភ័ក្តិ ប្រធានគណៈកម្មាធិការគណបក្សស្រុកស្វាយចេក និងក្រុមការងារថ្នាក់ខេត្តបន្ទាយមានជ័យ ចុះជួយឃុំ បានដឹកនាំក្រុមការងារ ចុះសួរសុខទុក្ខសមាជិកសមាជិការគណបក្ស ប្រជាជនកម្ពុជា នៅឃុំទ្រាស នៅព្រឹកថ្ងៃទី០២ ខែតុលា ឆ្នាំ២០២១ បាននាំយកអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ ឧបនាយករដ្ឋមន្រ្តី កែ គឹមយ៉ាន និង លោកជំទាវ អគ្គមហាឧបាសិកាពុទ្ធសាសនូបត្ថម្ភក៍ ម៉ៅ ម៉ាល័យ កែ គឹមយ៉ាន ចែកជូនដល់ពលរដ្ឋក្រីក្រ០៩គ្រួសារ នៅឃុំទ្រាស ស្រុកស្វាយចេក ដែលកំពុងជួបការខ្វះខាតជីវភាពក្នុងអំឡុងពេលជម្ងឺកូវីដ-១៩ រាតត្បាត។ អំណោយដែលចែកជូនរួមមាន៖ អង្ករ ៤៥០ គីឡូក្រាម,ទឹកសុីអុីវ ០៩យួរ,ត្រី ខ ០៩យួរ,មី ៩កេសតូច,ទឹកត្រី ០៩យួរ,ទឹកសុទ្ធ១៨យួរ,ប៊ីចេង០៩ថង់,ប្រេងឆា០៩ដប,ទឹកក្រូច ១៨យួរ និង ថវិកា ចំនួន ៤៥០.០០០ រៀល (សែសុិបប្រាំមុឺនរៀល)។ ក្នុងមួយគ្រួសារទទួលបាន៖ ១-អង្ករ ៥០ គីឡូក្រាម,ទឹកសុីអុីវ០១យួរ,ត្រី ខ ០១យួរ,មី ០១ កេស,ទឹកត្រី០១យួរ,ទឹកសុទ្ធ០២យួរ,ទឹកក្រូច០២យួរ,ប្រេងឆា០១ដប,ប៊ីចេង០១ថង់,ថវិកា ចំនួន ៥ ម៉ឺនរៀល។ ឆ្លៀតក្នុងឱកាសនោះ លោក សិទ្ធិ ឡោះ បានពាំនាំនូវពាក្យផ្តាំផ្ញើសួរសុខទុក្ខពី ឯកឧត្តម នាយឧត្តមសេនីយ៍ ឧបនាយករដ្ឋមន្រ្តី កែ គឹមយ៉ាន ដោយក្តីនឹករលឹក និង សូមអោយបងប្អូន ត្រូវទៅចុះឈ្មោះបោះឆ្នោត អោយបានគ្រប់គ្នាៗ ចំពោះអ្នកគ្រប់អាយុ ត្រូវទៅធ្វើអត្តសញ្ញាណប័ណ្ណ និងសូមប្រកាន់ភ្ជាប់នូវ វិធានការ(៣ការពារ ៣កុំផង) ស្តាប់តាមការណែនាំរបស់ក្រសួងសុខាភិបាល ដើម្បីទប់ស្កាត់ការរាតត្បាតនៃជំងឺកូវីដ-១៩៕ ដោយ: លោក វ័ន ប៊ុនរើន ជំនួយការ គេហទំព័រ ប៉ោយប៉ែត ប៉ុស្តិ៍ www.poipetpostnews.com