ខេត្តបន្ទាយមានជ័យ៖ នាព្រឹកថ្ងៃទី២៥ ខែតុលា ឆ្នាំ២០២១នេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អញ្ជើញទទួលអំណោយឧបត្ថម្ភដ៍ថ្លៃថ្លាពីអង្គការ UNICEF តាមរយៈរក្រសួងអភិវឌ្ឍន៍ជនបទ សម្រាប់ខេត្តប្រេីប្រាស់ក្នុងការចូលរួមទប់ស្កាត់ការរីករាលដាល​នៃជំងឺកូវីដ-១៩​ ក្នុងខេត្ត និងគ្រោះទឹកជំនន់ តាមរយៈ លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ និងសហការី អំណោយរួមមាន: ១.សាប៊ូម្សៅ ២ ៦២៥ កញ្ចប់ ២.ស្បែកជើងវែងកៅស៊ូ ចំនួន ២០០ គូ។ ៣.ស្រោមដៃកៅស៊ូ ចំនួន៣៧៥ គូ។ ៤.សាប៊ូដុំលាងសម្អាតដៃចំនួន ១២ ៥០០ដុំ។ ៥.សំឡីអនាម័យសម្រាប់ស្ត្រីចំនួន ២៨ ២០០ បន្ទះ។ ៦.របាំងមុខចំនួន ៧០០ របាំង។ ៧.អៀមប្លាស្ទិកចំនួន ៥ ៧៥០។ ឯកឧត្តម អ៊ុំ រាត្រី ក្នុងនាមរដ្ឋបាលខេត្តបន្ទាយមានជ័យ សូមគោរពថ្លែងអំណរគុណយ៉ាងជ្រាលជ្រៅ ចំពោះអង្គការ UNICEF ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ដែលបានចូលរួមឧបត្ថម្ភអំណោយសម្ភារៈអនាម័យ សម្រាប់ខេត្តប្រេីប្រាស់ក្នុងការចូលរួមទប់ស្កាត់ការរីករាលដាល​នៃជំងឺកូវីដ-១៩​ ក្នុងខេត្ត និង គ្រោះទឹកជំនន់ អំណោយទាំងនេះពិតជាមានតម្លៃសម្រាប់ជួយឧបត្ថម្ភគាំទ្រទៅដល់ប្រជាពលរដ្ឋក្នុងកាលៈទេសៈនៃការរីករាលជំងឺកូវីដ-១៩ ខ្លាំងណាស់។ សូមគោរពជូនពរ អង្គការ ឯកឧត្តមរដ្ឋមន្ត្រី និងគ្រួសារ សហការី ទាំងអស់ ជួបតែសេចក្ដីសុខ គ្រប់ប្រការ សុខភាពមាំមួន ជៀសផុតពីជំងឺកាចសាហាវទាំងឡាយ និងជួបតែពុទ្ធពរទាំង ៤ ប្រការគឺអាយុ វណ្ណៈ សុខៈ ពៈលៈ កុំបីឃ្លៀងឃ្លាតឡើយ ៕ ដោយ: លោក វ័ន ប៊ុនរើន ជំនួយការ គេហទំព័រ ប៉ោយប៉ែត ប៉ុស្តិ៍ www.poipetpostnews.com