ទីក្រុងហ៊ូគូស៊ីម៉ា៖ ក្រុមជម្រើសជាតិ គោព្រៃកម្ពុជា U23 បានឡើយក្នុងជំនួបជាមួយក្រុមសាម៉ូរ៉ៃជប៉ុន ក្នុងពានរង្វាន់ AFC U23 Asian Cup Qualifiers កាលពីព្រឹកមិញ វេលាម៉ោង១១ ថ្ងៃអង្គារ ទី២៦ ខែតុលា ឆ្នាំ២០២១នេះ ក្នុងលទ្ធផល ក្រុមសាម៉ូរ៉ៃជប៉ុន យកឈ្នះក្រុមគោព្រៃកម្ពុជា ក្នុងលទ្ធផល {4-V-0} ចប់ការប្រកួត។ ក្នុងការប្រកួត ក្រុមជម្រើសជាតិ U23 ជប៉ុប បានដាក់ការគាបសង្កត់មកលើក្រុមគោព្រៃកម្ពុជា តាំងពីបើកឆាកដំបូង ពោលគឺក្រុមគោព្រៃកម្ពុជា គ្មានឱកាសបណ្ដើរបាល់ទៅកាន់មុខទីរបស់ក្រុមសាម៉ូរ៉ៃជប៉ុនឡើយ។ ប្រាំបីនាទីបន្ទាប់នៃការប្រកួតបើកឆាក ក្រុមជប៉ុន បានស៊ុតបញ្ចូលទី១គ្រាប់ និងចុងម៉ោងបិទបញ្ចប់វគ្គទី១ ក្រុមជម្រើសជាតិU23ជប៉ុន បានបន្ថែមគ្រាប់បាល់១គ្រាប់ទៀត ធ្វើអោយចប់ការប្រកួយវគ្គទី១ ក្រុមជម្រើសជាតិU23ជប៉ុននាំមុខក្រុមគោព្រៃកម្ពុជា2ទល់និង0។ យ៉ាងណា ក្រុមសាម៉ូរ៉ៃជប៉ុន មិនទុកឱកាសឱ្យក្រុមគោព្រៃកម្ពុជា រកគ្រាប់បាល់តាមស្មើ ឬលេង ក្នុងតំបន់គ្រោះថ្នាក់របស់ពួកគេនោះទេ ក្រុមអធិរាជបាល់ទាត់អាស៊ីមួយនេះ នៅតែបន្តដាក់ការគាបសង្កត់ មកលើក្រុមគោព្រៃកម្ពុជា ស្ទើរតែដកដង្ហើមមិនរួចនោះឡើយ និងបានបន្ថែមគ្រាប់បាល់ចំនួន២គ្រាប់ទៀតរហូតដល់បញ្ចប់ការប្រកួត ក្រុមសាម៉ូរ៉ៃជប៉ុន បានយកឈ្នះក្នុងលទ្ធផល 4-V-0 និងត្រៀមជួបក្រុមចម្រុះសាសន៍ហុងកុង នៅ៣ថ្ងៃបន្ទាប់ទៀត។ ក្រុមជម្រើសជាតិU23កម្ពុជា ទំនងជាអស់ឱកាសបានឡើងទៅលេងវគ្គបន្ទាប់ហើយ ព្រោះបើអាចទប់ជប៉ុនត្រឹមស្មើ គឺនៅមានឱកាសអ៊ុតមើលក្រុមលេខ២ល្អទាំង១០ ដែលអាចឡើងទៅបង្គ្រប់ពូលជាបន្តទៀត តែបើចាញ់បែបនេះ គឺគ្មានសង្ឃឹមនោះទេ៕ ដោយ៖ គេហទំព័រ ប៉ោយប៉ែត ប៉ុស្តិ៍