ខេត្តបន្ទាយមានជ័យ៖ នៅព្រឹកថ្ងៃទី២៨ ខែតុលា ឆ្នាំ២០២១ ឯកឧត្តម អ៊ុំ រាត្រី យកអំណោយរបស់ក្រុមហ៊ុនលក់ប្រេងឥន្ធនៈតូតាល់ សាខាចែកចាយក្នុងក្រុងសេរីសោភ័ណ ទៅចែកជូនបងប្អូនប្រជាលរដ្ឋចំនួន១៥០ គ្រួសារ ដែលកំពុងជួបនូវការលំបាកផ្នែកជីវភាពក្នុងកាលៈទេសៈកូវីដ-១៩ និងរងគ្រោះដោយសារជំនន់ទឹកភ្លៀង ដោយក្នុងមួយគ្រួសារទទួលបានអង្ករ២៦គីឡូក្រាម,មី១កេស,ត្រីខុស២យូរ,ទឹកត្រី១យួរ,ទឹកស៊ីអ៊ីវ១យួរ,សាប៊ូ ១ថង់,តង់១។ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ថ្លែងនូវអំណរគុណយ៉ាងជ្រាលជ្រៅបំផុតចំពោះ ក្រុមហ៊ុនលក់ប្រេងឥន្ធនៈតូតាល់ ដែលបានជួយផ្ដល់នូវអំណោយជូនដល់បងប្អូនប្រជាពលរដ្ឋខ្វះខាតស្បៀងនាពេលនេះ ហើយក្នុងការជួយឧបត្ថម្ភនូវអំណោយនាពេលនេះ គឺជាការចូលរួមចែករំលែកនូវទុក្ខលំបាកជាមួយរាជរដ្ឋាភិបាលកម្ពុជា ដើម្បីជាការកាត់បន្ថយនូវភាពក្រីក្ររបស់ប្រជាពលរដ្ឋ។ ឯកឧត្តម អ៊ុំ រាត្រី ក៏បានថ្លែងនូវអំណរគុណនិងជូនពរចំពោះក្រុមហ៊ុនលក់ប្រេងឥន្ធនៈ តូតាល់ ជួបតែសំណាងល្អ និង.កាន់តែល្បីល្បាញ ក្នុងការដណ្ដើមទីផ្សារ ព្រោះថាប្រេងឥន្ធនៈតូតាល់នេះមានភាពល្បីល្បាញ មានគុណភាពល្អ យូរលង់ណាស់មកហើយ។ ចុងក្រោយឯកឧត្តមអភិបាលខេត្តបន្ទាយមានជ័យ ក៏បានធ្វើការផ្តាំផ្ញើដល់បងប្អូនប្រជាពលរដ្ឋទាំងអស់ ត្រូវបន្តអនុវត្តបង្ការការពារជំងឺឆ្លងកូវីដ-១៩ (៣ការពារ៣កុំផង) អោយបានខ្ជាប់ខ្ជួន បន្តអនុវត្តអនាម័យ បរិស្ថានអោយល្អស្អាត ដើម្បីសុខភាពយើងទាំងអស់គ្នា ពិសេសអំឡុងទឹកជំនន់នេះ ត្រូវមានការប្រុងប្រយ័ត្នបញ្ហាក្មេងៗ លេងទឹក ងូតទឹក ក្រែងមានគ្រោះថ្នាក់ជាយថាហេតុ៕ ដោយ: លោក វ័ន ប៊ុនរើន ជំនួយការ គេហទំព័រ ប៉ោយប៉ែត ប៉ុស្តិ៍ www.poipetpostnews.com