ខេត្តបាត់ដំបង៖ ដោយមានការចង្អុលបង្ហាញពីលោកឧត្តមសេនីយ៍ទោ សាត គឹមសាន ស្នងការដ្ឋាននគរខេត្តបាត់ដំបង និងមានការណែនាំពីលោកឧត្តមសេនីយ៍ត្រី កុយ ហៀង និងមានសម្របសម្រួលលើនីតិវិធីពីឯកឧត្តម កែវ សុជាតិ ព្រះរាជអាជ្ញាអមសាលាដំបូងខេត្តបាត់ដំបង នៅថ្ងៃទី១២ ខែវិច្ឆិកា ឆ្នាំ២០២១ វេលាម៉ោង ១៥និង០០ នាទី លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានដឹកនាំកម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង បានចុះប្រតិបត្តិការបង្រ្កាបករណី រក្សាទុកដោយខុសច្បាប់នូវសារធាតុញៀនមួយករណី ក្នុងបទល្មើសជាក់ស្តែង និងធ្វើការឃាត់ខ្លួនជនសង្ស័យបានចំនួន០១នាក់ ឈ្មោះ អុិត ចាន់រិទ្ទ ហៅផ្លេះ ភេទប្រុស អាយុ៣០ឆ្នាំ មានទីលំនៅ ភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង ។ ក្នុងករណីនេះ សមត្ថកិច្ចដកហូតបានវត្ថុតាងរួមមាន៖ ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន០៥ថង់ សង្ស័យមានសារធាតុញៀន(ទម្ងន់ ១.៧៥ក្រាម ទាំងសំបក) ទូរស័ព្ទដៃចំនួន០១គ្រឿង ថង់ប្លាស្ទិកសំរាប់ច្រករំលែកថ្នាំងញៀនលក់មួយចំនួន និងបាន បន្តស្រាវជ្រាវឃាត់ខ្លួនជនសង្ស័យបាន០១នាក់ទៀត នៅវេលាម៉ោង១៥និង៤០នាទី ឋិតភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង។ ជនសង្ស័យឈ្មោះ ចេង ណាត ភេទប្រុស អាយុ៣៤ឆ្នាំ មានទីលំនៅ ភូមិកំពង់សីមា សង្កាត់វត្តគរ ក្រុងបាត់ដំបង ខេត្តបាត់ដំបង។ វត្ថុតាងចាប់យកបានរួមមាន៖ កាំបិត ចំនួន០៤ដើម កាំភ្លើងកែច្នៃសប់ខ្យល់បាញ់គ្រាប់កង់ ចំនួន០១ដើម សំភារៈសំរាប់ប្រើប្រាស់ថ្នាំញៀនមួយចំនួន ម៉ូតូ០១គ្រឿង ម៉ាកយ៉ាម៉ាហា អុិចសាយទ័រ c.១៥០ សេរ៊ីឆ្នាំ២០១៧ ពណ៌ខ្មៅ គ្មានស្លាកលេខ (ចាស់)។ បច្ចុប្បន្ន: ជនសង្ស័យទាំង២នាក់ រួមនិងវត្ថុតាង ត្រូវសមត្ថកិច្ចជំនាញនៃក្រុងបាត់ដំបងកសាងសំណុំរឿងនិងចាត់ការតាមច្បាប់៕ ដោយ: លោក សុខ បូរី និពន្ធនាយករង គេហទំព័រ ប៉ោយប៉ែត ប៉ុស្តិ៍ www.poipetpostnews.com