ក្រុងប៉ោយប៉ែត៖ បើយោងប្រភពពីមហាជនគ្រប់មជ្ឈដ្ឋាន នៅក្រុងប៉ោយប៉ែត កំពុងមានការងឿងឆ្ងល់ជាខ្លាំង ខណៈម្ចាស់ផ្ទះឈ្មោះ ម៉ែន ណារិន ភេទស្រី បានសាងសង់អាគារចំនួន៤ល្វែង កំពស់ ៧ ជាន់ អស់រាប់ម៉ឺនដុល្លារ តែធាតុពិត បែរជាអត់ច្បាប់សាងសង់ទៅវិញ.? ចុះបើអាគារនេះធ្វើគ្មានស្តង់ដារទៀត កើតមាន ឧបទ្ទវហេតុ រលំបាក់ស្រុតសង្គាត់ស្លាប់ប្រជាពលរដ្ឋរាប់រយនាក់ ដូចនៅខេត្តព្រះសីហនុ កាលពីថ្ងៃ២២ ខែមិថុនា ឆ្នាំ២០១៩ អ្នកណាជាអ្នកទទួលខុសត្រូវ.?។ ប្រភពមហាជនគ្រប់មជ្ឈដ្ឋានបាននាំគ្នារិះគន់យ៉ាងចាស់ដៃថា៖ ចុះអាជ្ញាធរភូមិបានក្រុងប៉ោយប៉ែត និង មន្ទីរដែនដីនគររូបនិយកម្ម សំណង់ និងសូរិយោដី មិនធ្វើការត្រួតពិនិត្យតាំងពីកាលសាងសង់ដំបូង អោយប្រាកដថា សំណងនេះ មានច្បាប់ ឬ គ្មានច្បាប់,,សង្ស័យតែបានទទួលការសូកប៉ាន់ពីម្ចាស់អាគារ៤ល្វែង៧ជាន់ នេះហើយមើលទៅនោះ ទើបបានជាបណ្តែតបណ្តោយអោយ លោកស្រី ម៉ែន ណារិន ធ្វើការសាងសស់អស់រយៈពេលជាច្រើនឆ្នាំបានយ៉ាងរលូន...។ ប្រភពពីសំណាកមហាជនបានបន្តថា៖ ប្រហែលជាថ្នាក់លើដាក់វិធានការរឹតបន្តឹងហើយមើលទៅ ទើបបានជាមកដល់ម៉ោងនេះ ថ្ងៃទី២៣ ខែវិច្ឆិកា ឆ្នាំ២០២១ បានឃើញវត្តមាន អាជ្ញាធរមានសមត្ថកិច្ចចម្រុះ នឹង មន្ទីរដែនដីនគររូបនិយកម្ម សំណង់ និង សូរិយោដី ចុះមកត្រួតពិនិត្យសួរនាំ និងធ្វើការសុំឆែកតាមផ្លូវច្បាប់ ទើបដឹងថា អាគារ៧ជាន់ របស់លោកស្រី ម៉ែន ណារិន មិនបានសុំច្បាប់សាងសង់ទេ។ សូមបញ្ជាក់៖ សំណង់អាគារ៤ល្វែង កំពស់៧ជាន់ ជារបស់លោកស្រី ម៉ែន ណារិន ដែលសាងសង់អត់ច្បាប់ ឋិតនៅចំនុចបេនឡានក្រុងប៉ោយប៉ែត ក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ សូមទស្សនា វីឌីអូ ដែលមន្រ្តីជំនាញបានធ្វើការពន្យល់ពីផ្លូវច្បាប់ ហើយសូមស្តាប់ ម្ចាស់ផ្ទះបានលើកឡើងប្រាប់មន្ត្រីជំនាញដូចតទៅ......៕