ខេត្តសៀមរាប៖ បើយោងប្រភពពីប្រជាពលរដ្ឋ បានអោយដឹងថា៖ រណ្តៅដីដ៏ធំមួយកន្លែង កំពុងធ្វើអាជីវកម្មកាយយកអាចម៌ដីទៅលក់ចែកចាយក្នុងភូមិសាស្ត្រក្រុងសៀមរាប រៀងរាល់ថ្ងៃនេះ គឺបោះ ចែ ហ្គិច ហើយបើយើងសង្កេតមើលស្ថានភាពជាក់ស្តែង គឺលើសច្បាប់កំណត់ហើយ។ ប្រភពបន្តថា៖ តាមពិតទៅ ច្បាប់មន្ទីរ រ៉ែ និង ថាមពល ខេត្តសៀមរាប បានអនុញាតអោយក្រុមឈ្មួញ អាចបើកជីវកម្ម ជីកយកអាចម៌ ដី ទៅលក់ បានជំរៅត្រឹមតែ ៥ ម៉ែត្រ ប៉ុណ្ណោះ! តែបើឈ្មួញណាជីកដីលើសជម្រៅពី ៥ម៉ែត្រ គឺល្មើសនិងច្បាប់អនុញ្ញាតហើយ។ ប្រភពបានបញ្ជាក់អោយដឹងផងដែរថា៖ ទីតាំងរណ្តៅដី ចែ ហ្កិច ដ៏ធំមួយនេះ ឋិតនៅព្រៃលិចទឹកមួយកន្លែង ក្នុងភូមិតាចក សង្កាត់ស្រង៉ែ ក្រុងសៀមរាប ខេត្តសៀមរាប។ ពាក់ព័ន្ធករណី ចែ ហ្គិច កាយយកអាចម៌ដីទៅលក់ខាងលើ នៅព្រឹកថ្ងៃទី៣០ ខែវិច្ឆិកា ឆ្នាំ២០២១នេះ សារព័ត៌មាន {គេហទំព័រ ប៉ោយប៉ែត ប៉ុស្តិ៍} បានខលទៅលោក មាស ជូរ៉ានី ប្រធានមន្ទីរ រ៉ែ និង ថាមពល ខេត្តសៀមរាប តាមរយៈលេខទូរស័ព្ទTell.012838342 ដើម្បីរាយការណ៍ជូនលោក លោកក៏បានប្រាប់ផងដែរថា៖ ខ្ញុំកំពុងជាប់ប្រជុំ ចាំទំនេចាំខ្ញុំខលទាក់ទងទៅ។លុះរសៀលម៉ោង០៣ជាង សារព័ត៌មានយើងខ្ញុំបានព្យាយាមខលទៅលោកប្រធានមន្ទីរជាច្រើនដងដែរ តែគួរអោយសោកស្តាយ ទូរស័ព្ទលោកអ្នកហៅ មិនអាចទាក់ទងបានទេ សូមព្យាយាមម្ដងទៀតនៅពេលក្រោយ។ ប្រជាពលរដ្ឋសូមសំណូមពរដល់ ឯកឧត្តម ទៀ សីហា អភិបាន នៃគណៈអភិបាលខេត្តសៀមរាប និងជាប្រធានគណៈបញ្ជាការឯកភាពខេត្ត សូមឯកឧត្តម ចាត់កម្លាំងសហការ ចុុះត្រួតពិនិត្យស្ថាភាពជាក់ស្តែង រណ្ដៅដីដ៏ធំ របស់ ចែ ហ្គិច ដែលមានជម្រៅជ្រៅលើសពី ៥ ម៉ែត្រ ជិតដល់ភពប្រែតហើយ ដែលបច្ចុប្បន្ននេះ ចែ ហ្គិច ហ៊ានល្មើសនិងច្បាប់អនុញ្ញាត ពីមន្ទីរ រ៉ែ និង ថាមពលខេត្ត។ ជុំវិញនៃការចុះផ្សាយ ពាក់ព័ន្ធ និង រណ្តៅដីដ៏ធំ របស់ ចែ ហ្គិច ខាងលើ បើសាម៉ីខ្លួនគិតថា ការចុះផ្សាយមួយនេះ មិនមានភាពសុក្រឹតនិងយុត្តិធម៌សម្រាប់ខ្លួនទេនោះ សារព័ត៌មានយើងខ្ញុំរង់ចាំ ធ្វើការបកស្រាយបំភ្លឺឡើងវិញរៀងរាល់ម៉ោងធ្វើការ ការិយាល័យនិពន្ធ ឬតាមរយៈលេខទូរស័ព្ទទំនាក់ទំនងចំនួនពីរខ្សែ៖Tell.092190098/0886606773៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែត ប៉ុស្តិ៍ www.poipetposnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា