ល្បីរាប់ឆ្នាំហើយលោក ចន្ថា មេឈ្មួញខាងរកស៊ីបទល្មើសឈើខុសច្បាប់ អាជ្ញាធរមានសម្ថតកិច្ចមិនហ៊ានធ្វើការបង្រ្កាប ព្រោះខ្លាចបាត់ប្រាក់ចំណូលរបស់ខ្លួននិងបក្សពួក.!!!
ខេត្តឧត្ដរមានជ័យ៖ ក្រុមឈ្មួញដុះស្លែរល្បីខាងរកស៊ីដឹកជញ្ជូនឈើខុសច្បាប់ និងកាប់បំផ្លិចបំផ្លាញ់ផលអនុផលព្រៃឈើ ឈ្មោះ ដូច និងឈ្មោះ ចន្ថា បានដឹកជញ្ជូនឈើស្ទើររាល់យប់ មិនមានឃើញមន្រ្តីអាជ្ញាធរ និងសមត្ថកិច្ចជំនាញរដ្ឋបាលព្រៃឈើ ធ្វើការទប់ស្កាត់ បង្ការ និងបង្រ្កាបទាល់តែសោះ ឬមួយក៏ខ្លាចបាត់ផលប្រយោជន៍ នៃការប្រមូលលុយក្រិមតុលើតុ ពីក្រុមឈ្មួញរកស៊ីបទល្មើសឈើខុសច្បាប់។
ជាក់ស្ដែងវេលាម៉ោង ៥ៈ ០០ នាទីទាបភ្លឺត្រូវនឹងថ្ងៃទី១៦ ខែមករា ឆ្នាំ២០២១ មានសេចក្ដីរាយការណ៍មកថា ក្រុមមេឈ្មួញឈ្មោះ ដូច បានដឹកឈើតាមរថយន្តសាំយ៉ុង ចេញពីខេត្តព្រះវិហារ ឆ្លងកាត់ស្រុកត្រពាំងប្រាសាទនិងស្រុកអន្លង់វែង ឆ្ពោះទៅខេត្តបន្ទាយជ័យនិងបានបង់លុយជូនសម្ថតកិច្ចគ្រប់ស្ថាប័នអស់ហើយ ដើម្បីការពារសុវត្ថិភាពនិងមើលផ្លូវអោយខ្លួន។ រីឯឈ្មោះ ចន្ថា ក៏ជាមេឈ្មួញជើងខ្លាំងមិនចាញ់ឈ្មោះដូច ប៉ុន្មានឡើយ? ព្រោះមេឈ្មួញរូបនេះ អាងខ្លួនជាមន្រ្តីយោធាវរ:៤១៣ និងមានខ្សែ ស្រឡាយធំគួរសមនៅក្នុងខេត្តឧត្ដរមានជ័យ ឋានះនគរបាលផ្កាយ១។
តើលោក អ៊ឹម សៅវរិទ្ធ នាយខណ្ឌរដ្ឋបាលព្រៃឈើខេត្តមានជ័យ ដាក់មន្រ្តីក្រោមឱវាទ មកអោយបង្រ្កាបបទល្មើសធុនធានធម្មជាតិ ផលអនុផលព្រៃឈើ ឬមួយដាក់អោយមកឃុបឃិតនិងយកលុយពីក្រុមឈ្មួញប្រព្រឹត្តបទល្មើសឈើខុសច្បាប់ ឬយ៉ាងណា.?
សូមរងចាំភាគបន្ត៕
ដោយៈ សួន ចំណាប់ អ្នកយកព័ត៌មាន
គេហទំព័រ ប៉ោយប៉ែត ប៉ុស្ដិ៍
