ខេត្តបន្ទាយមានជ័យ៖ លោក ព្រីម សាលី ប្រធានពន្ធដាខេត្តបន្ទាយមានជ័យ បានធ្វើការរំលឹកដល់អតិថិជនដែលមានរថយន្តទាំងអស់ អោយបានជ្រាបថា នៅសល់តែជាង២០ថ្ងៃទៀតតែប៉ុណ្ណោះ ការបង់ពន្ធផ្លូវលើរថយន្តគ្រប់ប្រភេទនឹងត្រូវបានបញ្ចប់ នៅថ្ងៃទី៣០ ខែវិច្ឆិកា ឆ្នាំ២០២១ នេះហើយ បើសិនជាលោក លោកស្រី ណាមិនទាន់បានបង់ទេ សូមរួសរាន់ទៅបង់ពន្ធអោយបានមុនដាច់ខែវិច្ឆកានេះ ដើម្បីជៀសវាងការផាកពិន័យផ្សេងៗ។ លោកបានបញ្ជាក់អោយដឹងបន្តទៀតថាសាខាពន្ធដារខេត្តបន្ទាយមានជ័យមើលឃើញថា យានយន្តគ្រប់ប្រភេទភាគច្រើនបានចូលមកបង់ពន្ធរថយន្តរបសខ្លួនរួចរាល់អស់ហើយ តែម្ចាស់យានយន្តមួយចំនួនទៀតនៅមិនទាន់បានមកបង់ពន្ធនៅឡើយ។ លោកបានបញ្ជាក់អោយដឹងបន្តទៀតថាសាខាពន្ធដាខេត្តបន្ទាយមានជ័យ សូមក្រើនរំលឹកដល់ម្ចាស់យានយន្តទាំងអស់ដែលមិនទាន់បានបំពេញកាតព្វកិច្ចបង់ពន្ធជូនរដ្ឋនោះមេត្តារួសរាន់មកបង់ពន្ធអោយបានរួសរាន់ នៅសាខាពន្ធដាខេត្តបន្ទាយមានជ័យ និងនៅធនាគារដែលបានចុះអនុស្សារណៈនៃការយោគយល់គ្នាជាមួយក្រសួងសេដ្ឋកិច្ចនិងហិរញ្ញវត្ថុដើម្បីជៀសវាងនូវការកកស្ទះនិងការប្រជ្រៀតគ្នាមកប្រកាសបង់ពន្ធនៅថ្ងៃជិតបិទកំណត់ដែលអាចនាំអោយកើតមាននូវបាតុភាពអសកម្មដោយប្រការណាមួយ។ លោក ព្រីម សាលី បានបញ្ជាក់អោយដឹងបន្តទៀតថា៖ សាខាពន្ធដារខេត្តបន្ទាយមានជ័យ បញ្ជាក់បន្ថែមថា រថយន្តដែលមានកាតព្វកិច្ចជាប់ពន្ធដូចជារាល់រថយន្តទាំងឡាយដែលទិញហើយនិងត្រូវបានចុះបញ្ជីធ្វើស្លាកលេខ ចាប់ពី ខែមករា ឆ្នាំ២០២១ រហូតដល់ ខែវិច្ឆិកា ២០២១ ត្រូវជាប់ពន្ធទៅតាម ឆ្នាំផលិតនិងទំហំស៊ីឡាំងនៃរថយន្ត។ សម្រាប់រថយន្តដែលទិញហើយនិងចុះបញ្ជីធ្វើស្លាកលេខក្នុង ខែធ្នូ ឆ្នាំ២០២១ គឺត្រូវជាប់ពន្ធផ្លូវ ឆ្នាំ២០២១ ដដែល តែមិនមានការពិន័យអ្វីផ្សេងៗឡើយ ឯកសារភ្ជាប់មកដើម្បីបង់ពន្ធមានដូចជាឈៀករថយន្ត កាតគ្រីរថយន្ត អត្តសញ្ញាណប័ណ្ណជាដើម៕
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា