ខេត្តបន្ទាយមានជ័យ៖ នៅព្រឹកថ្ងៃចន្ទ ៤កើត ខែកត្តិក ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី០៨ ខែវិច្ឆិកា ឆ្នាំ២០២១ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងខេត្តបន្ទាយមានជ័យ បានបើកកិច្ចប្រជុំត្រួតពិនិត្យ និងការអនុវត្តវិន័យ ០០៦ បបជចុះថ្ងៃទី២៣ ខែវិច្ឆិកា ឆ្នាំ១៩៩៥ របស់នគរបាលជាតិ ហើយកិច្ចប្រជុំធ្វើឡើងនៅសាលប្រជុំរបស់ស្នងការដ្ធាននគរបាលខេត្តបន្ទាយមានជ័យ។ ក្នុងកិច្ចប្រជុំនេះដែល លោកឧត្តមសេនីយ៍ទោ សិទ្ធិ ឡោះ បានមានប្រសាសន៍ណែនាំដល់ថ្នាក់ដឹកនាំ លោកស្នងការរងទទួលផែននីមួយៗ និង លោកនាយការិយាល័យជំនាញ ត្រូវយកចិត្តទុកដាក់ខ្ពស់ចំពោះមន្ត្រីក្រោមឱវាទរបស់ខ្លួនត្រូវ៖ -គោរពវិន័យ ០០៦ បបជ ចុះថ្ងៃទី ២៣ ខែ វិច្ឆិកា ឆ្នាំ ១៩៩៥ របស់នគរបាលជាតិ ។ -អនុវត្តន៍តួនាទី-ភារកិច្ច ឱ្យបានល្អ ហើយម៉ឺងម៉ាត់បំផុត មិនត្រូវផ្ដេកផ្ដួល ។ -រៀបចំការងារកិច្ចការរដ្ធបាលប្រចាំថ្ងៃអោយបានល្អ។ -គ្រប់គ្រងបញ្ជីវត្តមាន និងក្តាប់អំពីកម្លាំងសេរី,អ្នកឈឺ,បេសកម្មអោយបានម៉ឹងម៉ាត់ ។ -រៀបចំរចនាសម្ព័ន្នគ្រប់គ្រង និង រៀបចំបន្ថែមកន្លែងចន្លោះប្រហោង ( ប្រអប់ ) ។ -គោរពពេលម៉ោងធ្វើការ ការស្លៀកពាក់ឯកសណ្ធានអោយបានសមរម្យ ដើម្បីបញ្ជាក់ពីភាព មុឹងម៉ាត់ ភាពស្វាហាប់ និង ត្រូវគោរពបទបញ្ជាផ្ទៃក្នុងរបស់អង្គភាព។ លោកឧត្តមសេនីយ៍ទោ សិទ្ធិ ឡោះ បានមានប្រសាសន៍បន្ថែមទៀតថា៖ កម្លាំងទាំងអស់ត្រូវមានសាមគ្គីភាព ឯកភាពផ្ទៃក្នុងជាធ្លុងមួយ ដើម្បីសម្រេចនូវរាល់ភារកិច្ចថ្នាក់លើប្រគល់ជូន។ មុននិងបិទអង្គប្រជុំ: លោកឧត្ដមសេនីយ៍ទោ សិទ្ធិ ឡោះ បានកោតសរសើរចំពោះថ្នាក់ដឹកនាំ និង នាយ នាយរង រួមនិងមន្ត្រីទាំងអស់ដែលបានយកចិត្តទុកដាក់ការអនុវត្តន៍តួនាទី ភារកិច្ច បានល្អកន្លងមក។ហើយ លោកស្នងការ ក៏បានធ្វើការផ្ដាំផ្ញើដល់កម្លាំងទាំងអស់ត្រូវថែទាំសុខភាពអោយបានល្អ ជាពិសេស នគរបាលគ្រប់រូបត្រូវថែរក្សាសុខភាព និង បន្តអនុវត្ត(៣ការពារ.៣កុំផង) តាមគោលការរបស់ក្រសួងសុខាភិបាល និងរៀនតាមបែបគន្លងថ្មី ព្រមទាំងចូលរួមបង្ការ បង្រ្កាប និង សង្គ្រោះ ជូនប្រជាពលរដ្ឋ និងសង្គមជាតិ៕ ដោយ: លោក វ័ន ប៊ុនរើន ជំនួយការ គេហទំព័រ ប៉ោយប៉ែត ប៉ុស្តិ៍ www.poipetpostnews.com