ខេត្ដឧត្ដរមានជ័យ៖ សូមរំលឹកផងដែរកាលពីថ្ងៃទី១៥ ខែសីហា ឆ្នាំ២០២១ កម្លាំងអធិការដ្ឋាននគរបាលស្រុកត្រពាំងប្រាសាទដឹកនាំដោយលោក អ៊ួច ម៉ៅ បានធ្វើការឃាត់រថយន្តម៉ាក ស្តារិច មួយគ្រឿង ពណ៍ទឹកប្រាក់បំពាក់ស្លាក់លេខពោធិ៍សាត់(2B 6866)ដឹកគ្រោងទ្វារ បង្អួច អត់ច្បាប់ និងបានបញ្ជូនបន្តទៅស្នងការដ្ឋាននគរបាលខេត្តឧត្ដរមានជ័យថែមទាំងធ្វើកិច្ចសន្យាបញ្ឈប់ និងមិនអោយធ្វើសកម្មភាពដឹកជញ្ជូនសិប្បកម្មអត់ច្បាប់បន្តទៀតទេ។ ដោយឡែកថ្មីៗនេះ សកម្មភាពរបស់មេឈ្មួញដុះស្លែរឈ្មោះ ចែ មុំ នៅតែអាចដឹកជញ្ជូនឈើបានយ៉ាងរលូនដដែល ដោយមានការត្រូវរ៉ូវជាមួយមន្រ្តីជំនាញគ្រប់ស្ថាប័នមួយចំនួនតូច ជាពិសេស រដ្ឋបាលព្រៃឈើស្រុកត្រពាំងប្រាសាទ តែម្ដង ទើបមិនឃើញមានចំណាត់ការបង្ក្រាប់។ ជាក់ស្ដែងនៅថ្ងៃទី២៩ ខែធ្នូ ឆ្នាំ២០២១ មេឈ្មួញឈ្មោះ ចែ មុំ បានយករថយន្តម៉ាក ហ្រ្វន់ធា ពីបាំង ពណ៍ទឹកប្រាក់ បំពាក់ស្លាកលេខបន្ទាយមានជ័យ(2A 5369) បានធ្វើសកម្មភាពដឹកជញ្ជូនគ្រោងទ្វារ ពេញរថយន្ត ចេញពីខេត្តព្រះវិហារ ឆ្លងកាត់ស្រុកត្រពាំងប្រាសាទ តាមផ្លូវយុទ្ធសាស្រ្តតែអកុសលត្រូវបានបែកកង់នៅចំណុច ១០៥ ភូមិថ្នល់កែង ចន្លោះភូមិអូរបេង ឃុំផ្អាវ ស្រុកត្រពាំងប្រាសាទ ទៅមុខមិនរួច ទើបក្រុមសារព័ត៌មាន ថតយកសកម្មភាព និងរាយការណ៍ទៅលោក ឈិន សុធា មន្រ្តីបរិស្ថានស្រុកត្រពាំងប្រាសាទ អោយជួយអន្តរាគមន៍ និងឃាត់រថយន្តទុកដើម្បីសួរ នាំតែពេលកម្លាំងមន្រ្តីបរិស្ថានមកដល់ បែរជាមិនចាត់ការ ប្រហែលជានិយាយត្រូវរ៉ូវគ្នាជាមួយមេឈ្មួញឈ្មោះ ចែ មុំ មួយសន្ទុះធំ ក៏ជិះរថយន្តគេចទៅបាត់ស្រមោលសូន្យឈឹង។ នៅថ្ងៃ៣០ ខែឆ្នាំដដែល ក្រុមការងារយើងក៏បានខលទៅលោក ឈិន សុធា មន្រ្តីបរិស្ថានស្រុកត្រពាំងប្រាសាទ ពីទៅបីដងដែរដើម្បីសុំការបំភ្លឺពាក់ពន្ធ័និងរឿងខាងលើ តែលោកមិនលើកទូរសព្ទ័.។ ចំណែកលោកជៀល សុផល នាយសង្កាត់រដ្ឋព្រៃឈើស្រុកត្រពាំងប្រាសាទវិញ លោកថា មិនបានដឹងទេចំពោះការដឹកជញ្ជូនឈើរបស់ ចែ មុំ ព្រោះលោកនៅខេត្ត ហើយក៏មិនដឹងដឹកតាមផ្លូវណាដែរ! តើអោយសម្ដេច តេជោ រំពឹងម្ដេចបានបើមន្រ្តីទាំងនេះធ្វើផ្ទុយពីគោលការរបស់ថ្នាក់ដឹកនាំ ដាក់អោយមកបង្រ្កាបបទល្មើសបែជាឃុបឃិតជាមួយក្រុមឈ្មួញប្រព្រឹត្តបទល្មើសទៅវិញ៕ ដោយៈ លោក សួន ចំណាប់ អ្នកយកព័ត៌មាន គេហទំព័រ ប៉ោយប៉ែត ប៉ុស្ដិ៍ www.poipetpostnews.com