បនល្បែងស៊ីសងខុសច្បាប់មួយកន្លែងបើកលេងយ៉ាងគគ្រឹកគគ្រេងនៅជិតផ្សារសាមគ្គី ស្រុកត្រពាំងប្រាសាទ តែសមត្ថកិច្ចមិនទាន់បង្ក្រាប សង្ស័យខ្លាចបាត់ឆ្នាំងបាយហើយ.!!!
ខេត្តឧត្ដរមានជ័យ៖ ទីតាំងល្បែងស៊ីសងបាញ់អាប៉ោង និង បៀ ខុសច្បាប់មួយកន្លែងដំណើរការបើកលេងយ៉ាងគឃ្លើនជារៀងរាល់ថ្ងៃ ស្ថិតនៅ ជិតផ្សារសាមគ្គី ភូមិត្រពាំងប្រាសាទ ឃុំ ត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ អាជ្ញាធរមានសមត្ថកិច្ច មិនហ៊ានធ្វើការបង្ក្រាប។
ប្រភពច្បាស់ការណ៍ពីប្រជាពលរដ្ឋដែលរស់នៅទីនោះបានឲ្យថា៖ ទីតាំងបនលេងល្បែងស៊ីសងខុសច្បាប់នៅភូមិឃុំខាងលើនេះពួកគាត់សង្ស័យ អាជ្ញាធរមានសមត្ថកិច្ចពាក់ព័ន្ធមួយចំនួននៅក្នុងទឹកដីស្រុកត្រពាំងប្រាសាទ ជាអ្នកបើកភ្លើងខៀវឲ្យទីតាំងមួយកន្លែងនេះហើយមើលទៅ បានជាបើកដំណើរការលេងយ៉ាងគឃ្លើនជារៀងរាល់ថ្ងៃរាល់យប់បានយ៉ាងរលូនបែបនេះ ដែលកំពុងធ្វើឲ្យពួកគាត់រស់នៅមានការភ័យខ្លាចអំពីភាពអសន្តិសុខដូចជា អំពើលួចឆក់ប្លន់ អំពើហិង្សា និងជាពិសេសនោះ គឺខ្លាចឆ្លងជម្ងឺ កូវីដ ១៩ ដែលកំពុងតែឆ្លងរាលដាលយ៉ាងកក្រើក ពាសពេញក្នុងស្រុក ទូទាំងប្រទេស។
បងប្អូនប្រជាពលរដ្ឋជាច្រើននៅក្នុងស្រុកត្រពាំងប្រាសាទ បាននាំគ្នាសំណូមពរទៅដល់ ឯកឧត្តម ប៉ែន កុសល្យ អភិបាល នៃគណៈអភិបាល ខេត្តឧត្តរមានជ័យ ជាពិសេស លោកឧត្តមសេនីយ៍ទោ ហួត សុធី ស្នងការនគរបាលខេត្ត សូមមេត្តាមានវិធានការចាត់កម្លាំង ចុះត្រួតពិនិត្យទីតាំងល្បែងសុីសងខុសច្បាប់មួយកន្លែងបើកលេងនៅខាងលើនេះ ដើម្បីធ្វើការបង្រ្កាបតាមគោលនយោបាយ ភូមិ ឃុំ សង្កាត់ មានសុវត្ថិភាពផងទាន៕
ដោយ: លោក សួន ចំណាប់ អ្នកយកព័ត៌មាន
គេហទំព័រ ប៉ោយប៉ែត ប៉ុស្តិ៍
www.poipetpostnews.com
