ខេត្តបន្ទាយមានជ័យ៖ ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាលចុះជួយខេត្តបន្ទាយមានជ័យ បានអញ្ជើចុះសួរសុខទុក្ខ និង សំណេះសំណាលជាមួយលោកតាលោកយាយវ័យចំណាស់ចំនួន៤០០នាក់ នៅក្រុងសិរីសោភ័ណ ខេត្តបន្ទាយមានជ័យ កាលពីរសៀលថ្ងៃ៤កើត ខែមិគសិរ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៨ ខែធ្នូ ឆ្នាំ២០២១។ ពិធីនេះមានការចូលរួមពីឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោកឧត្តមសេនីយទោ សិទ្ធិ ឡោះ ស្នងការនគរបាលខេត្ត ឯកឧត្តម លោកជំទាវ លោក លោកស្រី មន្ត្រីរាជការមកពី ក្រសួង មន្ទីរពាក់ពន្ធនានា និងកម្លាំងប្រដាប់អាវុធជាច្រើនរូប។ លោក ហ៊ិល រ៉ាយ៉ា អភិបាលក្រុងសិរីសោភ័ណ បានថ្លែងថា នៅក្រុងសិរិសោភ័ណមានពលរដ្ឋចាស់ជរាចំនួន៧៣៤នាក់ បច្ចុប្បន្នអាជ្ញាធរបានបង្កើតឲ្យមានសមាគមចាស់ជរា ដើម្បីជួយសម្រួលដល់ទុក្ខលំបាកពួកគាត់ ពិសេសគឺចាស់ជរាក្រីក្រ និងគ្មានទីពឹង។ថ្ងៃនេះលោកតាលោកយាយមកចូលរួមកម្មវិធីមានចំនួន៤០០នាក់។ក្នុងម្នាក់ទទួលបាន ភួយ១ ក្រម៉ា១ អាវរងារ១ ឃីត១កញ្ចប់ ថវិការ២ម៉ឺនរៀល។ ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី អំពាវនាវដល់អាជ្ញាធរនិងមន្ទីរជំនាញត្រូវបន្តស្តារហេដ្ឋារចនាសម្ពន្ធ័ឡើងវិញ សាលារៀន ប្រឡាយ ប្រពន្ធ័ស្រោចស្រព ផ្លូវ ស្ពាន បន្ទាប់ពីមានជំនន់២ឆ្នាំជាប់គ្នា។ ឯកឧត្តមក៏បានក្រើនរំលឹកដល់អាជ្ញាធរត្រូវយកចិត្តទុក្ខដាក់ជួយដល់ពលរដ្ឋក្រីក្រដែលជួបការលំបាកពិតប្រាកដ និងចាស់ជរាគ្មានទីពឹង ទាំងសន្តិសុខសណ្តាប់ធ្នាប់ សេវាសុខាភិបាលនិងសេវាសាធារណ:។ ឯកឧត្តមក៏បានអំពាវនាវដល់លោកតា លោកយាយ ត្រូវទៅផ្ទៀងផ្ទាត់មើលបញ្ជីឈ្មោះបោះឆ្នោត និងកុំភ្លេចទៅចូលរួមបោះឆ្នោតឲ្យបានគ្រប់គ្នា៕ ដោយ: លោក វ័ន ប៊ុនរើន ជំនួយការ គេហទំព័រ ប៉ោយប៉ែត ប៉ុស្តិ៍ www.poipetpostnews.com