ខេត្តបន្ទាយមានជ័យ៖ អនុវត្តតាមនយោបាយឈ្នះៗ របស់សម្តេចតេជោហ៊ុន សែន ទំនាស់ដីធ្លី៦៦ហិកតា ស្ថិតនៅចំណុចអូរស្វារអិល ដ៍រ៉ាំរ៉ៃ ក្នុងភូមិសូរិយា សង្កាត់និមិត្ត ក្រុងប៉ោយប៉ោយខេត្តបន្ទាយមានជ័យ។ ដែលមានទំនាស់ជិត ២០ឆ្នាំ បានឈានដល់ចាប់ដៃគ្នា ចុះវាស់វែងកំណត់ព្រំដីបញ្ចប់ទំនាស់ ដោយសន្តិវិធីក្រោមការចុះសម្របសម្រួល ពីសំណាក់គណៈកម្មាការដោះស្រាយទំនាស់ដីធ្លី ថ្នាក់ខេត្ត ដែលដឹកនាំដោយលោក ង៉ោ ម៉េងជ្រួន អភិបាលរងខេត្តបន្ទាយមានជ័យ កិច្ចសម្របសម្រួលរហូតឈានដល់ការបញ្ចប់នេះធ្វើឡើងនៅលើទីតាំងដីទំនាស់ខាងលើ កាលពីព្រឹកថ្ងៃទី២៩ ខែមករា ឆ្នាំ២០២១ ដោយមានការចូលរួមពីគ្រប់ភាគីទាំងសងខាងនៃ១៤គ្រួសារ និង ៥១គ្រួសារ និងដោយយោងលិខិតជូនដំណឹង របស់ក្រសួុងមហាផ្ទៃចុះថ្ងៃទី២១ ខែតុលា ឆ្នាំ២០២០ ករណីសុំចាត់វិធានការរដ្ឋបាល ចំពោះក្រុមអនាធិបតេយ្យ ចូលកាន់កាប់វាស់វែង និងបែងចែក លក់ដូរដីធ្លី និង សាងសង់ផ្ទៈ ខ្ទម រោង លើកម្មសិទ្ធិឯកជនរបស់ប្រជាពលរដ្ឋចំនួន១៤គ្រួសារ ដែលមានប័ណ្ណសម្គាល់សិទ្ធកាន់កាប់អចលនវត្ថុ នៅចំណុចអូរស្វាររអិល ភូមិសូរិយា សង្កាត់និមិត្ត ក្រុងប៉ោយប៉ែត។ មុនឈានដល់ការស្រុះស្រួលគ្នា បញ្ចប់ទំនាស់គឺលោក ង៉ោ ម៉េងជ្រួន បានលើកពីនីតិវីធី នៃការដោះស្រាយក្រៅប្រព័ន្ធតុលាការ គឺផ្តោតទៅលើការសម្របសម្រួលគ្នា លើមូលដ្ឋានច្បាប់ ហើយជាពិសេសអោយឈ្នះៗ តាមគោលនយោបាយ របស់សម្តេចតេជោ ហ៊ុន សែន ដល់ភាគីទាំងពីរអនុវត្ត និង បានលើកឡើងសំណូមពរ ទៅវិញទៅមក រហូតភាគីទាំងពីរ បានឯកភាពគ្នា ដោយព្រមរុះរើសំណង់ដោយខ្លួនឯង ហើយទៅធ្វើលើដីដែលបានបែងចែកគ្នា។ ចំពោះទីតាំងថ្មី គឺបានរៀបចំហេដ្ឋារចនាសម្ព័ន្ធត្រឹមត្រូវ ហើយអាជ្ញាធរ និងចេញដីការសម្រេច អោយបងប្អូនកាន់កាប់ដោយស្របច្បាប់។ លោក ង៉ោ ម៉េងជ្រួន បានបន្ថែមទៀតថា៖ក្រោយពីការ សម្របសម្រួលគ្នាចប់ របស់ភាគីទាំងពីរ លោកបានដាក់វិធានការច្បាប់ ចាប់ឃាត់ខ្លួនបញ្ជូនខ្លួនទៅអធិការ បន្តទៅតុលាការ សម្រាប់អ្នកថ្មីណាដែលចូលមកសាងសង់ថ្មី ឬមកធ្វើអ្វីក្រៅពីកិច្ចព្រមព្រៀង ។ បន្ទាប់ពីកិច្ចសម្របសម្រួលដោះស្រាយនេះបានបញ្ចប់ អាជ្ញាធរខេត្តបន្ទាយមានជ័យ នឹងចេញសេចក្តីជូនដំណឹង ជាសាធារណៈអោយរុះរើសំណង់ ទៅតាមការឯកភាព និងស្រុះស្រួលគ្នា ក្នុងរយះពេល១៥ថ្ងៃ។ តែបើសិនមិនអនុវត្តតាម កិច្ចសន្យា ដែលមានអាជ្ញាធរ នោះទេ និង អនុវត្តដោយបង្ខំតាមនីតិវិធីច្បាប់ ដល់ក្រៅភាគីពាក់ព័ន្ធ។ សូមបញ្ជក់ថាយោងលិខិតជូនដំណឹង របស់ក្រសួុងមហាផ្ទៃ ចុះថ្ងៃទី២១ ខែតុលា ឆ្នាំ២០២០ ករណីសុំចាត់វិធានការរដ្ឋបាល ចំពោះក្រុមអនាធិបតេយ្យ ចូលកាន់កាប់វាស់វែងបែងចែកនិងលក់ដូរដីធ្លី និងសង់ផ្ទៈ ខ្ទម រោង លើកម្មសិទ្ធិឯកជន របស់ប្រជាពលរដ្ឋចំនួន១៤គ្រួសារ ដែលមានប័ណ្ណសម្គាល់សិទ្ធកាន់កាប់ អចលនវត្ថុនៅចំណុចអូរស្វាររអិល ភូមិសូរិយា សង្កាត់និមិត្ត ក្រុងប៉ោយប៉ែត។ ជាចុងក្រោយលោក ង៉ោ ម៉េងជ្រួន អភិបាលរងខេត្តបន្ទាយមានជ័យ បានមានប្រសាសន៍ផ្តាំផ្ញើរ ដល់បងប្អូនប្រជាពលរដ្ឋ នៅចំនុចខាងលើ មេត្តារក្សាអនាម័យ ក្នុងក្រុមគ្រួុសារ និងត្រូវលាងដៃ និងអាល់កុល រឺ ជែល ព្រមទាំងពាក់ម៉ាស់ ជាប្រចាំ និង ចូលរួុមទប់ស្កាត់ នៃការរីករាលដាលជម្ងឺ កូវីដ 19 ឆ្លងចូលដល់សហគមន៍ ៕