ក្រុងប៉ោយប៉ែត៖ នៅថ្ងៃទី១៤ ខែកុម្ភៈ ឆ្នាំ២០២១ វេលាម៉ោង០៨និង៤៥នាទីព្រឹក មានករណីឣគ្គីភ័យមួយបាន កើតឡើងនៅចំណុចភោជ្ជនីដ្ឋានកុងទីន័រ ស្ថិតនៅភូមិសាមគ្គីមានជ័យ សង្កាត់ ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ។ បើយោងតាមប្រភពពីកន្លែងកើតហេតុបានឲ្យដឹងថា៖ អ្នកទទួលមើលការខុសត្រូវមាន ឈ្មោះ ហេង ស្រេង ភេទប្រុស ឣាយុ ៤០ ឆ្នាំ ជនជាតិខ្មែរ មុខរប មេការ។ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានអោយដឹងថា៖ មូលហេតុនៃ អគ្គីភ័យឆាបឆេះ គឺដោយផ្ទុះសេខ្សែរភ្លើង ។ លោកអធិការបន្តអោយដឹងទៀតថា៖ ការខូចខាតទ្រព្យសម្បត្តិរួមមាន៖ ១.ម៉ាស៊ីនត្រជាក់ ១គ្រឿង ២.អាំភ្លី ១ឈុត ៣.សាឡុង១ឈុត ៤.កង្ហា ២គ្រឿង។ អគ្គីភ័យឆាបឆេះភោជនជននីដ្ឋានកុងទីន័រខាងលើនេះផងដែរ មានការចុះជួយអន្តរាគមន៏ ពីកងកម្លាំងអធិការនគរបាលក្រុងប៉ោយប៉ែត កម្លាំងផ្នែកសឹករងក្រុងប៉ោយប៉ែត កម្លាំងអាវុធហត្ថមូលដ្ឋានក្រុងប៉ោយប៉ែត កម្លាំងអាជ្ញាធរសង្កាត់និងក្រុង រួមនិងកម្លាំងប្រជាពលរដ្ឋក្នុងមូលដ្ឋាន និងកម្លាំងប្រជាការពារភូមិផងដែរ។ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានបញ្ជាក់អោយសារព័ត៌មាន (គេហទំព័រ ប៉ោយប៉ែតប៉ុស្តិ៍) យ៉ាងច្បាស់ថា៖ ក្នុងករណីអគ្គីភ័យឆាបឆេះនេះ ត្រូវបានប្រើប្រាស់រថយន្តពន្លត់អគ្គីភ័យចំនួន០៤គ្រឿង ប្រើប្រាស់ទឹកអស់ចំនួន ០៤ស៊ីតែនរួមមាន៖ ១.រថយន្តពន្លត់អគ្គីភ័យ អធិការ ក្រុង ប៉ោយប៉ែត ១គ្រឿង ប្រើទឹកអស់ ០១ស៊ីតែន។ ២.រថយន្តពន្លត់អគ្គីភ័យ ក្រុមហ៊ុនកាស៊ីណូត្រូពីកាណា ១គ្រឿង ប្រើទឹកអស់ ០១ស៊ីតែន។ ៣.រថយន្តពន្លត់អគ្គីភ័យ ក្រុមហ៊ុនកាស៊ីណូស្តាវីហ្គាស់ ១គ្រឿង ប្រើទឹកអស់ ០១ស៊ីតែន។ ៤.រថយន្តពន្លត់អគ្គីភ័យ ក្រុមហ៊ុនកាស៊ីណូអានកូ ១គ្រឿង ប្រើទឹកអស់ ០១ស៊ីតែន។ លោកបានបន្ថែមថា៖ ក្នុងករណីនេះ កំលំាងបានចេញចុះអន្តរាគមន៏បានទាន់ពេលវេលាផងដែរ ដោយមិនមានរងការខូចខាត ទ្រព្យសម្បត្តិប្រជាពលរដ្ឋធ្ងន់ធ្ងឡើយ៕ ដោយ: លោក ជួង វិសិដ្ឋ និពន្ធនាយក គេហទំព័រ ប៉ោយប៉ែត ប៉ុស្តិ៍ www.poipetpostnews.com