កញ្ញា តន់ ចន្ទសីម៉ា ជិះសុទ្ធតែឡានទំនើប ក្រោយឡើងកូដខ្លាំងនៅក្នុងរង្វង់សិល្ប:.!!!
កញ្ញា តន់ ចន្ទសីម៉ា ម្ចាស់បទ យល់ច្រឡំថាគេស្រលាញ់យើង ដែលពុកម៉ែ បងប្អូន និងប្រិយមិត្ត ជាពិសេស ហ្វេនរបស់កញ្ញា បានស្គាល់ថា កញ្ញា ធ្លាប់ជាអតីតបេក្ខនារី នៃការប្រកួតក្នុងកម្មវិធី The Voice Cambodia និងនៅក្នុងពេលបច្ចុប្បន្ន កញ្ញា កំពុងតែមានសន្ទុះមានប្រជាប្រិយខ្លាំង នៅក្នុងរង្វង់សិល្ប: ក្រោយពីកញ្ញា តន់ ចន្ទសីម៉ា បានចូលជាតារាចម្រៀងប្រចាំនៅក្នុងផលិតកម្ម Galaxy រួចមក។
បើប្រិយមិត្ត ងាកមកមើលពីជីវិតឯកជនរបស់កញ្ញា វិញម្តង ក្រោយពីទទួលបានការគាំទ្រខ្លាំង និងកាក់កបនៅក្នុងអាជីពជាអ្នកសិល្ប:ចម្រៀង របស់ខ្លួន កញ្ញា តន់ ចន្ទសីម៉ា ក៏ទទួលបានសមិទ្ធិផលដ៏គាប់ប្រសើរ ដែលកាលពីពេលថ្មីៗនេះ កញ្ញា បានទិញរថយន្តថ្មីម៉ាក Mclaren ពណ៌ក្រហម ដែលមានតម្លៃថ្លៃរាប់សែនដុល្លារ ហើយកញ្ញាថែមទាំងមានអង្គរក្សបើកជូន និងតាមការពារទៀតផង។
គួររំលឹកផងដែរថា៖ កាលពីអតីតកាល នាកំឡុងពេលដែលកញ្ញា តន់ ចន្ទសីម៉ា ធ្លាប់បានទៅច្រៀងនៅក្នុងភោជនីយដ្ឋាន V-Friend កញ្ញា ធ្លាប់ត្រូវបានជិះម៉ូតូ ហើយត្រូវបានចោរឆក់ទូរស័ព្ទកណ្តាលរាត្រីថែមទៀតផង ប៉ុន្តែ កញ្ញា មិនរាថយ នៅតែព្យាយាមខិតខំប្រឹងប្រែង រាល់ជំនះឧបស័គ្គ។
បើយើងងាកមកស្តាប់បទថ្មីៗរបស់ កញ្ញា នាពេលនេះ អាចនិយាយបានថា កញ្ញា តន់ ចន្ទសីម៉ា បានវិវឌ្ឍខ្លួនទៅជាកំពូលតារាចម្រៀងស្រីម្នាក់ ប្រកបដោយសមត្ថភាព និងប្រជាប្រិយភាពខ្ពស់ក្នុងវិស័យសិល្ប: ដែលកញ្ញា ច្រៀងនៅក្នុងផលិតកម្ម Galaxy ឡេង ណាវ៉ាត់ត្រា ស្តាប់ទៅ ពិរសគ្រប់បទតែម្តង៕
ដោយ: គេហទំព័រ ប៉ោយប៉ែត ប៉ុស្តិ៍
www.poipetpostnews.com