គ្រូពេទ្យ ឡី ជឹង រងការរិះគន់ថា ធ្វើរបងរំលោភយកដី លោកយាយចំណាស់ម្នាក់នៅភូមិប្រជាធម្មលិច.!!!
ក្រុងប៉ោយប៉ែត ៖ តាមប្រភពព័ត៌មានពីលោក
យាយឈ្មោះ ឡាង សារឿន អាយុ ៦៧ឆ្នាំ រស់នៅចំណុចមណ្ឌល២ ស្ថិតក្នុងភូមិប្រជាធម្មលិច បានប្រាប់អ្នកសារព័ត៌មានដឹងថា ដីរបស់គាត់មានទំហំទទឹង១៥ម៉ែត្រ គុណនិងបណ្តោយ២០ ម៉ែត្រ ជាអំណោយរបស់អង្គការ (NPA) បានចែកឲ្យគាត់តាំងឆ្នាំ២០០០ មកម្លេះ ហើយគាត់បានរស់នៅលើដីនោះរហូតមកដល់បច្ចុប្បន្ន ។
លោកយាយបន្តថា នៅពេលប្រមាណប្រហែល១ឆ្នាំមកនេះ មានបុរសម្នាក់ឈ្មោះ ឡី ជឹង ជាមន្ត្រីសុខាភិបាល នៅមន្ទីពេទ្យបង្អែកប៉ោយប៉ែត ២ (ដីថ្មី ) បានមកទិញដី បន្តពីគេ នៅចំណុចក្រោយដីឡូតិ៍របស់គាត់ចំនួន២ឡូតិ៍ ហើយលោក ឡី ជឹង ក៏បានធ្វើរបងថ្មពទ្ឋ័ដីរបស់គាត់ ពីក្រលាក់ ធ្វើចូលមកលើដីលោកយាយ ជិត១ម៉ែត្រ ដែលមានបណ្តោយ១៥ម៉ែត្រ ផ្នែកខាងក្រោយផ្ទះ
ដោយលោកពុំមិនមានការឯកភាពពីលោកយាយ ឬពលរដ្ឋជិតខាងឲ្យបានត្រឹមត្រូវនោះទេ។
លោកយាយ ឡាង សារឿន បន្តថា នៅពេលដែលគ្រូពេទ្យឈ្មោះ ឡី ជឹង បានមកធ្វើរបងថ្មពទ្ឋ័ចូលយកដីគាត់នោះ គឺពួកគេបានរុះរើ របងស័ង្កសីចាស់គាត់ចោល ដោយមិនបានប្រាប់គាត់ឡើយ ! បន្ទាប់មក រូបគាត់បានទៅប្រាប់លោកមេណ្ឌល២ អោយមកជួយមើលដែរ តែមិនមានដំណោះស្រាយ ! បន្ទាប់មកទៀតគាត់(លោកយាយ)បានមកប្រាប់លោក សុខ សម្បត្តិ មេភូមិប្រជាធ្មលិច អោយជួយអន្តរាគមន៍ និងជួយរកយុត្តិធម៌ដែរ តែនៅមិនមានដំណោះស្រាយឡើយ ។
លោកយាយបានបញ្ជាក់ថា ដោយសារតែគាត់ជាមនុស្សចាស់ និង ជាស្រ្តីមេម៉ាយផង គាត់បានហាមឃាត់គេមិនឲ្យធ្វើរបងថ្ម ដែលលយចូលមកលើដីគាត់នោះដែរ ! តែលោក ឡី ជឹងគាត់មិនព្រមស្តាប់ទាល់តែសោះ ថែមទាំងបញ្ជាអោយពួកជាងធ្វើរបងថ្មនោះ ចូលយកដីរបស់គាត់ដ៏ដែលដល់សព្វថ្ងៃនេះ។
លោកយាយបន្តថា ដោយរូបគាត់រងចាំរហូតដល់កូនស្រីគាត់ត្រឡប់មកពីធ្វើការពីប្រទេសថៃវិញនៅពេលថ្មីៗនេះ បានទៅដាក់ពាក្យបណ្តឹងនៅសាលាភូមិប្រជាធម្មលិច អោយលោកមេភូមិ (មហា សម្បត្តិ) រូបស្រស់ អោយជួយរកយុត្តិធម៌ជូនគាត់វិញផងទានប្រុស ។
ប្រជាពលរដ្ឋរស់នៅចំណុចដីថ្មីដែលជាដីអង្គការ (NPA) នៅក្រុងប៉ោយប៉ែត បាននាំគ្នានិយាចចំៗថា ដីចំណុចនេះជាទូទៅមានទំហំក្បាល១៥ម៉ែត្រ គុណនិងបណ្តោយ២០ម៉ែត្រ ហើយក៏គ្មានដីឡូណាមួយ មានរាងក្រលាក់នោះទេ គឺមានរាងដូចជាតារាងក្រឡារ៉េកចឹង។ ខុសគេតែដីលោកគ្រូពេទ្យ ឡី ជឹង ម្នាក់នេះឯង ដែលធ្វើរបងថ្ម ក្រលាក់ លយចូលមកកន្ទុយដីរបស់លោកយាយនេះតែម្តង ។
ពលរដ្ឋរងចាំមើលថា តើអស់លោកជាអាជ្ញាធរ មានសមត្ថកិច្ចគ្រប់លំដាប់ថ្នាក់ជួយរកយុត្តិធម៌ ជូនលោកយាយដែលរងគ្រោះម្នាក់នេះបានដែរឬយ៉ាងណា ,,,,?
ជុំវិញនៃការចោទប្រកាន់លោក ឡី ជឹង ជាមន្ត្រីសុខាភិបាល ខាងលើ ខាងសារព័ត៌មានយើងខ្ញុំ មិនអាចសុំការបំភ្លឺបានទេនៅព្រឹកថ្ងៃថ្ងៃទី០៥ ខែកុម្ភះ ឆាំ្ន២០២១នេះ ប្រសិនបើសាម៉ីខ្លួនគិតថា ការចុះផ្សាយព័ត៌មានមួយនេះ មិនមានភាពសុក្រិត ក្រុមការងារយើង រងចាំបកស្រាយបំភ្លឺជានិច្ចនៅរាល់ម៉ោងធ្វើការទីស្នាក់ការការិយាល័យនិពន្ធ តាមរយៈលេខទូរស័ព្ទចំនួនពីរខ្សែ៖ 📲Tell.092190 098 / 088 66 06 773.📞៕
