ភាពមិនប្រក្រតីរបស់ក្រុមហ៊ុន ដានី ដេង នាំជ្រូកពីថៃ លើសលិខិតអនុញ្ញាត.!!!
ខេត្តឧត្តរមានជ័យ៖ បែកធ្លាយភាពមិនប្រក្រតីរឿង ក្រុមហ៊ុន ដានីដេង នាំសត្វជ្រូករស់ ពីប្រទេសថៃ ចេញតាមច្រកទ្វាអន្តរជាតិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ លើសលិខិតអនុញ្ញាត របស់ក្រសួងកសិកម្ម។
ប្រសិនជាការមាននាំសត្វជ្រូកលើសមែននោះ សង្ស័យថា ក្រុមហ៊ុន ដានីដេង បានឃុបឃិតគ្នាជាមួយជំនាញ ក្នុងការបន្លំមិនបង់ពន្ធ ដែលនាំឲ្យបាត់បង់ ចំណូលចូលរដ្ឋ យ៉ាងច្រើន។
យោងតាមប្រភពបានឲ្យដឹងថា នៅថ្ងៃទី០២ ខែកុម្ភៈ ឆ្នាំ២០២១ ក្រុមហ៊ុនន ដានីដេង បានធ្វើការដឹកជញ្ជូនសត្វជ្រូករស់ចេញ ពីខេត្តឧត្តរមានជ័យ ឆ្ពោះទៅតាមបណ្ដាខេត្ត ជាច្រើនគ្រឿងផងដែរ។
ជុំវិញករណីនេះ លោក សូត្រ សុីសុខឃាង ប្រធានមន្ទីរកសិកម្ម ខេត្តឧត្តរមានជ័យ បានប្រាប់អ្នកសារព័ត៌មានថា ក្រុមហ៊ុន ដានីដេង ដែលធ្វើអាជីកម្ម ដឹកជ្រូកពីប្រទេសថៃ រាល់ថ្ងៃនេះ គ្រប់គ្រង ដោយលោកស្រី ឈ្មោះហៅថា (ចែធំ) រស់នៅសង្កាត់អូរស្មាច់ ដែលជាភរិយា របស់លោកឧត្តមសេនីយ៍ត្រី មួយរូប។
សូមរំលឹកថា កន្លងទៅថ្មីៗនេះ ក្រុមហ៊ុន ដានីដេង ត្រូវបាននាយកដ្ឋានពេទ្យសត្វសង្ស័យថារថយន្តដឹកជ្រូកខាងលើដឹកលើសចំនួន ក៏បានសហការជាមួយ ព្រះរាជអាជ្ញាអមសាលាដំបូងខេត្តកំពង់ធំ ធ្វើការឃាត់រថយន្ត ក្រុមហ៊ុនដឹកសត្វជ្រូក ដោយរកឃើញថា ក្រុមហ៊ុននេះ ដឹកជ្រូកលើសលិខិតអនុញ្ញាត ចំនួន២០ក្បាល។
ទាក់ទងទៅនឹងការរិះគន់នេះ សារព័ត៌មានយើង នៅពុំទាន់ទទួលបានការបំភ្លឺ ពីក្រុមហ៊ុន ដានី ដេង នៅឡើយទេ ដោយពុំមានលេខទូរស័ព្ទទំនាក់ទំនង៕
ដោយៈ លោក សួន ចំណាប់
គេហទំព័រ ប៉ោយ ប៉ែតប៉ុស្ដិ៍
