(មានវីដេអូ) ប្រជាពលរដ្ឋ០៩គ្រួសារ នៅក្រោយសាលាក្រុងប៉ោយប៉ែត នាំគ្នាតវ៉ា អោយលោកឧត្ដមសេនីយ៍ត្រី អ៊ុំ សុផល ស្នងការងខេត្តបន្ទាយមានជ័យ បើកផ្លូវអោយប្រជាពលរដ្ឋអាស្រ័យដូចដើមវិញ ព្រោះជាផ្លូវសាធារណៈ.!!!
ក្រុងប៉ោយប៉ែត ខេត្តបន្ទាយមានជ័យ៖ នៅព្រឹកថ្ងៃទី២០ ខែមីនា ឆ្នាំ២០២១ រឿងទំនាស់បិតផ្លូវដីសាធារណ: យកធ្វើជាកម្មសិទ្ធផ្ទាល់ខ្លួន រវាង លោកផ្កាយ១ អ៊ុំ សុផល ស្នងការងខេត្តបន្ទាយមានជ័យ ជាមួយនិងប្រជាពលរដ្ឋចំនួន ០៩ គ្រួសារ កំពុងតែកើនឡើងកំដៅខ្លាំង.! ខណៈដែលលោក គាត់ ហ៊ុល អភិបាលក្រុងប៉ោយប៉ែត បានដឹកនាំកម្លាំងអាវុធហត្ថមូលដ្ឋានក្រុង និងកម្លាំងអធិការដ្ឋាននគរបាលក្រុង ចុះទៅដោះស្រាយនិងសម្របសម្រួល ជូនភាគីទាំងសងខាង ស្រមតាមគោលនយោបាយ ឈ្នះ ឈ្នះ! សម្ដេចតេជោ (គឺលោក គាត ហ៊ុល សុខចិត្តចំណាយថវិការផ្ទាល់ខ្លួន សុំទិញដីនោះ ដែលមានទទឹង៤ម៉ែត្រ បណ្តោយប្រមាណ៣០ម៉ែត្រ ក្នុងតម្លៃ ១ ម៉ឺនដុល្លារ ដើម្បីជួយសម្រួលដល់ប្រជាពលរដ្ឋបានអាស្រ័យធ្វើដំណើរដូចដើមវិញ ,តែលោកផ្កាយ១ អ៊ុំ សុផល ទា ៤ម៉ឺន ឯណោះ ទើបលោកព្រមលក់អោយ)។
ភ្លាមៗនោះ លោក គាត ហ៊ុល គ្រាន់តែលឺលោកផ្កាយ១ អ៊ំុ សុផល លក់ដី៤ម៉ែត្រ ក្នុងតម្លៃ ៤ ម៉ឺនដុល្លារ លោក គាត ហ៊ុល បានឆ្លើយប្រាប់បងប្អូនប្រជាពលរដ្ឋទាំង ០៩ គ្រួសារថា លោកគ្មានលិទ្ធភាពទិញ ដើម្បីធ្វើការដោះស្រាយក្នុងរឿងនេះទេ! លោកបន្តថា បើរឿងនេះ សម្របសម្រួលគ្នាមិនចប់ទេ លោកនិងបញ្ជូនរឿងនេះទៅ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ រងចាំការដោះស្រាយនៅពេលខាងមុខចុះ,,,!!!។
សូមបញ្ជាក់ផងដែរថា៖ ដីផ្លូវសាធារណ:ដែលកំពុងមានរឿងក្តីក្តាំងតវ៉ាគ្នាខាងលើ ស្ថិតនៅខាងក្រោយសាលាក្រុងប៉ោយប៉ែត ចាប់ពីអាគារមណ្ឌលអ៊ីញាញ់ចាស់ មកដក់ផ្លូវសាលារៀន ដែលមានប្រវែងជាង ៣០ ម៉ែត្រ ដែលមានពលរដ្ឋចំនួន ០៩ គ្រួសារ កំពុងផ្ទុះការតវ៉ា និងអះអាងថាជាដីផ្លូវរដ្ឋចាស់,តែលោកផ្កាយ១ អ៊ុំ សុផល វិញ អះអាងថាជាដីរបស់លោក ទើបលោកធ្វើរបងសង់ពីឥដ្ឋបិតផ្លូវនោះ។
ក្រោយពីមានប្រជាពលរដ្ឋចំនួន ០៩ គ្រួសារ នាំគ្នាដាក់ពាក្យបណ្តឹង និង តវ៉ា ជាច្រើនលើក និងស្នើសុំឱ្យអាជ្ញាធរក្រុងប៉ោយប៉ែត ជួយអន្តរាគមន៍រកដំណោះស្រាយជូនពួកគាត់វិញ, តែបែលោកផ្កាយ១ អ៊ុំ សុផល ស្នងការរងខេត្តបន្ទាយមានជ័យ នៅតែបន្តអោយជាងដាក់លូ និងធ្វើរបងឥដ្ឋបន្តបិតផ្លូវនោះដដែលនាពេលថ្មីៗនេះ នេះតាមការជាក់ស្ដែង។
មហាជនទូទាំងក្រុងប៉ោយប៉ែត កុំពុងរងចាំមើលថាតើ ម្ខាងថាជាដីកម្មសិទ្ធរបស់ខ្លួន ម្ខាងទៀតថាជាដីផ្លូវសាធារណៈ អ្នកណាទៅណ៎! ដែលជាអ្នកនិយាយកាពិតទៅ? ខណៈភាគីទាំងសងខាង បានអះអាងយកច្បាស់លាស់រាងៗខ្លួន! តែអ្វីដែលប្រជាពលរដ្ឋ សំអាងដោយសារប្លង់ពួកគាត់ និងប្លង់របស់លោក អ៊ុំ សុផល មិនស៊ីគ្នាសោះ.???។
ដោយឡែកក៏មានមតិជាច្រើនថា ទីតាំងនៅក្រោយសាលាក្រុងប៉ោយប៉ែត ដីម្ដុំនោះ កាលពី ៣០ ឆ្នាំមុន គឺជាដីស្រះរបស់រដ្ឋ។ តែបច្ចុប្បន្ន មិនដឹងនៅជាដីរដ្ឋឬយ៉ាងណាទេ? មានតែរងចាំមើល ឯកឧត្តម អ៊ុំ រាត្រី បើកវាំងននខ្មៅ អោយប្រជាពលរដ្ឋ ក៏ដូចជាមហាជនទូទៅ អស់មន្ទិលសង្ស័យចុះ.???៕
ដោយ៖ គេហទំព័រ ប៉ោយប៉ែតប៉ុស្តិ៍
www.poipetpostnews.com
