អ្នកអង្គម្ចាស់ ស៊ីសុវត្ថិ សិទ្ធិដែន យាងចុះសាកសួរសុខទុក្ខ ប្រជានុរាស្ត្រ នៅស្រុកសូត្រនិគម ខេត្តសៀមរាប...
ខេត្តសៀមរាប៖ នៅថ្ងៃទី១០ ខែមេសា ឆ្នាំ២០២១ ដោយមើលឃើញពីទុក្ខលំបាករបស់ប្រជានុរាស្ត្រដែលកំពុងប្រឈោមនឹងបញ្ហាជីវភាពរស់នៅប្រចាំថ្ងៃ អ្នកអង្គម្ចាស់ ស៊ីសុវត្ថិ សិទ្ធិដែន ព្រមទាំងក្រុមការងារ រួមគ្នាជាមួយលោកអភិបាលស្រុកសូត្រនិគម បានរៀបចំនូវអំណោយដើម្បីចូលរួមរំលែកទុក្ខលំបាករបស់ប្រជារាស្រ្ត ចំនួន ៥០ គ្រួសារដែលអញ្ជើញមកពីឃុំចំនួន៥ក្នុងស្រុកសូត្រនិគម។
ក្នុងនោះផងដែរ មួយគ្រួសារនិមួយៗទទួលបានអង្ករ២០គីឡូក្រាម,ត្រីខ១យួរ,មីកញ្ចប់១កេះ,ទឹកត្រី១យួរ,ប៊ីចេង,ស្ករសរ,សារ៉ុង,ក្រម៉ា,ម៉ាស់,ទឹកអាកុល,រួមនិងថវិការមួយចំនួន។
ព្រះអំណោយដ៏ថ្លៃថ្លានាពេលនេះ សរបញ្ជាក់អោយឃើញនូវព្រះទ័យទុកដាក់របស់អ្នកអង្គម្ចាស់ មានចំពោះប្រជារាស្ត្រ ជាពិសេស ប្រជានុរាស្ត្ររស់នៅតាមទីជនបទដែលកំពុងជួបការលំបាកនូវជីវភាពខ្វះខាតដោយសារវិបត្តិសេដ្ឋកិច្ច ដែលបណ្តាលមកពីជម្ងឺររាតត្បាតជាសកល កូវីដ-១៩។ នាពេលនេះដែរ អ្នកអង្គម្ចាស់ ស៊ីសុវត្ថិ សិទ្ធិដែន បានមានបន្ទូលផ្តាំផ្ញើ សូមអោយប្រជាពលរដ្ឋរក្សាអនាម័យ ពាក់ម៉ាស់ លាងសម្អាតដៃនឹងសាប៊ូ ឬទឹកអាកុល អោយបានញឹកញាប់ដើម្បីការពារកុំអោយឆ្លងជំងឺរកូវីដ-១៩ ក្នុងសហគមន៍ ដោយអនុវត្តតាមការណែនាំរបស់រាជរដ្ឋាភិបាល (៣កុំ.៣ការពារ) ចូលរួមប្រយុទ្ធប្រឆាំងជំងឺកូវីដ-១៩ ទាំងអស់គ្នា។
ឆ្លៀតក្នុងឱកាសដ៏ថ្លៃថ្លានាពេលននោះ អ្នកអង្គម្ចាស់ ស៊ីសុវត្ថិ សិទ្ធិដែន មានព្រះទ័យសោមនស្សរីករាយក្រៃលែងចំពោះសកម្មភាពដែលប្រកបដោយទឹកចិត្តមនុស្សធម៌ចូលរួមក្នុងការចែករំលែក នូវទុក្ខលំបាករបស់ប្រជានុរាស្ត្រហើយអ្នកអង្គម្ចាស់ក៏បានថ្លែងអំណរអរគុណយ៉ាងជ្រៀលជ្រៅបំផុតដល់លោកអភិបាលស្រុក និងមន្ត្រីរាជការអាជ្ញាធរមូលដ្ឋានទាំងអស់ ដែលតែងតែយកចិត្តទុកដាក់ខិតខំប្រឹងប្រែងអស់ពីកំលាំងកាយចិត្ត ដើម្បីឧត្តមប្រយោជន៍របស់ប្រជារាស្ត្រ ជាពិសេសសូមថ្លែងអំណរអរគុណចំពោះក្រុមការងារសប្បុរសធម៌ ដឹកនាំដោយលោក លី រដ្ឋា និងភរិយា ដែលតែងតែចូលរួមចែករំលែកធនធានដល់បងប្អូនប្រជានុរាស្ត្រខ្មែរ ដែលក្រីក្រ និងបាននាំព្រះរាជបន្ទូលសាកសួរសុខទុក្ខដោយក្តីនឹករលឹកពីសំណាក់ ព្រះករុណា ព្រះបាទសម្តេច ព្រះនរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេច ព្រះនរោត្ដម មុនីនាថ សីហនុ សម្តេចព្រះវររាជមាតាជាតិខ្មែរ ដល់ព្រះជានុរាស្ត្រ ដែលជាកូនជាចៅ របស់ព្រះអង្គ ដែលជានិច្ចកាលព្រះអង្គទាំងទ្វេរតែងតែយកព្រះរាជហឬទ័យទុកដាក់ចំពោះកូនចៅរបស់ព្រះអង្គគ្រប់ទីកន្លែងនៅទូទាំងប្រទេស។
ប្រជានុរាស្ត្រទាំងអស់ ក៏ដូចជាលោកអភិបាលស្រុក និងមន្ត្រីរាជការអាជ្ញាធរមូលដ្ឋានបានក្រាបថ្វាយបង្គំដោយទឹកចិត្តត្រេកអរសប្បាយរីករាយ ចំពោះអ្នកអង្គម្ចាស់យកព្រះទ័យទុកដាក់លើប្រជារាស្ត្រដែលលំបាកទីទាល់ក្រព្រមទាំងបានសូមបួងសួងដល់វត្ថុសក្តិសិទ្ធិក្នុងលោក សូនតាមបីបាច់ឃុំគ្រងថែរក្សា សូមអោយអ្នកអង្គម្ចាស់មានព្រះសុខភាពល្អបរិបូរណ៍ កម្លាំងពលាំងមាំមួន ព្រះជន្មាយុយឺនយូរ កុំបីឃ្លៀងឃ្លាតឡើយ៕
ពីខ្ញុំ ជួង វណ្ណអាង ចាងហ្វាងការផ្សាយ
គេហទំព័រ ប៉ោយប៉ែត ប៉ុស្តិ៍
www.poipetpostnews.com