នាយករដ្ឋមន្រ្តីអង់គ្លេស នឹងបើកកិច្ចប្រជុំសំខាន់ជាមួយប្រធាន FA និង PL ចំពោះបញ្ហាពានថ្មី Super League.!!!
ក្រុងឡុងដ៍៖ នាយករដ្ឋមន្ត្រីអង់គ្លេស Boris Johnson នឹងធ្វើការបើកកិច្ចប្រជុំដ៏សំខាន់មួយ ជាមួយប្រធានសហព័ន្ធបាល់ទាត់អង់គ្លេស FA (Football Association) រួមជាមួយ Premier League និងតំណាងអ្នកគាំទ្រក្នុងការពិភាក្សាចំពោះបញ្ហានៃការបង្កើតពានថ្មីមួយទៀតប្រចាំទ្វីបអឺរ៉ុប ដែលមានឈ្មោះថា European Super League ដែលមាន ៦ក្រុមធំៗលេងក្នុងលីគបច្ចុប្បន្នបានព្រមព្រៀងចូលរួមហើយនោះ។
ក្រុមទាំង ១២ ដែលបានប្រកាសជំហរថានឹងចូលរួមហើយនោះ បានកំពុងតែប្រឈមមុខនឹងប្រតិកម្មយ៉ាងខ្លាំងសម្រាប់ការចូលរួមពាន European Super League ដោយលីគថ្មីនេះ ក៏មានក្លិបអេស្ប៉ាញ Real Madrid ដែលស្ថិតក្រោមគ្រប់គ្រងរបស់លោក Florentino Perez ប្រធានស្ថានិកដោយមិនមានការគាំទ្រពីមហាជនឡើយ។
មានផលប៉ះពាល់ជាច្រើន ដែលអាចឈានទៅរកភាពអយុត្តិធម៌មួយសម្រាប់បាល់ទាត់ ខណៈលោក Perez បានលើកឡើងថា «ការបង្កើតពានរង្វាន់ថ្មីនេះ ជាការជួយវិស័យបាល់ទាត់ទៅវិញទេ»។ នេះយោងតាមការដកស្រង់ចេញផ្សាយដោយ BBC នៅថ្ងៃអង្គារ ទី២០ ខែមេសា ឆ្នាំ២០២១។
ក្លិបធំៗទាំង ៦ ដែលលេងនៅលីគកំពូលអង់គ្លេស Premier League មានដូចជា Arsenal, Manchester United, Manchester City, Liverpool, Chelsea, Tottenham Hotspur បានប្រកាលចូលរួមរួចរាល់ហើយ ខណៈមានក្លិប ៦ ផ្សេងទៀតដូចជា Atletico Madrid, Real Madrid និង Barcelona របស់អេស្ប៉ាញ និងក្លិប AC Milan, Juventus និង Inter Milan ក៏បានបង្ហាញការចូលរួមដូចៗគ្នាដែរ បើទោះបីជាមិនមានការគាំទ្រពីសំណាក់មហាជនជាច្រើន រួមទាំងស្ថាប័ន UEFA និង FIFA បានប្រកាសមិនទទួលស្គាល់ក៏ដោយ៕
ដោយ: គេហទំព័រ ប៉ោយប៉ែត ប៉ុស្តិ៍
www.poipetpostnews.com
