ខេត្តបន្ទាយមានជ័យ៖ ក្រុងប៉ោយប៉ែត នៅព្រឹកថ្ងៃទី២១ ខែមេសា ឆ្នាំ២០២១នេះ ឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ ទទួលបន្ទុកដោះស្រាយវិវាទដីធ្លី បានដឹកនាំស្ថាប័នពាក់ព័ន្ធចម្រុះ ចុះវាស់វែង និងដោះស្រាយទំនាស់ដីធ្លី រវាងពលរដ្ឋជាច្រើនគ្រួសារ និង លោក ហង្ស ម៉ៅ ដោយពលរដ្ឋបានចោទប្រកាន់ថា លោក ហង្ស ម៉ៅ បានរំលោភយកដីរបស់ពួកគាត់ និង កាយផ្តាច់ផ្លូវសាធារណ:មួយកន្លែង យកធ្វើជាកម្មសិទ្ធិរបស់ខ្លួន កាលពីពេលថ្មីៗនេះ បន្ទាប់ពីក្រុមអ្នកសារព័ត៌មានជាច្រើនអង្គភាពបានធ្វើការចុះផ្សាយ។ សូមបញ្ជាក់ថា៖ ការចុះវាស់វែង និង ដោះ ស្រាយបញ្ហានេះ បានធ្វើឡើងបន្ទាប់ពី មានការស្នើសុំរបស់ប្រជាពលរដ្ឋ កាលពីថ្ងៃទី១៧ ខែមីនា ឆ្នាំ២០២១ ធ្វើលិខិតគោរពចូល ឯកឧត្តមអភិបាលនៃគណៈអភិបាលខេត្តបន្ទាយមានជ័យ សំណើស្នើសុំ ឯកឧត្តមអភិបាល បង្កើតគណៈកម្មការចុះពិនិត្យ និង វាស់វែង ប័ណ្ណសំគាល់សិទ្ធិ កាន់កាប់អចលនវត្ថុលេខ បជ០០៤៦១៨,បជ ០០៤៦១៩,បជ ០០៤៦២១,បជ ០០៤៦២២,បជ ០០៤៦២៤,បជ ០០៤២៦,បជ ០០៤២៧,បជ ០០៤២៨,បជ ចុះថ្ងៃទី២២ ខែកក្កដា ឆ្នាំ២០០៣ របស់មន្ទីររៀបចំដែនដីនគររូបនីយកម្ម សំណង់ និងសូរិយោដីខេត្តបន្ទាយមានជ័យ ដែលស្ថិតចំណុចអូរស្វារអិល ក្នុងភូមិសូរិយា សង្កាត់និមិត្ត និងភូមិអូរឬស្សី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ដោយលោក ហង្ស ម៉ៅ បានកាយផ្តាច់ផ្លូវសាធារណៈ នកងរំលោភបំពានមកលើដីកម្មសិទ្ធរបស់ពួកគាត់ជាច្រើនគ្រួសារ។ បន្ទាប់ពីឯកឧត្តម ង៉ោ ម៉េងជ្រួន ដឹកនាំមន្រ្តីក្រោមឱវាទ ធ្វើការវាស់វែងតាំងពីព្រឹករហូតដល់ម៉ោង១១ថ្ងៃត្រង់ គេសង្កេតឃើញថា ខាងភាគីលោក ហង្ស ម៉ៅ បានយល់ព្រមអោយបើកផ្លូវឡើងវិញហើយ ដោយបានអះអាងថា បើដីគាត់បានធ្វើចូលផ្លូវប៉ុន្មានម៉ែត្រ គឺគាត់យល់ព្រមប្រគល់អោយគ្រប់ចំនួនវិញទាំងអស់។ ក្នុងនោះផងដែរ ឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ បានមានប្រសាសន៍អោយដឹងថា៖ បន្ទាប់ពីធ្វើការវាស់វែងចេញលទ្ធផលល្អប្រសើដោយមានវត្ថមាន លោក ហង្ស ម៉ៅ បានយល់ព្រមបើកផ្លូវ គឺឯកឧត្តម ឧបនាយករដ្ឋមន្ត្រី កែ គឹមយ៉ាន អាជ្ញាធរជាតិ ប្រយុទ្ធប្រឆាំងគ្រឿងញៀន និងជាអាជ្ញាធរចុះជួយខេត្តបន្ទាយមានជ័យ បានឧបត្ថម្ភ កសាងផ្លូវមួយខ្សែនេះ ជាបេតុង ប្រវែង (៥០០ម៉ែត្រ) សំរាប់ផ្តល់ភាពងាយស្រួល ដល់ប្រជាពលរដ្ឋ ជាពិសេសសំរាប់ កម្មករ កម្មការនី ធ្វើដំណើរទៅធ្វើការនៅរោងចក្រអូរនាងផងដែរ។ ឯកឧត្តម ង៉ោ ម៉េងជ្រួន បានបន្តថា៖ដោយឡែកចំពោះបញ្ហាដែលពលរដ្ឋចោទថា លោក ហង្ស ម៉ៅ រំលោភយកដីពួកគាត់គឺទុកសិន រង់ចាំប្រមូលឯកសារ និង ផ្ទៀងផ្ទាត់រួចសិន លុះដឹងលទ្ធផល ទើបដោះស្រាយបន្ត៕ ដោយ: គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ជាង៥០០០គ្រួសារ ក្នុងករណីរឿងរ៉ាវវិវាទដីធ្លីត្រូវបានឯកឧត្តមបណ្ឌិត ប៉ាន់ខែម ប៊ុនថន រកដំណោះស្រាយជូនបងប្អូនប្រជាពលរដ្ឋ្ក្ក្កតាមបែបឈ្នះឈ្នះ ហើយបច្ចុប្បន្នសិល្បៈនៃការដោះស្រាយបែបនេះនៅតែជាតម្រូវការចាំបាច់សម្រាប់ប្រជាពលរដ្ឋ.!!! (គេហទំព័រ ប៉ោយប៉ែត ប៉ុស្តិ៍)
កិច្ចប្រជុំការងារក្រុងប៉ោយប៉ែត នៃក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ក្រោមអធិបតីភាពឯកឧត្តម ឌិត ទីណា ប្រធានក្រុមការងារ រាជរដ្ឋាភិបាលចុះមូលដ្ឋាន ខេត្តបន្ទាយមានជ័យ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា ៖ ប្រតិបត្តិការប្រឆាំងឧក្រិដ្ឋកម្មតាមប្រព័ន្ធអ៊ីនធឺណេតរបស់កម្ពុជា មានតម្លៃជាសាកល (គេហទំព័រ ប៉ោយប៉ែត ប៉ុស្តិ៍)
លោកវរៈសេនីយ៍ ឈឿន ប៊ុនថា អធិការរងនគរបាលផ្នែកចរាចរណ៍ក្រុងប៉ោយប៉ែត បានដឹកនាំកម្លាំងចុះអន្តរាគមន៍ និងសម្រួលចរាចរណ៍ បន្ទាប់ពីមានករណីគ្រោះថ្នាក់ចរាចរណ៍បុកបន្តកន្ទុយគ្នានៅម្តុំដើមពោធិ៍លោកយាយម៉ៅ លើផ្លូវជាតិលេខ៥.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញដឹកនាំកិច្ចប្រជុំពិនិត្យនិងពិភាក្សាលើសេចក្ដីព្រាងអនុក្រឹត្យស្ដីពីបង្កើតក្រុមប្រឹក្សាកីឡាក្រសួងមហាផ្ទៃ! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា