ក្រុងប៉ោយប៉ែត៖ ថ្ងៃអាទិត្យ ១៤កើត ខែពិសាខ ឆ្នាំឆ្លូវ ត្រីស័ក ពស ២៥៦៤ ត្រូវនឹងថ្ងៃទី២៥ ខែមេសា ឆ្នាំ២០២១ នេះ លោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញបន្តចុះពិនិត្យយ៉ាងយកចិត្តទុកដាក់លើផ្លូវដែលបានបិទខ្ទប់ការចេញ-ចូល នៅក្រុងប៉ោយប៉ែត។ ការចុះពិនិត្យនេះ ដឹកនាំដោយឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងជាប្រធានគណៈបញ្ជាការឯកភាពខេត្តនិងចូលរួមពី កម្លាំងចម្រុះ និងមន្ត្រីមន្ទីរជំនាញដែលកំពុងខិតខំបិទខ្ទប់ការចេញ-ចូល យ៉ាងម៉ត់ចត់ ដែលសហការជាមួយកម្លាំងទាំង ៣.ប្រភេទ និង មន្ត្រីជំនាញ ដោយអនុវត្តតាមសេចក្តីសម្រេចលេខ (១០៩ សសរ) របស់រដ្ឋបាលខេត្ត ស្តីពីការបិទខ្ទប់ការធ្វើដំណើរចេញចូលជាបណ្តោះអាសន្នលើទីតាំងមួយចំនួនក្នុងក្រុងប៉ោយប៉ែត ចាប់ពីចំណុចផ្លូវខាងកើតវត្តស្ទឹងបត់ ភូមិស្ទឹងបត់ សង្កាត់ផ្សារកណ្តាល ឡើងមកផ្លូវជាតិលេខ៥ បន្តទៅផ្លូវជាតិលេខ៥៨ ឆ្ពោះទៅផ្លូវ៥០ម៉ែត្រ ស្ថិតនៅភូមិព្រៃគប់ សង្កាត់ផ្សារកណ្តាល ក្រុងប៉ោយប៉ែត រហូតដល់ព្រំដែនកម្ពុជា-ថៃ រយៈពេល១៤ថ្ងៃ ដោយគិតចាប់ពីវេលាម៉ោងសូន្យនៃថ្ងៃទី២៥ ខែមេសា ឆ្នាំ ២០២១ រហូតថ្ងៃទី០៩ ខែឧសភា ឆ្នាំ២០២១ ក្នុងគោលបំណងធានាដល់ប្រសិទ្ឋភាពនៃការគ្រប់គ្រងការឆ្លងរាលដាលនៃជម្ងឺកូវីដ-១៩ ក្នុងភូមិសាស្ត្រដែលត្រូវបិទខ្ទប់ និងទប់ស្កាត់ជម្ងឺនេះមិនអោយឆ្លងរីករាលដាលទៅកាន់តំបន់ផ្សេងទៀត ។ ក្នុងនោះដែរ ឯកឧត្តម អភិបាលខេត្ត ក៏បាន ឧបត្ថម្ភ ថវិកា ដល់កងកម្លាំង ដែលចុះបំពេញបេសកកម្ម និងឈរជើងនៅទីនោះ ទាំងថ្ងៃ ទាំងយប់ សម្រាប់លើកទឹកចិត្ត ផងដែរ។ សូមបងប្អូនប្រជាពលរដ្ឋ សុំការយោគយល់ ចំពោះករណី បិទការធ្វើចរាចរណ៍ ចេញ-ចូល ក្នុងភូមិសាស្ត្រ ក្រុងប៉ោយប៉ែត នេះ ព្រោះការធ្វើឡើងនេះ គឺ ជាការទប់ស្កាត់ ការរីករាលដាល នៃជំងឺឆ្លងកូវីដ-១៩ ដើម្បី ការពារ បងប្អូនប្រជាពលរដ្ឋ សង្គមជាតិ និងសូមចូលរួមអនុត្តវិធានការ (៣កុំ.៣ការពារ)អោយបានខ្ជាប់ខ្ជួន៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា