(មានវីដេអូ) ខ្ទេចខ្ទីអស់ហើយ.! តូបអាជីវករលក់ដូរនៅក្នុងបរិវេណកាស៊ីណូ បង្កឡើងដោយភ្លៀងកក់ខែលាយឡំខ្យល់កន្ត្រាក់ នៅក្រុងប៉ោយប៉ែត.!!!
ក្រុងប៉ោយប៉ែត៖ ភ្លៀងកក់ខែមួយមេធំ លាយឡំនិងខ្យល់កន្រ្តាក់ បណ្តាលអោយ តូបអាជីវករ លក់ដូរនៅក្បែរផ្សារប៉ារ៉ាមិច ( PARA MAX ) ទល់មុខផ្សាររាត្រី បាញ់ទឹក និង ផ្សារដើមស្រល់ ដួលរលំតូបខ្ទេចខ្ទីទំនិញពួកគាត់អស់ស្ទើរទាំងស្រុង និងបង្កអោយបងប្អូនអាជីវករ រងរបួសធ្ងន់ស្រាលជាច្រើននាក់ តែមិនបណ្តាលអោយមានមនុស្សស្លាប់នោះទេ។
ដែលហេតុបាតុភូតគ្រោះធម្មជាតិនេះ កើតឡើងនៅវេលាម៉ោង ៤ ល្ងាច ថ្ងៃអាទិត្យ ៧រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹង ថ្ងៃទី០៤ ខែមេសា ឆ្នាំ២០២១ ម្សិលមិញនេះ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
បន្ទាប់ពីភ្លៀងរាំង ឯកឧត្តម ង៉ោ ម៉េងជ្រួន អភិបាលរងនៃគណអភិបាលខេត្តបន្ទាយមានជ័យ បានទទួលព័ត៌មានពីប្រជាពលរដ្ឋ ភ្លាមៗនោះ ឯកឧត្តម បានដឹកនាំកម្លាំង សាលារដ្ឋបាលក្រុងប៉ោយប៉ែត លោក គាត ហ៊ុល អភិបាលក្រុងប៉ោយប៉ែត អមដំណើរដោយលោក ភោគ លន ចៅសង្កាត់ប៉ោយប៉ែត បានចុះពិនិត្យដល់ទីតាំងដែលរងគ្រោះដោយសារឥទ្ធិពលភ្លៀងធំលាយឡំខ្យល់កន្រ្តាក់ដែលបានបោកបាក់តូបក្នុងផ្សារស្ទើររាបស្មើដី។
សូមបញ្ជាក់ថា៖ បាតុភូតគ្រោះធម្មជាតិ "ភ្លៀងធ្លាក់មួយមេធំ លាយឡំនងខ្យល់កន្រ្តាក់ បណ្ដាលអោយបាក់រោង និង តូប ផ្សារ នាល្ងាចនេះ បានបណ្តាលអោយមនុស្សចំនួន ៥ នាក់ រងរបួសធ្ងន់ស្រាល តែមិនបណ្តាលអោយមាននរណាបាត់បង់ជីវិតនោះទេ៕
ដោយ: លោក ភូ សោភ័ណ ប្រធានរដ្ឋបាល
គេហទំព័រ ប៉ោយប៉ែត ប៉ុស្តិ៍
www.poipetpostnews.com
