ក្រុងប៉ោយប៉ែត៖ នៅព្រឹក ថ្ងៃចន្ទ ៨ រោច ខែចេត្រ ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី៥ ខែមេសា ឆ្នាំ២០២១ នេះ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និង លោក គាត ហ៊ុល អភិបាលក្រុងប៉ោយប៉ែតអមដំណើរដោយ លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធអហ្ថក្រុង • លោកវរសេនីយ៍ទោ បោន សីហា អធិការស្ដីទី ក្រុងប៉ោយប៉ែត • លោក វ៉ា ជឹមណារ៉េត ចៅសង្កាត់រង រួមនិងវត្តមានមន្ត្រីពាក់ព័ន្ធជាច្រើនរូប បានអញ្ជើញចុះពិនិត្យមើលតាមខ្នងផ្ទះរបស់បងប្អូនប្រជាពលរដ្ឋដែរទទួលរងគ្រោះដោសារភ្លៀងខ្យល់កន្ត្រាក់ នៅភូមិក្បាលស្ពាន១ និងភូមិសាមគ្គីមានជ័យ ក្នុងសង្កាត់ប៉ោយប៉ែត ក្រុងប៉ោយប៉ែត និងផ្សារពីរកន្លែង ក្នុងភូមិក្បាលស្ពាន១ ដែលរងផលខូចខាតដួលរាបដល់ដី។ ឯកឧត្តម អ៊ុំ រាត្រី អភិបាលនៃគណៈអភិបាល ខេត្តបន្ទាយមានជ័យ បានអោយភ្នាក់ងារយើងដឹងដែលថា៖ ក្នុងនាមលោកជាថ្នាក់ដឹកនាំខេត្ត រួមនិងអាជ្ញាធរក្រុងប៉ោយប៉ែត ចុះរៀបចំដោះស្រាយបន្ទាន់នៅថ្ងៃនេះ គឺជួសជុលផ្ទះដែលរងការខូចខាត ជូនដល់ប្រជាពលរដ្ឋអោយបានរស់នៅសមរម្យវិញ។ ឯកឧត្តម អ៊ុំ រាត្រី អភិបាលនៃគណៈអភិបាល ខេត្តបន្ទាយមានជ័យ និង លោក គាត ហ៊ុល អភិបាលក្រុងប៉ោយប៉ែត បានអោយដឹងថា៖ ការផ្តល់សង្ក័សី ជូនកងកម្លាំងទាំង៣មាន៖កម្លាំងយោធា.កម្លាំងនគរបាល.កម្លាំកងរាជអាវុធហត្ថ.កម្លាំងប្រជាការពារ.ដើម្បីរៀបចំជួសជុល ផ្ទះដែលរងខូចខាតធ្ងន់ស្រាល ដោយសារខ្យល់កន្ត្រាក់មានចំនួន ១៩ ខ្នង ចំណាយអស់សង្ក័សី ចំនួន ២១៧ សន្លឹក និងឈើមួយចំនួនធំ។ ឯកឧត្តម អ៊ុំ រាត្រី បន្តថា៖ ដោយឡែកផ្សារ ពីរកន្លែងក្នុងបរិវេណកាស៊ីណូ ដែលដួលរលំ និងបង្កអោយរងផលប៉ះពាល់ ដល់បងប្អូនអាជីវករដែលក់ដូរ គឺខាងម្ចាស់ក្រុមហ៊ុនទាំង២ បាននឹងកំពុងជួសជុលរៀបចំអោយបានរឹងមាំឡើងវិញផងដែរ៕ ដោយ: លោក ធូ លំអង អ្នកយកព័ត៌មាន គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា