ខេត្តបន្ទាយមានជ័យ៖ តើពិតដែរទេ.! លោកអនុសេនីយ៍ទោ ឡោ លឹមហាក់ អាងខ្លួនជានាយរងផ្នែកគ្រឿងញៀននៅអធិការដ្ឋាននគរបាលស្រុកអូរជ្រៅ បើករថយន្ត ថយចេញ បំបុក រថយន្តពលរដ្ឋម្នាក់ ដែលកំពុងឈប់ចតលើជញ្ចើមផ្លូវជាតិលេខ៥ ទុលមុខហាង (សុជាតា ក្បែរ ធនាគារ ABA ក្រុងប៉ោយប៉ែត) កាលពីថ្ងៃទី២២ ខែឧសភា ២០២១ វេលាម៉ោង១៩.៣៩ នាទី យប់។ បើយោងប្រភពពីស្ត្រីជនរងគ្រោះ បានអោយសារព័ត៌មានយើងដឹងថា៖ (មិនត្រឹមតែ ថយរថយន្ត បុក រថយន្តគាត់មួយដងទេ គឺថយបុក ដល់ទៅពីដង) ហើយថ្ថែមទាំងនាំគ្នាចុះមក សំឡុតគំរាមគំហែង រកដកសោឡានពីថែមទៀតផង រួចហើយមិនខ្ចីសម្រួល ក៏បើករថយន្ដទៅធ្វើព្រងើយ ដោយមិនដោះស្រាយ ចេញថ្លៃខូចខាតរថយន្តគាត់នោះទេ។ បើយោងប្រភពពីសន្តិសុខ ABA ម្នាក់ សុំមិនបញ្ចេញឈ្មោះ នៅកន្លែងកើតហេតុបានអោយដឹងថា៖ ប៉ូលីសនោះ បើករថយន្តម៉ាកបាឡែន ពណ៌ខ្មៅ ពាក់ស្លាកលេខ (នគរបាល 7579) ក្រោយកើតហេតុការហើយ ថែមទាំងគំរាមគំហែងភាគីម្ខាងទៀត ហើយបើករថយន្តទៅបាត់ស្រម៉ោល។ ដោយឡែកៈ បើយោងប្រភពផ្សេងគ្នាបានអោយដឹងថា៖ ប៉ូលីសម្នាក់នោះ មានតួនាទីជានាយរងផ្នែកគ្រឿងញៀន ប្រចាំការនៅអធិការដ្ឋាននគរបាលស្រុកអូរជ្រៅ ឈ្មោះ ឡោ លឹមហាក់ មានឋានៈ ស័ក្ត២។ បើទោះបីជាមានប្រភពបានអោយសារព័ត៌មានយើងខ្ញុំដឹងនៅ អត្តសញ្ញាណ រឺឈ្មោះ និងអង្គភាព ពិត រឺ មិនពិត ក្តី សារព័ត៌មានយើងខ្ញុំរងចាំបកស្រាយបំភ្លឺឡើងវិញរ ពីសាម៉ីខ្លួនដែលពាក់ព័ន្ធ ក្នុងរឿងខាងលើនេះ រៀងរាល់ម៉ោងធ្វើការ។ ជុំវិញករណីខាងលើ ប្រជាពលរដ្ឋគ្រប់មជ្ឈដ្ឋាន សង្ឃឹមថា៖ លោកឧត្តមសេនីយ៍ទោ សិទ្ធិ ឡោះ ស្នងការខេត្តបន្ទាយមានជ័យ និងមានចំណាត់ការ ដាក់ការស៊ើបអង្កេត អោយបានស៊ីជម្រៅក្នុងរឿង ប៉ូលីស ស្រុកអូរជ្រៅម្នាក់ ដែលបើករថយន្ត ថយក្រោយ ទៅបុក រថយន្ត ពលរដ្ឋម្នាក់ កំពុងចតឈប់ ផងបាទ ដើម្បីរកយុត្តិធម៌ ជូនដល់ជនរងគ្រោះ។ ប្រជាពលរដ្ឋគ្រប់មជ្ឈដ្ឋាន សូមសំណូមពរ ទៅដល់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ សូមចាត់វិធានការក្តៅ ទៅលើមន្ត្រីនគរបាលម្នាក់ខាងលើ ដែលប្រព្រឹត្តខុសទៅនិងច្បាប់ និងសូមអោយផ្តន្ទាទោសតាមច្បាប់វិន័យ ដូចដែល មន្ត្រីនគរបាលជាតិ មុនៗ ប្រព្រឹត្តខុសកន្លងមកផងទាន៕ ដោយៈ គេហទំព័រ ប៉ោយប៉ែត ប៉ុស្តិ៍