ខេត្តកំពង់ធំ៖ បើយោងតាមការចុះផ្សាយព្រោងព្រាត ពីបណ្តាសារព័ត៌មានក្នុងស្រុកជាច្រើនអង្គភាព កាលពីថ្ងៃទី២៧ ខែឧសភា ឆ្នាំ២០២១ ពីរឿងអាស្រូវរបស់ លោក ស៊ូ សុវណ្ណ ប្រធានក្រុមប្រឹក្សាឃុំទំរីង ស្រុកសណ្តាន់ ថា៖ ល្បីឈ្មោះជាច្រើនឆ្នាំមកហើយ ដែលមហាជនស្គាល់ច្បាស់ថាលោក ជារត់ការ ឬ ហៅថា កាងរទេះក្របី ដែលដឹកឈើ ចេញពីចំណុចផ្លូវរងខ្នាយ និង ផ្លូវពោរោង។ ក្រុមអ្នកបររទេះក្របី ដែលដឹកឈើ បានប្រាប់អ្នកសារព័ត៌មានជាច្រើនអង្គភាពអោយដឹងថា៖ លោក ស៊ូ សុវណ្ណ ប្រធានក្រុមព្រឹក្សាឃុំទំរីង ស្រុកសណ្ដាន់ ខេត្តកំពង់ធំ ជាអ្នករត់ការ និង សម្របសម្រួលផ្លូវ យកលុយរត់ការ ក្នុងរទេះក្របី ១ គ្រឿ (ហាសិបមុឺនរៀល) ។ បើយោងប្រភពពីមហាជនគ្រប់មជ្ឈដ្ឋាន បាននិងកំពុងធ្វើការរិះគន់ទៅលើលោក ស៊ូ សុវណ្ណ ប្រធានក្រុមប្រឹក្សាឃុំទំរីង យ៉ាងចាស់ដៃថា៖ តើលោក សហការចូលរួមបំផ្លាញព្រៃឈើដល់កាលណាទើបបានឈប់? ជាពិសេសសព្វថ្ងៃនេះ បទល្មើសចម្រុះដែលដឹកចេញពីព្រៃឡង់ ជារៀងរាល់ថ្ងៃយប់ មិនដែលខាន ដឹកបានដោយរលូន ដោយមិនរំខានដល់មន្ត្រីគ្រាប់ល្ពៅស្ងោរមួយចំនួនតូច ធ្វើការបង្ក្រាបសោះ.!។ មហាជននិងអង្គការសង្គមស៊ីវិល សូមសំណូមពរទៅដល់ឯកឧត្តម សុខ លូ អភិបាលនៃគណៈអភិបាលខេត្តកំពង់ធំ និង ឯកឧត្តម ស្នងការខេត្ត សូមមេត្តាដាក់កម្លាំងចុះស៊ើបអង្កេត រឿងលោក ស៊ូ សុវណ្ណ ប្រធានក្រុមប្រឹក្សាឃុំទំរីង ម្នាក់នេះ ដែលកំពុងយកតួនាទីខ្លួន ទៅរត់ការកាង និង ចូលរួមយ៉ាងសកម្មជាមួយក្រុមមេឈ្មួញដែលកាប់បំផ្លាញព្រៃឡង់ អោយបានស៊ីជម្រៅផងចុះទាន។ ជុំវិញនៃការចុះផ្សាយ ក្នុងរឿងករណីខាងលើ បើសាម៉ីខ្លួន គិតថា៖ ការចុះផ្សាយនេះ មិនសុក្រិត ខុសឆ្គងដោយប្រការណាមួយមិនស្រប សារព័ត៌មានយើងខ្ញុំ រងចាំធ្វើការបកស្រាយបំភ្លឺឡើងវិញរៀងរាល់ម៉ោងធ្វើការ តាមរយៈលេខទូរស័ព្ទចំនួនពីរខ្សែ៖ Tell.092190098 / 0886606773៕ ដោយៈ គេហទំព័រ ប៉ោយប៉ែត ប៉ុស្តិ៍