ខេត្តព្រះវិហារ​៖ ថ្មីៗនេះ ប្រភពរាយការពីមន្ត្រីដែរអត់លិឌ នៅក្នុងខេត្តព្រះវិហារ បានអោយដឹងប្រាប់ថា៖ មេឈ្មួញរកស៊ីឈើ ឈ្មោះលោក គិន និង លោកស្រី ឡេង ធារ៉ា ម្ចាស់​ដេប៉ូ​ឈើ ដ៏​ដ៏ធំមួយមួយកន្លែង នៅក្នុងខេត្ត​ព្រះវិហារ កំពុងសម្រុកប្រមូលទិញឈើ ពី​ប្រជា​ពលរដ្ឋ នៅតាម​បណ្តាស្រុក​មួយចំនួនក្នុងខេត្តព្រះវិហា​រ​ និងដឹកលើឈើទាំងនោះលក់ចែកចាយបន្ត ដូចជាក្នុងខេត្ត និងទៅតាមបណ្តាខេត្តនានា។ ប្រភពបានបន្តអោយដឹងទៀតថា ប្រជាពលរដ្ឋ ដែល​លក់​ឈើ​អោយម្ចាស់ដេប៉ូឈើខាងលើនោះ គឺពួកគាត់​បាន​នាំគ្នាចូលទៅ​កាប់​ឈើនៅក្នុងតំបន់​អភិរក្ស ហើយ​មួយចំនួន​ទៀត ចូលទៅ​កាប់​នៅ​តំបន់​ព្រៃភ្នំ ក្នុងតំបន់ភូមិសាស្ត្រ ស្រុក​ជាំ​ក្សាន្ត និង​តំបន់​ព្រៃ​ឡង់ ដើម្បី​យក​មក​លក់​អោយដេប៉ូ លោក គិន និង លោកស្រី ឡេង​ ធារ៉ា ជារៀងរាល់ថ្ងៃផងដែរ។ មន្ត្រីតូចតាចដែរអត់លិឌ នៅ​ខេត្ត​ព្រះវិហារបានប្រាប់អោយដឹងទៀតថា៖ អាជ្ញាធរ និង មន្ត្រី​ជំនាញ​ពាក់ព័ន្ធ ក្នុងខេត្តព្រះវិហារ វិញហាក់បីដូចជា​ មើលពុំឃើញសោះ បញ្ហា​ការដឹកជញ្ជូន​ឈើ នៅក្នុងភូមិសាស្ត្រ របស់ខ្លួនគ្រប់គ្រង។ ដោយឡែក ប្រភពពីមជ្ឈដ្ឋាន បាន​បន្តថា បើ​ប្រជាពលរដ្ឋ រកស៊ី​ដឹក​តាម​គោយន្ត​កន្ត្រៃ បន្តិច​បន្តួច ដាក់​កម្លាំង តាម​ដេញចាប់ ធ្វើអោយពលរដ្ឋ ទឹកភ្នែក រ​ហេម រហាម ស្ទើរតែ​ចង់​ឈប់រកស៊ី​។​​ ប្រជាពលរដ្ឋ អ្នករកស៊ី​ដឹក​ជញ្ជូន​ឈើ តាម​គោយន្ត​កន្ត្រៃ បន្តិចបន្តួច សូមសំណូមពរ ទៅដល់លោកនាយសង្កាត់រដ្ឋបាលព្រៃឈើ លោក នាយខណ្ឌ​រដ្ឋបាល​ព្រៃឈើ លោក ប្រធានមន្ទីរ​កសិកម្ម រុក្ខា​ប្រមាញ់ និង​នេសាទ​ប្រចាំខេត្ត​ព្រះវិហារ និង លោកអភិបាលរងខេត្ត​ទទួលបន្ទុក បទល្មើស​ព្រៃ ឈើ ខេត្តព្រះវិហារ លោក វ៉េង សុខុន រដ្ឋមន្ត្រី ក្រសួង​កសិកម្ម រុក្ខា​ប្រ មាញ់​និង​នេសាទ​ និង លោក សាយ សំ​អាល់ រដ្ឋមន្ត្រីក្រសួង បរិស្ថាន សូមមេត្តា​ជួយចាត់វិធានការ ទៅលើ​ក្រុម​ឈ្មួញ ដឹកជញ្ជូន​ឈើ​ទាំងយប់ ទាំង​ថ្ងៃ​នេះ​ផង សូមកុំ​បណ្ដែតបណ្ដោយ អោយឈ្មួញ​ទាំងនោះ​ ធ្វើព្យុះផ្គធ្វើភ្លៀង តាតាមតែអំពើចិត្ត។ ឬ​មួយ​ក៏អស់លោលមន្ត្រីពាក់ព័ន្ធ​ទាំងនោះ បានទទួលលាភសក្ការៈ ពី​ម្ចាស់​ដេប៉ូ ឈើខាងលើ​នេះ​អស់ហើយ​ទេដឹង? បានជាពំឃើញ មានចំណាត់ការ បង្រា្កប។ ជុំវិញករណីខាងលើ សារព័ត៌មានយើងខ្ញុំ មិនអាច​សុំ​ការបំភ្លឺ​ពី​មន្ត្រីពាក់ព័ន្ធ​ទាំង​អស់បានទេ ជាពិសេស ឯកឧត្ដម ប្រាក់ សុវណ្ណ អភិបាលនៃគណអភិបាលខេត្តព្រះវិហារ ​ហើយអង្គភាពយើងខ្ញុំរងចាំការបកស្រាយពីមន្ត្រីជំនាញពាក់ព័ន្ធ ឡើងវិញ ចំពោះការរិះគន់ ករណី​ដឹកជញ្ជូន​ឈើ​ទាំង​យប់​ទាំង​ថ្ងៃ​នៅ​ខេត្ត ព្ព្រះវិហារនេះ នាពេលក្រោយ៕ ដោយ៖ លោក សួន ចំណាប់ គេហទំព័រ ប៉ោយប៉ែត ប៉ុស្តិ៍ www.poipetpostnews.com