ខេត្តត្បូងឃ្មុំ៖ គ្រោះថ្នាក់ចរាចរណ៍ដ៏រន្ធត់មួយបានឡើង រវាង រថយន្តហីលុចវីហ្គោ និង ម៉ូតូហុងដា បានបើកបុកគ្នាបណ្តាលអោយស្លាប់ពីរនាក់ និង រងរបួសធ្ងន់ម្នាក់ នៅលើផ្លូវកៅស៊ូត្រង់មាត់ទន្លេសិប្បនិមិត្ត ស្ថិតក្នុងភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ កាលពីល្ងាចថ្ងៃទី១៨ ខែមិថុនា ឆ្នាំ២០២១។ ប្រភពពីសមត្ថកិច្ចបានអោយដឹងថា៖ គ្រោះថ្នាក់ចរាចរណ៍នេះ ខាងភាគីម៉ូតូជិះគ្នា ០៣ នាក់ គឺជានារី តែមិនមានពាក់មួកសុវត្ថិភាពទេ។ ក្រុមនារីរងគ្រោះជិះម៉ូតូម៉ាកហុងដាឌ្រីម ពណ៌ខ្មៅ ពាក់ផ្លាកលេខ រតនគិរី 1B-0007 បើកបរដោយឈ្មោះ លាង ស្រីកាអាយុ ១៧ ឆ្នាំ (ស្លាប់) បានឌុបគ្នា២នាក់ ឈ្មោះ គាំង សំហ៊ាង អាយុ ១៨ ឆ្នាំ(ស្លាប់) និងឈ្មោះ វ៉ិត ស្រីពេជ្រ អាយុ១៦ឆ្នាំ (រងរបួសធ្ងន់) នាក់ទាំងបីរស់នៅភូមិផ្អាវ ឃុំទឹកជ្រៅ ស្រុកតំបែរ ខេត្តត្បូងឃ្មុំ។ ចំណែករថយន្ត ពាក់ផ្លាកលេខ ភ្នំពេញ 2AA-3538 អ្នកបើកបរមិនស្គាល់ឈ្មោះ និងអាសយដ្ឋានក្រោយកើតហេតុបានរត់គេចខ្លួនបាត់។ បច្ចុប្បន្នៈ វត្ថុតាងទាំង០២ ត្រូវបានសមត្ថកិច្ចយកទៅរក្សារទុកនៅអធិការរដ្ឋានស្រុក និងកំពុងស្រាវជ្រាវករណីនេះបន្ត ដើម្បីដោះស្រាយគ្នានៅពេលក្រោយ ចំណែកសពបានប្រគល់ជូន ក្រុមគ្រួសារ យកទៅធ្វើបុណ្យតាមប្រពៃណី៕ ដោយៈ លោក ព្រីង សំឡុត គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
មន្ត្រី បន្តផ្តល់អត្តសញ្ញាណប័ណ្ណ ជិត ១ម៉ឺនសន្លឹក និងសេវាអត្តសញ្ញាណកម្ម ជាង ២ម៉ឺនសេវាទៀត ជូនប្រជាពលរដ្ឋ (ប៉ោយប៉ែតប៉ុស្តិ៍)
លោក គាត ហ៊ុល អភិបាលក្រុងប៉ោយប៉ែតនាំយកអំណោយនិងថវិកាផ្ដល់ជូនស្ត្រីម្នាក់ដែលមានជំងឺប្រចាំកាយ ជាជំងដឹមហារីក សុដន់ (ប៉ោយប៉ែតប៉ុស្តិ៍)
លោកវរសេនីយ៍ទោ ទេព រដ្ឋា នាំថវិកាចំនួន ១,៥០០,០០០រៀល របស់លោកឧត្តមសេនីយ៍ទោស្នងការប្រគល់ជូនគ្រួសារសពលោក អនុសេនីយ៍ត្រី ហូ ឧត្តម មន្រ្តីប៉ុស្តិ៍នគរបាលទានកាំដែលបានទទួលមរណៈភាព (ប៉ោយប៉ែតប៉ុស្តិ៍)
ខ្ចីម៉ូតូជិះមួយភ្លេតយកទៅលក់ដើរលេងស៊ីចាយអស់ ត្រូវម្ចាស់ប្តឹងសមត្ថកិច្ចចាប់ខ្នោះ.!!! (ប៉ោយប៉ែតប៉ុស្តិ៍)
បុរសជនជាតិឥណ្ឌូនេស៊ីម្នាក់ប្រទះឃើញស្លាប់ក្នុងផ្ទះជួល សមត្ថកិច្ចសន្និដ្ឋានថា ដេកគាំងបេះដូងស្លាប់ នៅក្រុងប៉ោយប៉ែត (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា