ថ្ងៃពុធ ទី០៤ ខែសីហា ឆ្នាំ២០២១
លោកអគ្គនាយក ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ ( www.poipetpostnews.com ) whatsapp 092190098 / 0886606773 / Facebook ប៉ោយប៉ែតប៉ុស្តិ៍ / Page គេហទំព័រ ប៉ោយប៉ែតប៉ុស្តិ៍ / YouTube គេហទំព័រ ប៉ោយប៉ែតប៉ុស្តិ៍ / 📢 សេចក្តីជូនដំណឹងៈ គេហទំព័រ ប៉ោយប៉ែតប៉ុស្តិ៍ ត្រូវការជ្រើសរើសភ្នាក់ងារបន្ថែម ២៥ រាជធានី.ខេត្ត.ក្រុង.បើបងប្អូនមានចំណាប់អារម្មណ៍ សូមធ្វើការទំនាក់ទំនងមកការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092 190 098 - 088 66 06 773 ) ដែលមានទីតាំងស្នាក់ការ ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សូមអរគុណ៕
ពិតជាថ្លើមធំមែន.! សូមបីដីផ្នូរខ្មោច ក៏នាំគ្នាឈូសឆាយពុះជាដីឡូត៍លក់កើតដែរ.!!!
Tue,22 June 2021 (Time 02:40 PM)
ដោយ ៖ គេហទំព័រ ប៉ោយប៉ែត ប៉ុស្តិ៍ (ចំនួនអ្នកអាន: 84នាក់)


ខេត្តសៀមរាប៖ លោក ប្រាក់ វុទ្ធី ស្ថាបនិក របស់សមាគមសពគ្រីស្ទាន កំពុងដំណើរការដាក់ពាក្យបណ្តឹង និងស្នើសុំអោយអាជ្ញាធរស្រុក.ខេត្ត ជួយទប់ស្កាត់ការធ្វើលិខិតទិញលក់ដីផ្នូរខ្មោច ដែលកំពុងរងគ្រោះពីសំណាក់ក្រុមឈ្មួញមួយចំនួនតូចឃុបឃិតជាប្រព័ន្ធ។ ការទទូចសុំអោយអាជ្ញាធរជួយទប់ស្កាត់នេះធ្វើឡើងក្នុងកិច្ចសម្ភាសន៍មួយ នាព្រឹកថ្ងៃទី២១ ខែមិថុនា ឆ្នាំ២០២១ នៅក្រុងសៀមរាប បន្ទាប់ពីក្រុមឈ្មួញដីឡូត៍បានឃុបឃិតគ្នាទិញលក់ដីកប់សព ឬ ផ្នូរខ្មោច គ្រីស្ទាន។ លោក ប្រាក់ វុទ្ធី ស្ថាបនិក របស់សមាគមសពគ្រីស្ទាន និងជាប្រធានសមាគមគ្រូគង្វាលប្រចាំខេត្តសៀមរាប បានផ្តល់បទសម្ភាសន៍ថា ដីផ្នូរខ្មោច ឬ កប់ខ្មោច ដែលត្រូវបានគេឃុបឃិតគ្នាទិញលក់ ឈូសឆាយបោះបង្គោលធ្វើជាដីឡូតិ៍លក់ ស្ថិតក្នុងភូមិបុស្សក្រឡាញ់ សង្កាត់ជ្រាវ ក្រុងសៀមរាប ដែលមានទំហំ(៥០ គុណ ១០០ ម៉ែត្រ) ដោយពួកគេឃុបឃិតគ្នា ទិញ លក់ ក្នុងតម្លៃជាង ១០ ម៉ឺនដុល្លារ។ លោកបន្តថា៖ ដីនេះកាលពីអំឡុងឆ្នាំ២០០៤ អង្គការ វិហារមេថីឌីស កម្ពុជា បានប្រគល់អោយសមាគមសពគ្រីស្ទាន ទុកសម្រាប់កប់សព ហើយបន្តគ្រប់គ្រងមកទល់បច្ចុប្បន្ន។ តែថ្មីៗនេះមានបុគ្គលមួយក្រុមតូច កំពុងឃុបឃិតគ្នាទិញលក់ដីនេះ ពុះជាដីឡូតិ៍ ទើបខាងលោកសម្រេចរៀបចំដាក់ពាក្យបណ្តឹង។ លោក ប្រាក់ វុទ្ធី បញ្ជាក់ថា៖ ពេលនេះលោកកំពុងដំណើរការបណ្តឹងទៅថ្នាក់ក្រុងនិងខេត្ត ដើម្បីរំលាយការទិញលក់ ហើយរក្សាដីនេះអោយសមាគមគ្រប់គ្រងកប់សពគ្រីស្ទានវិញ។ តែក្នុងពេលកំពុងដំណើរការបណ្តឹង ក្រុមជនខិលខូចបានឃុបឃិតលួចបន្តឈូសឆាយ និងបោះបង្គោល ហេតុដូច្នេះហើយទើបរូបលោកទទូចសុំអោយអាជ្ញាធរជួយទប់ស្កាត់បែបនេះ។ ត្បិតបណ្តឹង របស់លោក អាចនឹងឈានដល់តុលាការ។ សូមបញ្ជាក់ថា កាលពីថ្ងៃទី១៥ ខែមិថុនា ឆ្នាំ ២០២១ កន្លងទៅនេះ លោក ក្អោប រ៉ន ចៅសង្កាត់ជ្រាវ បានថ្លែងថា ករណីនេះលោកនៅមិនទាន់ដឹងច្បាស់ដែរទេ តែអាចសួរទៅលោក ខន ទើបដឹងច្បាស់។ លោក ឃុន សុខន ថៅកែដីឡូតិ៍ ក្នុងតំបន់សៀមរាប បានអោយដឹងថា ដីខាងលើនេះរូបលោកបានត្រៀមទិញមែន តែរងចាំអោយអ្នកលក់រត់ច្បាប់បានសិន។ ប៉ុន្តែលោក នួន ពុទ្ធារ៉ា អភិបាលក្រុងសៀមរាប បានបញ្ជាក់ថា រាល់ការឈូសឆាយពុះជាដីឡូតិ៍ត្រូវមានលិខិតកាន់កាប់ដី និងច្បាប់អនុញ្ញាតត្រឹមត្រូវមិនចឹងទេ គឺខុសច្បាប់ តែបើដីខាងលើនៅជាប់ពាក់ព័ន្ធ និងសមាគម ខាងសមាគម អាចមកដាក់ពាក្យបណ្តឹងនៅសាលាក្រុងបាន។ លោកបន្តថា ថ្វីត្បិតអាជ្ញាធរក្រុងមិនទាន់បានចុះទៅពិនិត្យទីតាំងដីនោះពិតមែន តែបើពិនិត្យឃើញថាដីនោះស្ថិតក្រោមការគ្រប់គ្រង របស់អាជ្ញាធរបឹងទន្លេសាប សាលាក្រុងមិនអនុញ្ញាតច្បាប់នោះឡើយ។ លោក ប្រាក់ វុទ្ធី បញ្ជាក់ចុងក្រោយថា ដីដែលខាងលោកកំពុងដំណើរការប្តឹងនេះ ក្រៅពីសម្រាប់កប់សពគ្រីស្ទាន វាក៏ស្ថិតក្នុងដែនគ្រប់គ្រងរបស់អាជ្ញាធរបឹងទន្លេសាបផងដែរ ហេតុដូច្នេះ ការឃុបឃិតគ្នាទិញលក់ពិតជាល្មើសច្បាប់៕

ព័ត៌មានគួរចាប់អារម្មណ៍

៣១ថ្នេរ! ក្នុងករណីហិង្សាដោយចេតនា ប្រើដោយ ពូថៅ កាប់ បង្កអោយបុរសម្នាក់រងរបួសធ្ងន់.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

បុរសវ័យចំណាស់៥១ឆ្នាំម្មាក់ ទៅសាម៉ោ និង ទ្រូនៅអាងពលសេនា ទ្រាស ត្រូវបានលង់ទឹកស្លាប់.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

សូមកោតសរសើរចំពោះ បងប្រុស ម្ចាស់គណនីយហ្វេសបុក {ធម្មជាតិ មិនទៀង} បានដឹកនាំក្រុមកាងារ សប្បុរសធម៌ តំណាងអោយ ម្ចាស់ សណ្ឋាគារ និង ក្រុមហ៊ុន កាស៊ីណូ សេនផាលេស នាំយកសម្ភារៈគ្រឿង ឧបភោគបរិភោគ ឧបត្ថម្ភដល់កងកម្លំងកងរាជអាវុធហត្ថ និង កងកម្លាំងនគរបាលក្រុងប៉ោយប៉ែត.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

តើអោយសម្ដេចតេជោ ទុកចិត្ដម្តេចបាន ត្រីងៀតឆ្លៀតពង សូម្បីដីច្រាំងអូរ និងខឿនទំនប់បង្ហៀរទឹក​ ត្រូវបានឯកឧត្ដម លឹម​ ជា ប្អូនប្រុសបង្កេីតឯកឧត្ដម​ លឹម​ គានហោ រដ្ឋមន្រ្ដីក្រសួងធនធានទឹក ឃុបឃិតជាមួយអាជ្ញាធរភូមិឃុំ ធ្វើលិខិតរំលោភយក និងចាក់ដីលុបយកទាំងអូរ​ យ៉ាងអនាធិបតេយ្យបែបនេះ.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

😭សង្វែកណាស់ ក្មេងប្រុសម្នាក់អាយុ៦ខួប លង់ទឹកស្លាប់ ដោយតាមជីតាទៅចំការ.!!! (គេហទំព័រ ប៉ោយប៉ែត ប៉ុស្តិ៍)

វីដែអូ

ចំនួនអ្នកទស្សនា

ថ្ងៃនេះ :
489 នាក់
ម្សិលមិញ :
991 នាក់
សប្តាហ៍នេះ :
5270 នាក់
ខែនេះ :
15528 នាក់
3 ខែនេះ :
46516 នាក់
សរុប :
790808 នាក់