ខេត្តបន្ទាយមានជ័យ៖ ដោយមានការបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការខេត្តបន្ទាយមានជ័យ កម្លាំងស្រាវជ្រាវរបស់អធិការរដ្ឋានគរបាល ស្រុកព្រះនេត្រព្រះ សហការជាមួយកម្លាំងស្នងការដ្ឋាននគរបាល ខេត្តបន្ទាយមានជ័យ បានវែកមុខចាប់ខ្លួនឃាតករ ដៃឆៅ ឈ្មោះ ចយ សឺន ភេទប្រុស អាយុ ៦៩ ឆ្នាំ រស់នៅភូមិឃូស្វាយ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ ដែលបានយកពូថៅ ទៅកាប់លោកយាយម្នាក់ឈ្មោះ ស៊ូ សូង ភេទស្រី អាយុ ៧៤ ឆ្នាំ រស់នៅភូមិជាមួយគ្នា បណ្តាលអោយស្លាប់ក្នុងថ្លុកឈាម នៅនិងកន្លែងកើតហេតុ កាលពីពេលថ្មីៗនេះ" ឥឡូវនេះចាប់ខ្លួនបានហើយ កាលពីថ្ងៃទី២៧ ខែមិថុនា ឆ្នាំ២០២១។ លោកឧត្តមសេនីយ៍ទោ សិទ្ធិ ឡោះ បានមានប្រសាសន៍ថា មុនចាប់ខ្លួនកាលពីវេលាម៉ោង១២និង០៥នាទី ថ្ងៃទី២៦ ខែមិថុនា ឆ្នាំ២០២១ កន្លងទៅថ្មីៗ ជនសង្ស័យបានយកពូថៅកាប់ទៅលើក្បាលស្រ្តីជនរងគ្រោះ ចំនួន ០៤ ពូថៅ បណ្តាលអោយស្លាប់បាត់បង់ជីវិតភ្លាមៗ រួចជនសង្ស័យបានរត់គេចខ្លួនបាត់។ លុះថ្ងៃទី២៧ ខែមិថុនា ឆ្នាំ ២០២១ ក្រោយស្រាវជ្រាវ ជនសង្ស័យត្រូវបានចាប់ខ្លួនយកមកសួរនាំ យោងចម្លើយសារភាពពីជនសង្ស័យបានអោយដឹងថា កន្លងមករវាងខ្លួន និងជនរងគ្រោះ ធ្លាប់មានទំនាស់រឿងព្រំដីស្រែ។ បច្ចុប្បន្នៈ ជនសង្ស័យរួមនិងវត្ថុតាង ត្រូវបានសមត្ថកិច្ច បញ្ជូនទៅតុលាការខេត្ត ចាត់ការតាមនីតិវិធីច្បាប់ នៅថ្ងៃទី២៨ ខែមិថុនា ឆ្នាំ២០២១ នេះហើយ៕ ដោយៈ លោក វ័ន ប៊ុនរើន អ្នកយកព័ត៌មាន គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
តាមរយៈការចង្អុលបង្ហាញផ្ទាល់របស់សម្តេចមហាបវរធិបតីហ៊ុន ម៉ាណែតនាយករដ្ឋមន្ត្រី ឯកឧត្តមបណ្ឌិត ប៉ាន់ខែម ប៊ុនថន ប្រើរយៈពេលវេលាចំនួន៣ម៉ោងប៉ុណ្ណោះ ដោះស្រាយវិវាទដីធ្លី១៨ឆ្នាំជូនប្រជាពលរដ្ឋបានបញ្ចប់ហើយនៅភូមិក្បាលស្ពាន១ សង្កាត់អូរជ្រៅ (ប៉ោយប៉ែតប៉ុស្តិ៍)
មន្ត្រី បន្តផ្តល់អត្តសញ្ញាណប័ណ្ណ ជិត ១ម៉ឺនសន្លឹក និងសេវាអត្តសញ្ញាណកម្ម ជាង ២ម៉ឺនសេវាទៀត ជូនប្រជាពលរដ្ឋ (ប៉ោយប៉ែតប៉ុស្តិ៍)
លោក គាត ហ៊ុល អភិបាលក្រុងប៉ោយប៉ែតនាំយកអំណោយនិងថវិកាផ្ដល់ជូនស្ត្រីម្នាក់ដែលមានជំងឺប្រចាំកាយ ជាជំងដឹមហារីក សុដន់ (ប៉ោយប៉ែតប៉ុស្តិ៍)
លោកវរសេនីយ៍ទោ ទេព រដ្ឋា នាំថវិកាចំនួន ១,៥០០,០០០រៀល របស់លោកឧត្តមសេនីយ៍ទោស្នងការប្រគល់ជូនគ្រួសារសពលោក អនុសេនីយ៍ត្រី ហូ ឧត្តម មន្រ្តីប៉ុស្តិ៍នគរបាលទានកាំដែលបានទទួលមរណៈភាព (ប៉ោយប៉ែតប៉ុស្តិ៍)
ខ្ចីម៉ូតូជិះមួយភ្លេតយកទៅលក់ដើរលេងស៊ីចាយអស់ ត្រូវម្ចាស់ប្តឹងសមត្ថកិច្ចចាប់ខ្នោះ.!!! (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា