ខេត្តឧត្ដរមានជ័យ៖ ស្ងប់ស្ងាត់បានមួយរយៈខ្លី តែពេលនេះក្រុមឈ្មួញរកស៊ីដឹកជញ្ជូនសិប្បកម្មកែឆ្នៃអត់ច្បាប់ ចាប់ផ្ដើមសារជាថ្មីវិញហើយ សង្ស័យថាមន្រ្តីជំនាញ លោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ និងលោក គង់ សារ៉េត នាយសង្កាត់រដ្ឋបាលព្រៃឈើស្រុកអន្លង់វែង មានការត្រូវរ៉ូវ និងបើកភ្លើងខៀវអោយក្រុមឈ្មួញរកស៊ីជំនួញបទល្មើសឈើខុសច្បាប់ និងសិប្បកម្មកែឆ្នៃប្រភេទឈើឆៅអត់ច្បាប់ហើយមើលទៅ ទើបមិនដែលឃើញបង្ក្រាប។ នៅថ្ងៃទី២៩ ខែមិថុនា ឆ្នាំ២០២១ មេឈ្មួញឈ្មោះ តាជឿន បានធ្វើសកម្មភាពដឹកជញ្ជូនសិប្បកម្មកែឆ្នៃ គ្រោងទ្វារ បង្អួច ដែលជាប្រភេទឈើឆៅតាមរថយន្តម៉ាក ធុន ត្រា ពណ៍ស ពាក់ស្លាកលេខភ្នំពេញ2AH 36 30 និងមួយគ្រឿងទៀតពណ៍ឆ្លូញ ចេញពីស្រុកជាំក្សាន្ត ខេត្តព្រះវិហារ ដឹកឆ្លងកាត់ទីស្នាក់ការរដ្ឋបាលព្រៃឈើស្រុកត្រពាំងប្រាសាទ​ និងស្រុកអន្លង់វែង ខេត្តឧត្ដរមានជ័យ ឆ្ពោះទៅខេត្តបន្ទាយមានជ័យ បានយ៉ាងរលូន ដោយមិនរំខានដល់មន្រ្តីជំនាញ ឬក៏ស្ថាប័នពាក់ពន្ធ័ជាពិសេស លោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ និងលោក គង់ សារ៉េត នាយសង្កាត់រដ្ឋបាលព្រៃឈើស្រុកអន្លង់វែង ធ្វើការបង្រ្កាបសោះឡើយ ឃើញមានតែអង្គុយចាំប្រមូលលុយពីក្រុមឈ្មួញអ្នករកស៊ីដឹកជញ្ជូនបទល្មើសឈើខុស និងសិប្បកែឆ្នៃអត់ច្បាប់ប៉ុណ្ណោះ។ មហាជនបានធ្វើការិះគន់ទៅលើ មន្រ្តីជំនាញពាក់ពន្ធ័ ក៏ដូចជានាយសង្កាត់ ផ្នែករដ្ឋបាលព្រៃឈើថា អសម្ថតភាពក្នុងការបង្កាបទល្មើសដែលកំពុងដឹកឆ្លងកាត់មុខទីស្នាក់ទៅហើយ បែជាអង្គុយចាំយកតែលុយ ដាក់ហោប៉ៅខ្លួននិងចែកគ្នីគ្នាធ្វើមានបានទៅវិញ តើមន្ត្រីដូចលោក ធ្វើការស៊ីប្រាក់ខែរដ្ឋរាជការ បែជាមិនធ្វើការបម្រើរសង្គមជាតិ។ ជុំវិញករណីខាងនេះក្រុមការងារយើងក៏បានរាយការណ៍ជូនលោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទដែរ តែលោកបានលើកឡើងថា មិនដែលឃើញមានរថយន្តដឹកឈើឈ្មោះ តាជឿន នោះទេ ហើយក៏មិនដែលបានជួប ឬក៏ស្គាល់ដែរ។ ចំណែកលោក គង់ សារ៉េត នាយសង្កាត់ រដ្ឋបាលព្រៃឈើស្រុកអន្លង់វែង ខលចូល តែមិនលើកទូរសព្ទ័៕ ដោយៈ លោក សួន ចំណាប់ គេហទំព័រ ប៉ោយប៉ែតប៉ុស្ដិ៍