ខេត្តសៀមរាប៖ បទល្មើសព្រៃឈើនៅក្នុងស្រុកជីក្រែង ខេត្តសៀមរាប ក្រុមមេឈ្មួញនៅតែបន្តធ្វើសកម្មភាពជាដឹកចេញជារៀងរាល់ថ្ងៃយប់ បើទោះបីក្រុមអ្នកសារព័ត៌មាន ខិតខំទៅប្រមាញ់ផ្តិតយករូបភាពធ្វើការផ្សព្វផ្សាយ ច្រើនលើក ច្រើនសារ ដើម្បីអោយមន្ត្រីជំនាញពាក់ព័ន្ធទាំងអស់បានដឹង និង ចុះទៅបង្រ្កាប។ ទោះជាមានការចុះផ្សាយយ៉ាងណាក្តី គេនៅតែសង្កេតឃើញថា៖ នៅវេលាម៉ោង ០៣ យប់ ទាបភ្លឺ ឈានចូលថ្ងៃទី០៦ ខែមិថុនា ឆ្នាំ២០២១ នៅតែមាន ក្រុមគោយន្តកន្ត្រៃជាច្រើន ធ្វើសកម្មភាព ដឹកជញ្ជូនឈើ យ៉ាងគំហ៊ុក បានយ៉ាងរលូនដ៏ដែល ចេញពីដែនអភិរក្សសត្វព្រៃបឹងពេ ដើម្បីយកទៅចែកចាយតាមដេប៉ូឈើ នានា ក្នុងស្រុកជីក្រែង និងបន្តចែកចាយនៅខេត្តសៀមរាប។ បើតាមប្រភព ច្បាស់ការណ៍មួយបានអោយដឹងយ៉ាងច្បាស់ថា៖ បទល្មើសព្រៃឈើក្នុងស្រុកជីក្រែង អាចធ្វើសកម្មភាពបានដោយរលូនជារៀងរាល់ថ្ងៃយប់នេះ គឺដោយសារមន្រ្តីជំនាញមួយចំនួន បានទទួលលាភសក្ការៈពីពួកក្រុមឈ្មួញទាំងនោះអស់ហើយ។ តាមប្រភពច្បាស់ការណ៍បន្ថែមថា៖ លោក សូរ ផល្លា នាយផ្នែកសង្កាត់រដ្ឋបាលព្រៃឈើជីក្រែង បានដាក់ក្មួយឈ្មោះ ក្តី ដើម្បីដើរប្រមូលលុយពីក្រុមបទល្មើសព្រៃឈើ។ រីឯ លោក ភោគ វិរៈ ដាក់លោក ម៉េត អោយដើរប្រមូលលុយពីក្រុមបទល្មើសព្រៃឈើ។ និងលោក រិទ្ធ មន្ត្រីផ្នែករដ្ឋបាលព្រៃឈើ ដាក់លោក មី ដើរប្រមូលលុយពីក្រុមបទល្មើសព្រៃឈើ និងលោក វុធ នាយរងសង្កាត់ព្រៃឈើខ្វាវ ដើរប្រមូលលុយចូលហោប៉ៅ ខ្លួនឯង និងចែកគ្នីគ្នា ធ្វើមានធ្វើបាន ជាថ្នូរមិនបង្រ្កាប។ ប្រភពបន្ថែមទៀតថា៖៖ មេឈ្មួញឈើដ៏ល្បីឈ្មោះក្នុងការដឹកជញ្ជូនបទល្មើសព្រៃឈើក្នុងស្រុកជីក្រែង ខេត្តសៀមរាប មានឈ្មោះ ដូចជា៖ លោក រ៉ុម លោក ថី,លោក ជា,លោក ថេង ហើយ និង មេឈ្មួយរកស៊ីឈើ ជាច្រើននាក់ទៀត។ ពាក់ព័ន្ធនិងរឿងក្រុមមេឈ្មួញធ្វើការដឹកជញ្ជូនឈើខាងលើ កាលពីព្រឹកថ្ងៃទី០៦ ខែមិថុនា ឆ្នាំ២០២១នេះ ក្រុមអ្នកសារព័ត៌មានយើង បាន ខលទៅ លោក ភោគ វិរៈ នាយសង្កាត់រដ្ឋបាលព្រៃឈើ មិនអាចសុំការបំភ្លឺបានទេដោយសារខលមិនចូល។ រីឯ!លោក សូរ ផល្លា និងលោក រិទ្ធ សារព័ត៌មានយើងក៏មិនទាន់ទទួលការបកស្រាយបំភ្លឺដូចគ្នា ដោយសារគ្មានលេខទូរស័ព្ទរបស់លោកទាំងពីរ៕