ពិធីប្រកាសចូលបំពេញការងារជាអភិបាលរងនៃគណៈអភិបាលខេត្តឧត្តរមានជ័យ ត្រូវបានតែងតាំង លោកស្រី មិន ធារី ជំនួស ឯកឧត្តម វ៉ាត ប៉ារ៉ានីន ដែលត្រូវទៅបំម្រើការងារនៅក្រសួងមហាផ្ទៃ...
ខេត្តឧត្តមានជ័យ៖ ពិធីប្រកាសសាលាខេត្តឧត្តរមានជ័យ ធ្វើឡើងនៅព្រឹកថ្ងៃសុក្រ ទី១៦ ខែកក្កដា ឆ្នាំ២០២១ ក្រោមអធិបតីភាព ឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ ឯកឧត្តម ស៊ី ប្រាសិទ្ធិ ប្រធានក្រុមប្រឹក្សាខេត្ត អញ្ជើញជាអធិបតីភាពក្នុងពិធីប្រកាសចូលកាន់មុខតំណែងជាអភិបាលរង នៃគណៈអភិបាលខេត្តឧត្តរមានជ័យ មួយរូប តាមអនុក្រឹត្យរបស់រាជរដ្ឋាភិបាលកម្ពុជាលេខ ៣១២ អនក្រ.តត ស្តីពី ការផ្ទេរភារកិច្ច និងតែងតាំងមន្ត្រីរាជការ សម្រេច ផ្ទេរភារកិច្ច លោក វ៉ាត ប៉ារ៉ានីន ឋានន្តរស័ក្តិឧត្តមមន្ត្រី ថ្នាក់លេខ៥ ពីអភិបាលរងនៃគណៈអភិបាលខេត្តឧត្តរមានជ័យ អោយមកប្រើការងារនៅទីស្តីក្រសួងមហាផ្ទៃ។ តែងតាំងលោកស្រី មិន ធារី ឋានន្តរស័ក្តិវរមន្ត្រីថ្នាក់លេខ២ នាយករងរដ្ឋបាលខេត្តឧត្តរមានជ័យ អោយមកកាន់មុខតំណែងជាអភិបាលរងនៃគណៈអភិបាលខេត្តឧត្តរមានជ័យ ជំនួសវិញ។
ក្នុងឱកាសនោះផងដែរ ឯកឧត្តម ប៉ែន កុសល្យ បានថ្លែងថា ការប្រកាសចូលកាន់មុខតំណែងអភិបាលរងខេត្ត ១រូបនេះ សង្ឃឹមថា និង បន្តអនុវត្តបំពេញភារកិច្ច សិក្សាស្រាវជ្រាវស្វែងយល់បន្តចូលរួមទាំងការគ្រប់គ្រងអភិវឌ្ឍខេត្តឧត្តរមានជ័យ បង្កើត បាននូវសមិទ្ធផលថ្មីៗបន្ថែមទៀត និងបន្តសហការការពារសុខសន្តិភាព ស្របតាម គោលនយោបាយបាយយុទ្ធសាស្រ្តចតុកោណ របស់រាជរដ្ឋាភិបាលកម្ពុជា។ រក្សាការគ្រប់គ្រងបរិស្ថាន ទាមទារការយកចិត្តទុកដាក់ ធានារក្សាសុខសន្តិភាព បង្កឱកាសការអភិវឌ្ឍរយៈពេលវែង ទាមទារអោយមានភាពទាក់ទាញ ផ្តោតលើធនធានធម្មជាតិ សិក្សាបញ្ចៀសផលប៉ះពាល់បរិស្ថាន និងដោះស្រាយផលប៉ះពាល់អោយនៅកម្រិតទាបបំផុត និងត្រៀមរៀបចំ ត្រៀមបង្ការការខ្វះខាតជូនប្រជាពលរដ្ឋ។
ឯកឧត្តម ប៉ែន កុសល្យ អភិបាលខេត្តបន្ថែមទៀតថា៖ ចំពោះវត្តមានរបស់លោកស្រីអភិបាលរង ដែលប្រកាសបំពេញតួនាទីជាអភិបាលរងខេត្តឧត្តរមានជ័យ ដើម្បីបម្រើប្រជាពលរដ្ឋតាមគោលនយោបាយរបស់រាជរដ្ឋាភិបាលដែលមានសម្ដេចតេជោ ជាប្រមុខអោយបានល្អប្រសើរ រួមសាមគ្គី ឯកភាពផ្ទៃក្នុងប្រកបដោយឆន្ទៈតែមួយ ក្នុងស្មារតីទទួលខុសត្រូវ និងត្រួតពិនិត្យយ៉ាងហ្មត់ចត់ និងលើកវិធានការ គោលការណ៍ដឹកនាំលើគ្រប់វិស័យ ក្នុងនោះការងារចម្បងមាន ការងារកំណែទម្រង់រដ្ឋបាលថ្នាក់ក្រោមជាតិ ក្នុងការអនុវត្តគោលនយោបាយវិមជ្ឈការ និងវិសហមជ្ឈការ និងការងារសេដ្ឋកិច្ចសង្គម និងជីវភាពរស់នៅរបស់ប្រជាពលរដ្ឋនៅក្នងមូលដ្ឋាន ត្រៀម លក្ខណៈអប់រំបណ្ដុះបណ្ដាលសមត្ថភាព កសាងធនធានមនុស្សសម្រាប់បន្តវេនក្នុងពេលអនាគត ។
ជាមួយគ្នានោះដែរ លោកស្រី មិន ធារី បានឡើងផ្តាច់ជ្ញាចិត្តគោរពរដ្ឋធម្មនុញ និងរាជរដ្ឋាភិបាល ចូលរួមអនុវត្តនូវគោលនយោបាយ ដើម្បីកំណើនការងារ ខិតខំបំពេញភារកិច្ច បម្រើសេវាសាធារណៈជូនប្រជាពលរដ្ឋ ប្រកបដោយគុណភាព តម្លាភាព និងប្រសិទ្ធភាព និងជាសេនាធិការបម្រើសេវារបស់រដ្ឋបាលខេត្ត រក្សាសាមគ្គីភាពផ្ទៃក្នុង និងតាមមន្ទីរ អង្គភាពពាក់ព័ន្ធនានាក្នុងខេត្ត៕
ដោយៈ លោក សួន ចំណាប់
គេហទំព័រ ប៉ោយប៉ែត ប៉ុស្តិ៍
www.poipetpostnews.com
