ខេត្តបន្ទាយមានជ័យ៖ ឯកឧត្តម​ អ៊ុំ​ រាត្រី​ អអភិបាលនៃគណអភិបាលខេត្តបន្ទាយមានជ័យ អមដំណេីរដោយ​លោក​ លី សុវណ្ណារិទ្ធិ អភិបាលរងខេត្ត.លោកប្រធានក្រុមប្រឹក្សាស្រុក.លោកអភិបាលរងស្រុក.និង ក្រុមការងារ​ បានអញ្ជើញនាំយកទៀនព្រះវស្សា​ ទេយ្យវត្ថុ​ គ្រឿងឧបភោគបរិភោគ​ រួមនិងបច្ច័យ ប្រគេនព្រះសង្ឃ គង់នៅវត្តសុក្ខារាមគោកព្រិច ស្ថិតភូមិគោកព្រិច ឃុំសូភី ស្រុកអូរជ្រៅ ននាឱកាសពិធីបុណ្យចូលព្រះវស្សា តាមប្រពៃណីជាតិ និងសាសនា នៅថ្ងៃសៅរ៍៍ ១៥កើត​ ខែទុតិយាសាឌ ឆ្នាំ​ឆ្លូវ​ ត្រីស័ក​ ពស​២៥៦៥ ត្រូវនឹងថ្ងៃទី២៤ ខែកក្កដា​ ឆ្នាំ​២០២១​។ ចំពោះទេយ្យវត្ថុដែលប្រគេនជូនព្រះសង្ឃគង់នៅវត្តខាងលេី រួមមាន​៖​ ទៀនវស្សា​១គូ​,​ សាដក១គូ,​ អង្ករ​១០០គីឡូក្រាម​,​ មមី៥កេស, ត្រីខ​៥កេះធំ,​ទឹកស៊ីអ៉ីវ​ ទឹកត្រី​១០យួរ,ទទឹកសុទ្ធ៥កេស,​ម៉ាស់២០ប្រអប់​ រួមនឹងបច្ច័យ​បួនព្រះសង្ឃ១១អង្គ ក្នុងមួយព្រះអង្គ១០ម៉ឺនរៀល នឹងបច្ច័យកសាងព្រះវិហារ ២០០០ ដុល្លារ សហរដ្ឋអាមេរិក។ ក្នុងនោះផងដែរ ឯកឧត្តម អ៊ុំ រាត្រី បាន មានប្រសាសន៍ ទៅកាន់ប្រជាពលរដ្ឋ និងព្រះសង្ឃបានលើកឡើងថា ព្រះពុទ្ធសាសនា គឺជាសាសនារបស់រដ្ឋ ដែលយើងទាំងអស់គ្នាមានជំនឿ និងគោរពប្រតិបត្តិតាម ព្រោះថាព្រះពុទ្ធសាសនា បានផ្តល់ការអប់រំផ្លូវចិត្ត អោយប្រព្រឹត្តនូវអំពើល្អ និងចេះជួយយកអាសាគ្នា សាមគ្គីភាពគ្នា រស់នៅក្នុងសង្គមមួយដោយសុខដុមរមនា ។ ឯកឧត្តមបានបន្តថា នៅជារៀងរាល់ឆ្នាំ មិនថាពុទ្ធបរិស័ទ ឬសប្បុរសជននោះទេ សូម្បីតែអាជ្ញាធរខេត្ត ក៏តែងតែបាននាំយកនូវទៀនចំណាំព្រះវស្សា យកមកវេរប្រគេន ដល់ព្រះសង្ឃ ដែលគង់ចាំព្រះវស្សា នៅតាមទីវត្តអារាមនានាទូទាំងខេត្ត ដែលនេះជាការបង្ហាញនូវការយកចិត្តទុកដាក់គាំទ្រ ផ្នែកវិស័យពុទ្ធសាសនា ដែលជាសាសនារបស់រដ្ឋ។ ឆ្លៀតក្នុងឱកាសនោះដែរ ឯកឧត្តមអភិបាលខេត្ត បានផ្ដាំផ្ញើដល់ មន្ត្រីរាជការ ព្រះសង្ឃ និងប្រជាពលរដ្ឋ មិនត្រូវមានការធ្វេសប្រហែស និងភ្លេចខ្លួន ក្នុងការការពារខ្លួន ពីជំងឺកូវីដ-១៩ នោះទេ សូមប្រជាពលរដ្ឋទាំងអស់ ត្រូវអនុវត្តន៍អោយបានខ្ជាប់ខ្ជួននូវវិធានការនានា តាមការណែនាំរបស់ក្រសួងសុខាភិបាល ដើម្បីការពារ និងទប់ស្កាត់នូវការឆ្លងរីករាលដាលនៃជំងឺកូវីដ-១៩ ចូលក្នុងសហគមន៍យើង ពិសេសត្រូវអនុវត្តអោយបានល្អតាមអនុសាសន៍ដ៏ខ្ពង់ខ្ពសើរបស់សម្តេចតេជោ ហ៊ុន សែន គឺ៖ {៣កុំ និង ៣ការពារ}៕ ដោយៈ លោក វ័ន ប៊ុនរើន ចំនួនការ គេហទំព័រ ប៉ោយប៉ែត ប៉ុស្តិ៍ www.poipetpostbews.com