ខេត្តឧត្ដរមានជ័យ៖ ថ្មីថ្មីនេះផ្ទុះការចាប់អារម្មណ៍ទស្សនិកជនជាខ្លាំង នៅលើបណ្ដាញការចុះផ្សាយព័ត៌មានក្នុងស្រុកមួយចំនួន ក្នុងន័យខ្លឹមសារនៅលើទំពរនោះ បានចុះផ្សាយថា៖ មន្រ្ដីយោធាម្នាក់បម្រើការងារនៅកងពលតូចលេខ៤១ ឈ្មោះ សំ ហាន់ មានឋានន្តរសក្ដិ ព្រិនបាលឯក អត្តលេខ១៨៩១០៧ ត្រូវបានលោកអនុសេនីយ៍ឯក សាន ស៊ីសាវុធ មានតួនាទីជានាយលេខា កងពលតូចលេខ៤១ ស៊ីសាច់ប្រាក់ខែ រហូតដល់ជាងពីឆ្នាំ ក្រោយជួយបញ្ចូលឈ្មោះ ក្នុងក្របខណ្ឌជាមន្រ្ដីយោធាពេញសិទ្ធ។ នៅរសៀលថ្ងៃទី២៧ ខែកក្កដា ឆ្នាំ២០២១ សារព័ត៌មានយើងខ្ញុំ បានខលទៅលោក សំ ហាន់ លោកបានអោយដឹងថា៖ ក្នុងរឿងនេះខ្ញុំមិនអាចបំភ្លឺបានទេ រងចាំផ្ទៃក្នុងដោះស្រាយជូនសិន ទើបអាចបំភ្លឺជូនអង្គភាពយើងខ្ញុំបាន បើប្រាប់ពេលនេះខ្លាចមានរឿងដល់ខ្លួន ព្រោះពេលនេះមេអង្គភាពកំរកដំណោះស្រាយនូវឡើយ។ បើទោះបីជាលោក សំ ហាន់ ព្រិនបាលឯក បកស្រាយតាមទូរស័ព្ទ ជូនអង្គភាពយើងខ្ញុំ ក្នុងន័យ អាថ៌កំបាំង និង មានភាពភ័យខ្លាចក្តី នេះសបញ្ជាក់អោយឃើញថា អាចមានរឿងត្រីឆ្ដោ ស៊ីកូនឯងម៉ែន។ គួរបញ្ជាក់ថា៖ ដោយមានសារព័ត៌មានក្នុងស្រុកបានធ្វើការចុះផ្សាយព្រោងព្រាតនៅលើប្រព័ន្ធ ឌីជីថល ស្មាតហ្វូន ប៉ុន្មានថ្ងៃនេះ ទើបធ្វើឲ្យលោកអនុសេនីយ៍ឯក សាន ស៊ីសាវុធ នាយលេខា កងពលតូចលេខ៤១ ស្វាត់ស្វែករកដំណោះស្រាយជូលោក សំ ហាន់ វិញ ព្រោះខ្លាចបាត់មុខតំណែង។ តែរឿងនេះលោក សំ ហាន់ បានបញ្ជាក់ដូចខាងលើហើយថា នៅមិនទាន់ដោះស្រាយចប់រឿងផ្ទៃក្នុងនូវឡើយទេ មកទល់ថ្ងៃនេះ។ ពាក់ព័ន្ធករណីខាងលើ ប្រជាពលរដ្ឋ ក៏ដូចមហាជនគ្រប់មជ្ឈដ្ឋាន សូមសំណូមពរទៅដល់ឯកកឧត្ដម នាង ឃីម មេបញ្ជាការកងពលតូចលេខ៤១ សូមជួយអន្តរាគមន៍ រកយុត្តិធម៌ ជូនដល់លោក សំ ហាន់ ផងទាន បើមិនរកយុត្តិធម៌ជូនលោកទេ ថ្ងៃក្រោយមន្ត្រីដូចរូបលោក សាន ស៊ីសាវុធ ត្រីឆ្ដោស៊ីកូនឯងនេះ ច្បាស់ជា ជៀសឥទ្ធិពលដល់ថ្នាក់ក្រោមឱវាទរបស់ឯកឧត្តម បន្តបន្ទាប់ទៀតមិនខាន។ ជំុវិញករណីខាងលើនេះដែរ លោកអនុសេនីយ៍ឯក សាន ស៊ីសាវុធ បានអោយក្រុមការងារយើងដឹងថា មិនមានការកាត់ប្រាក់ខែដូចការចោទប្រកាន់នោះទេ.?៕ ដោយ: លោក សួន ចំណាប់ គេហទំព័រ ប៉ោយប៉ែត ប៉ុស្ដិ៍ www.poipetpostnews.com