តើ!បទល្មើសនេសាទនៅក្នុងភូមិសាស្ត្រ ឃុំកណ្ដែក ខេត្តសៀមរាប បង្ក្រាបមិនចេះអស់ចឹង ឬមួយជាឆ្នាំងបាយរបស់ដែនសមត្ថកិច្ចមួយចំនួនតូច.!!!
ខេត្តសៀមរាប៖ បើយោងតាមប្រភពមានការលើកឡើងជាច្រើនថា៖ បទល្មើសនេសាទ នៅក្នុងភូមិសាស្ត្រ ឃុំកណ្ដែក បានកើតមានជាបន្តបន្ទាប់ ហើយការបង្ក្រាប ហាក់បីមិនចេះអស់សោះឡើយ ឬមួយជាឆ្នាំងបាយរបស់ដែនសមត្ថកិច្ចមួយចំនួនតូចដែរប្រចាំការនៅតំបន់នោះ.?។
ជាក់ស្ដែងកាលពីថ្ងៃទី០៣ ខែកក្កដា ឆ្នាំ២០២១ ម្សិលមិញនេះ នគរបាលស្រុកប្រាសាទបាគង សហការជាមួយប៉ុស្ដិ៍កំពង់ភ្លុក និងសហគមន៍ឃុំកណ្ដែក រួមនិងប្រជាការពារ បានចុះបង្ក្រាបបានឧបករណ៍នេសាទខុសច្បាប់ នៅចំណុចខាងលិចកោះវ័រព្រេង ស្ថិតក្នុងភូមិសាស្ត្រ ឃុំកណ្ដែក ស្រុកប្រាសាទបាគង ខេត្តសៀមរាប។
ករណីបង្ក្រាបនេះ សមត្ថកិច្ចចបានដកហូត និង ដុតកម្ទេចចោល នៅនឹងកន្លែង ដោយឧបករណ៍នេសាទខុសច្បាប់នោះរួមមាន៖
១-បរចំនួន៣ខ្សែសរុបប្រវែង២០០ម៉ែត្រ។
២-អ៊ូទូចំនួន៧ខ្សែ សរុបប្រវែង៤០០ម៉ែត្រ។
៣-ចម្រឹងសរុបចំនួន៥០០ដើម។ ក្នុងនោះព្រលែងកូនត្រីចម្រុះប្រមាណ៥គីឡួក្រាម ចូលបឹងធម្មជាតិវិញផងដែរ។
លោក លឹម សម្បត្តិ អធិការនគរបាលស្រុកប្រាសាទបាគង បានអោយសារព័ត៌មានដឹងថា ៖ ប្រតិបត្តិការនេះ គឺដើម្បីចូលរួមរក្សាការពារ ធនធានជលផល មច្ឆាជាតិ ដែលជា ស្បៀងបម្រុងសម្រាប់ប្រជានេសាទ ក្នុងសហគមន៍ និងដោយមានការណែនាំ ពីលោក សូរ ប្លាតុង ប្រធានគណៈបញ្ជាការឯកភាពរដ្ឋបាលស្រុកប្រាសាទបាគង។
លោក លឹម សម្បត្តិ បន្តថា៖ ការនេសាទនេះមានហានិភ័យ ដោយប្រើប្រាស់ ឧបករណ៍ខុសច្បាប់ ឬឧបករណ៍នេសាទប្រភេទក្រឡាល្អិត ចាប់យកសូម្បីតែកូនត្រីចម្រុះ តូចៗ ជាហេតុធ្វើអោយធនធានជលផល ដែលជាស្បៀងបម្រុងរួមនៃយើងកាន់តែបាត់បង់៕
ដោយៈ លោក ថោង វណ្ណរី
គេហទំព័រ ប៉ោយប៉ែត ប៉ុស្តិ៍
www.poipetpostnews.com
