ខេត្តឧត្ដរមានជ័យ៖ ពលរដ្ឋរងចាំមើលថា៖ តើ អាជ្ញាធរមានសម្ថតកិច្ចក៏ដូចជា សមត្ថកិច្ចជំនាញពាក់ពន្ធ័ នៅស្រុកត្រពាំងប្រាសាទ មានសម្ថតភាព ឬក៏ អសម្ថតភាព ក្នុងការបង្រ្កាប សង្វៀនប្រជល់មាន់របស់ លោក ឡេង មួយកន្លែង ដែលឋិតនៅក្នុងចំការស្វាយ ក្នុងភូមិអភិវឌ្ឃន៍តេជោ ឃុំត្រពាំងប្រាសាទ ស្រុកត្រពាំងប្រាសាទ បានដែរឬទេ? ព្រោះថ្មីថ្មីនេះ លោក ឡេង កំពុងបើកដណណើរការលេងល្បែងជល់មាន់បានយ៉ាងរលូននាសម័យកូវីដ-១៩ ដែលក្រុមអ្នកញៀនល្បែងទាំងនោះ កំពុងពពាក់ពពូនម្តុំក្បាលគ្នាលេងភ្នាល់ដាក់ប្រាក់ក្នុងមួយគូរៗរាប់លានរៀលផងដែរ។ យោងប្រភពពលរដ្ឋបានអោយដឹងថា៖ សង្វៀនជល់មាន់ខាងលើគឺជារបស់លោក ឡេង ហើយលោក ឡេង នេះ មិនដឹងមានខ្នងបង្អែកធំប៉ុណ្ណានោះទេ? ទើបហ៊ានបោះពាក្យសម្ដីខ្លាំងៗនិងបញ្ចេញឥទ្ធិពលរិទ្ធអំណាចថា ខ្លួនមិនខ្លាចអ្វីឡើយចង់អ្នកណាធ្វើអីក៏មិនខ្លាចដែរ ព្រោះក្នុងស្រុកត្រពាំងប្រាសាទ លោកបានសូកប៉ាន់ មន្រ្តី អាជ្ញាធរមានសម្ថតកិច្ចក្នុងខេត្តឧត្ដរមានជ័យទាំងមូលអស់ហើយ សូមបងប្អូនលេងតាមសប្បាយចុះ កុំទៅខ្លាចអីអាជំងឺកូវិដ ខ្លាចតាអត់បានលេងតើ?។ ជាក់ស្តែងៈ កាលពីម្សិលមុិញត្រូវនឹងថ្ងៃទី០៤ ខែកក្កដា ឆ្នាំ២០២១ សកម្មភាពក្រុមអ្នកញៀនលែងភ្នាល់ជល់មាន់ខាងលើ ពិតជាកំពុងម្តុំក្បាលគ្នាលេងយ៉ាងទ្រហឹងអេឺងកង ដោយមិនខ្លាចឆ្លងជំងឺកូវីដ-១៩ ចូល ក្នុងសហគមន៍ និងក្រុមគ្រួសារឡើយ។ នេះអាចបញ្ជាក់បានថា ឈ្មោះ ឡេង គឺមានឥទ្ធិពល រិទ្ធអំណាចខ្លាំងខ្លាក្នុងកាបើកបនល្បែងស៊ីសងខុសច្បាប់មែន មិនតែប៉ុណ្ណោះ ហ៊ានផ្គើនសេចក្ដីណែនាំរបស់ប្រមុខរាជរដ្ឋាភិបាលនិងក្រសួងសុខាភិបាលយ៉ាងពេញបន្ទុក។ ពលរដ្ឋរស់នៅក្នុងស្រុកត្រពាំងប្រាសាទសំណូមពរដល់ឯកឧត្ដម ប៉ែន កុសល្យអភិបាលខេត្ត និងឯកឧត្ដម ហួត សុធី ស្នងការនគរបាលខេត្តឧត្ដរមានជ័យ សូមមេត្តាចាត់វិធានការបង្ការទប់ស្កាត់និងបង្រ្កាបទីតាំងខាងលើនេះផងទាន បើពុំដូច្នោះ! ជំងឺកូវីដ-១៩ កាន់តែរីករាលដាលសាយភាយ និងបំផ្លិចបំផ្លាញអាយុជីវិតពលរដ្ឋកាន់តែច្រើន៕ ដោយៈ លោក សួន ចំណាប់ គេហទំព័រ ប៉ោយប៉ែត ប៉ុស្ដិ៍ www.poipetpostnews.com