រាជធានីភ្នំពេញ៖ ទីតាំងលេងល្បែងភ្នាល់ជល់មាន់ និង អាប៉ោង ដុះស្លែរ មួយកន្លែងជាប់មាត់ប្រឡាយទឹកស្អុយ នៅតាមបណ្ដោយផ្លូវបេតុង ចុះពីស្ពានស្ទឹងមានជ័យ ប្រហែល ២០០ ម៉ែត្រ ក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ សូមសមត្ថកិច្ចចុះបង្ក្រាបទីតាំងមួយនេះផង ដែលម្ចាស់ទីតាំងនោះ កំពុងបើកដៃអោយក្រុមអ្នកញៀនល្បែង ចូលទៅលេងយ៉ាងគគ្រឹកគគ្រេង ភ្នាល់ដាក់ប្រាក់រាប់លានរៀន ដោយមិនខ្លាចឆ្លងជំងឺកូវីដ-១៩ ក្នុងសហគមន៍ថ្វេដងឡើយ។ បើយោងប្រភពពីប្រជាពលរដ្ឋបានអោយដឹងថា៖ សព្វថ្ងៃនេះពួកគាត់មានក្តីបារម្ភៈជាខ្លាំង ព្រោះខ្លាចឆ្លងជំងឺកូវីដ-១៩ ដែលជំងឺនេះ កំពុងរាតត្បាតយ៉ាងកាចសាហាវ នៅទូទាំងព្រះរាជាណាចក្រកម្ពុជា។ ក៏ប៉ុន្តែ.! ទីតាំងបង្កប់លេងល្បែងសុីសងមួយនេះ នៅតែបើកលេងជាយូណាស់មកហើយ តែពុំទាន់ឃើញ អាជ្ញាធរមានសមត្ថកិច្ចជំនាញពាក់ព័ន្ធ ចុះមកធ្វើការទប់ស្កាត់និងបង្រ្កាបនៅឡើយទេ? គឺនៅតែឃើញមានក្រុមអ្នកញៀនល្បែងបង្កើតការជួបជុំ ប្រមូលផ្តុំគ្នា លេងភ្នាល់បានយ៉ាងរំភើយជារៀងរាល់ថ្ងៃដ៏ដែល ផ្ទុយពីការណែនាំនូវវិធានការ បីការពារ បីកុំ របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងក្រសួងសុខាភិបាល យ៉ាងគគ្លើនទៅវិញ។ ប្រជាពលរដ្ឋសំណូមពរទៅ លោក ម៉េង វិមានតារា អធិការខណ្ឌមានជ័យ សូមមានវិធានការចុះពិនិត្យ នឹងបង្ក្រាបទីតាំងមួយកន្លែងផងជៀសវាងមានការរិះគន់ពីមហាជនថា៖អសមត្ថភាពក្នុងការទប់ស្កាត់ និង បង្ក្រាប។ ជាពិសេស ប្រជាពលរដ្ឋសូមសំណូមពរទៅដល់ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ ឯកឧត្តម ស ថេត និងលោក ពេជ្រ កែវមុនី អភិបាលខណ្ឌមានជ័យ សូមមេត្តាមានវិធានការយ៉ាងម៉ឺងម៉ាត់ ចាត់មន្ត្រីក្រោមឱវាទ ចុះបង្ក្រាបទីតាំងខាងលើ ដែលហ៊ានលួចបើកលេងល្បែងស៊ីសដោយខុសច្បាប់មួយនេះផងទាន៕ ដោយៈ លោក សេង រ័ត្ន គេហទំព័រ ប៉ោយប៉ែត ប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា